سؤال وجواب علاج لجرثومة المعده

السلام عليكم ورحمة الله وبركاته

كل عام وانتم بخير

ابي علاج لجرثومة المعده ؟

وهل تسبب صداع لراس ، وغازات وانتفاخ لبطن

حيث عملة تحليل عن طرق النفخ وطلعت النتيجة جرثومه لامعده

واعطاني الدكتور مضاد حيوي قوته 500 ومضاد نوع ثاني 500

مرتين باليوم ، وحبوب اخرى مره واحده

ياليت احد يفيدني
 

Imaginary

عضو بلاتيني
يامولاي
انت تسال بمنتدى
بيرد عليك الشلايتي والمحامي والتاجر والمغازلجي والمُتَفَلسف والعسكري والسياسي، الاخواني والسلفي..وكلهم ماعندهم ماعند يدي بخصوص موضوعك

انصحك باستشارة اهل الاختصاص من الدكاترة المسخرين حياتهم للعلاج .. الدارسين المجربين المطلعين..
ماتشوف شر
 

صالح

عضو مميز
لاباس عليك وماتشوف شر

خوي كان فيه جرثومة المعده

جرب العلاج الثلاثي مضادات حيويه وادوبه تبني جدار للمعده واخرى تهدم جدار خلايا الجرثومه على ما اعتقد
المهم
كانت الادويه مثل شي يهديه لكن مو علاج فعلي
اخر شي اتبع برنامج غذائي وخلاه اسلوب حياة
وسبحان الله راحت !
شوف اكلك بالاول وخلك مع طبيبك الي سوالك تحليل النفخ لان المنتدى ما اظن فيه اطباء جهاز هظمي
وماتشوف شر
 

AlBadel

عضو مخضرم
الأمر بسيط
أوله ماتشوف شر وأجر وعافية
للعلم جرثومة المعدة علاجها عن طريق فحص الدم
ولازم تمر علي مختبر ويسحب عينه
ومدة العلاج أسبوعين
أترك عنك المضادات المهم فحص الدم عشان تحديد نوعية الجرثومة وبالنهاية تراه بسيط وعلاجه سهل
وأسأل مجرب وسلامات :وردة:







image.php
 
بالبداية
قبل سؤال اخي المحترم السائل

إخواني اهل الردود
فية مثل ايقول( اسأل مجرب ولا تسأل طبي)
وفية مثل ثاني ايقول ( من نشد ما ضاع )
نعم السياسي والمغازلجي والمحامي والمتفلسف والعسكري هم بشر ويمرضون ولهم تجارب
وأما ان تقل شئ مفيد واما ان تصمت



اما بخصوص اخي الفاضل المحترم السائل
اولا
ما تشوف شر ان شالله

ثانيا
نعم يوجد لها دواء وهو المضاد الحيوي والفحص المستمر وانا أنصحك في الدكتور الاستشاري أنوار العنزي فهو مختص في ها لعلاج


ثالثا

تري كل شخص يوجد به جرثومة في معدة ولكن حالها كحال الغدد اما ان أتكون نشطة او خامله

ختاما
الله ايشافيك وأيضاً في جميع المسلمين
 

سبع

عضو مميز
الدكتور عطاك العلاج الثلاثى للجرثومه مضادين حيويين ومخفف حموضه للمعده
خلك وياه سليم علاجه مده اسبوع او عشر ايام هذا العلاج المتعارف عليه لجرثومه المعده
وماتشوف شر
 

بنت المملكة

عضو مميز
هي تسبب الغثيان وفقدان الشهيه وألمها في أعلى المعده وشعور باإنتفاخ المعده

علاجها يكون قوووووي وثقيل ومتعب
المفروض 3مضادات
واحد منهم يكون مضاد أميبي يكون مر وقوي بس ضروري
والأثنين الباقيات تبدا في واحد منهم إذا خلص إبداء في الثاني ماتاخذهم مع بعض
أصلا جرثومة المعده تبين عن طريق نفخ بالكيس فقط وطالما تغير لون الكيس معانته موجوده عندك
أما سحب الدم لتوفئيد وغيره
على فكره ترا أهمالها خطير جدااا
 
دخل على شانك لأني جاريت جرثومة المعدة قبل فترة حسيت بتعب شديد دوخة وترجيع واعرض كثيرة ونصحتني الدكتورمنع عني أنوع كثيرة من الأكل مثل البرتقال والليمون والشاي البيبسي والقهوة والبهارات
أما الأشياء ألي الأكثر خطورة على المعدة الي تحط تحتهم خط احمر البرتقال القهوة زيت الزيتون
أما العلاج فرجتي قالت لي عن علاج عبارة عن قشر الرمان مطحون +عسل أصلي وتعجنهم مع بعض وتسويهم على شكل كور صغيرة وتحطهم بالفريزر وتأخذهم مرتين باليوم قبل الوجبة بفترة صراحة أنا مجربته لأنه الحمد لله سويت تحليل قال الدكتور عندج التهاب بسيط بالمعدة مع القالون
اما عن الغازات والانتفاخ هي اعرض القالون مو المعدة على ماجربت
الله يشافيك ويعافيك
 

