سؤال وجواب افضل مكان للعلاج الطبيعي

mxm8

عضو فعال
السلام عليكم

يا اخوان الوالد حاشتة جلطة بالمخ قبل 4 شهور وقدر الله ان يكون الجزء اليمين من جسمة مايحركة وعدم القدرة على النطق الي الآن
نصحوني الاطباء بالعلاج الطبيعي.. في اللي نصحني بالتشيك والهند واللي قالي المانيا
الحمدالله الوالد وقعنا كتابه علاج على حساب الحكومة
ف اللي اتمناة منكم ماتبخلون علي بالمشورة واكون شاكر لكم
 

Anu

عضو بلاتيني
اعتقد المانيا و التشيك الافضل و الله اعلم
من الافضل تشوف دكتور استشاري ينصحك
المانيا معروفه دوله متقدمه بالطب و الصناعه وكل شي
والتشيك وايد يروحون لها للعلاج الطبيعي و الاسترخاء

و اجر و عافيه و ان شاءالله الوالد مافيه الا العافيه
 
أخي الكريم الأمر يعتمد على شي واحد .. السفر راح يكون على حسابكم أو على حساب الدوله؟
أذا على حسابكم عندكم التشيك وأوكرانيا جيده وأسعار العلاج هناك معقوله
وأذا كان على حساب الدوله ألمانيا لايعلى عليها ..

هذا عن تجربه ...
 

Aragon

عضو ذهبي
اذا على حساب الحكومة المانيا ويمدحون بادن بادن

وبشكل عام التشيك معروفة بجودتها وبخبرتها بهالمجال

الله يشفي الوالد ويردله عافيته
 

ارحل ياجاسم

عضو مميز
السلام

انا رحت علاج بالتشيك وكذلك المانيا

التشيك مصحاتهم ممتازه في منطقة تبليتسه...وهناك مصحات اقوى متخصصه في علاج الحالات الصعبه للاسف ماتحظرني الاسماء حاليا..اذا تبي ارسل لك رقم شاب لبناني محترم جدا وخدوم واطبعا انت اذا رحت التشيك على حساب الحكومة اهو اللي راح يستلمكم او اخوه ..ممكن اعطيك رقمه وتراسله واتساب وترسل له التقارير وعقب يفيدك بأي مصح ينفعكم او اذا ماكو مصح مناسب للحاله...وعموما العلاج على حسابك الخاص ايضا مناسب..لوهم تسعيرتين في الشتا والصيف وفي الصيف طبعا اغلى والاطباء يكون علاجهم بالصيف موذاك الزود بسبب ظغط الخليجيين عليهم والكثره.

منطقة كارلوفيفاري مصحاتها للنقاهه والتخسيس...لكن فيها مصح قبلها بشوي فيه ماي مشبع باليورانيوم هذا يفيد الحلات الصعبه بس يوقعونك على ورقة انه العلاج ممكن يقضي عالحيوانات المنويه يعني هالشي مايفرق مع الكبار بالسن واللي عندهم عيال اما الشباب فخطر عليهم.

المانيا ايضا ممتازه بالعلاج.

لي صديق قريب مدحلي اوكرانيا جدا بس المناطق اللي فيها العلاج خطره ويقول تقعد بالمصح ماتطلع خوفا من العصابات اللي هناك

عموما اذا حبيت ارسل لك رقمي وممكن افيدك باللي اعرفه

ماتشوف الشر والله يشافيه والدك
 

اقوش

عضو فعال
سلامات للوالد واجر وعافيه انشالله
انصحك وبشده الى التشيك
الوالد الله يعافيه جلطه
وهذا معناتها يحتاج له علاج طبيعي متخصص
وهناك مصح متخصص في هالامور الجلطه
التشيك مدينة تبليتسه مصح دوبي
هو المتخصص في هالحالات
واذا تبي شي توصيه وتزويدك في ارقام اشخاص ثقه
انا من رواد التشيك منذو اكثر من 13 سنه كل سنه