الديفي

عضو بلاتيني
هل جرثومة المعده هي نفس جرثومة القلب؟

اسمع ناس طاحو ودشو المستشفى وبين الحياة والموت والسبب جرثومة بالقلب؟

ما هو مسببات الجرثومه هذي؟ وهل هي جرثومه وحده او مستوطنة جراثيم؟!​
 

عذاري

عضو مميز
استمر بالدوا اللي صرفه لك الطبيب

وان شاء الله تتشافي

أهم شي ابتعد عن المطاعم تري اهياا السبب وكل مشاكلنا الصحيه منها

وكل يوم والثاني لحوم فاسدة اغذيه منتهيه شي طبيعي تصير فينا ألف عله حسبي الله عليهم وعلي كل تاجر

يلعب بأرواح الناس​
 
انصحك عن تجربه ملعقة عسل مع كأس ماء زمزم فاتر على الريق ولا تفطر بعدها الا بعد نص ساعه وابتعد عن الحليب والأجبان والمكسرات والبهارات والقهوه واستمر على العسل وماء زمزم مدة عشر ايام .. وماتشوف شر
 

بدركوم

عضو مميز
يامولاي
انت تسال بمنتدى
بيرد عليك الشلايتي والمحامي والتاجر والمغازلجي والمُتَفَلسف والعسكري والسياسي، الاخواني والسلفي..وكلهم ماعندهم ماعند يدي بخصوص موضوعك

انصحك باستشارة اهل الاختصاص من الدكاترة المسخرين حياتهم للعلاج .. الدارسين المجربين المطلعين..
ماتشوف شر

شخصياً احد الاصدقاء مغازلجي عطاني نصيحة قبل 5 سنوات غيرت مجرى حياتي ولا زلت اشكره عليها حتى هذا اليوم

المقصد لا تستهين برأي احد والانسان العاقل يستشير الصغير والكبير نساء ورجال وبعدها يرى ما يناسبه
 

وين نروح

عضو بلاتيني
أنا توي متعالج من جرثومة المعدة بفضل الله ومنته بعد معاناة طويلة عند الدكتور أنور العنزي بالجهراء
لمدة ١٠ أيام مضاد حيوي كلاسيد + أموكسيل + برايت
بعدها سويت عملية نفخ وطمني بإختفائها

ضيقة خلق وهلع وغثيان ودوخة وتنميل وإكتئاب وألم وإنتفاخ وغازات وقلة شهية وخوف من الأكل وكل شي ،،،

إذا بغيت أي شي راسلني خاص ،،
 

ابعتذر

عضو ذهبي
أنا توي متعالج من جرثومة المعدة بفضل الله ومنته بعد معاناة طويلة عند الدكتور أنور العنزي بالجهراء
لمدة 10 أيام مضاد حيوي كلاسيد + أموكسيل + برايت
بعدها سويت عملية نفخ وطمني بإختفائها

ضيقة خلق وهلع وغثيان ودوخة وتنميل وإكتئاب وألم وإنتفاخ وغازات وقلة شهية وخوف من الأكل وكل شي ،،،

إذا بغيت أي شي راسلني خاص ،،


8 سنين بالتمام والكمال كل يوم أكل حبتين حموضه

للأسف ما لقيت الي شخص حالتي صح

وأعترف إني جزء من هالمشكله

1- مدخن مالبورو أحمر كل يوم باكيت تقريبا

2- مشروب ديو تقريبا 4 مرات يوميا

3-قهوتنا يا اهل الجنوب توقف شعر راسك من زنجبيلها و مسمارها ههههه
 

Maradona

عضو مميز
يامولاي
انت تسال بمنتدى
بيرد عليك الشلايتي والمحامي والتاجر والمغازلجي والمُتَفَلسف والعسكري والسياسي، الاخواني والسلفي..وكلهم ماعندهم ماعند يدي بخصوص موضوعك

انصحك باستشارة اهل الاختصاص من الدكاترة المسخرين حياتهم للعلاج .. الدارسين المجربين المطلعين..
ماتشوف شر

اولا عيب عليك تغلط علي الشباب

ثاني شي انا فني مختبر واعمل يوميا لمثل هذي الحالات


الجواب علي السؤال

افضل شي المضاد الحيوي

ومافي أي مشكله تستخدم مضادات حيويه من كل نوع بنفس الوقت

وهالشي يحدد لك الدكتور

لاتحاول ان تسوي شي بدون علم الدكتور

وان شاءالله شهر او اكثر بقليل وتروح الجرثومه


والله يشافيك
 

Maradona

عضو مميز
الأمر بسيط
أوله ماتشوف شر وأجر وعافية
للعلم جرثومة المعدة علاجها عن طريق فحص الدم
ولازم تمر علي مختبر ويسحب عينه
ومدة العلاج أسبوعين
أترك عنك المضادات المهم فحص الدم عشان تحديد نوعية الجرثومة وبالنهاية تراه بسيط وعلاجه سهل
وأسأل مجرب وسلامات :وردة:







image.php

اخي الكريم افضل فحص لجرثومة المعده النفخ

وتقدر تفحص بالبراز والدم


بس الافضليه النفخ
 

Maradona

عضو مميز
هل جرثومة المعده هي نفس جرثومة القلب؟

اسمع ناس طاحو ودشو المستشفى وبين الحياة والموت والسبب جرثومة بالقلب؟

ما هو مسببات الجرثومه هذي؟ وهل هي جرثومه وحده او مستوطنة جراثيم؟!​

جرثومة القلب لم اسمع عنها

لكن جرثومة المعده موجوده بكل انسان لكن ماتحس فيها

وتكبر الجرثومه عندما تأكل مطاعم ملوثه او تأتيك عدوي فتكبر الجرثومه وتسببلك غيثان وحموضه

وافضل فحص لها النفخ وفي الدم والبراز
 
أعلى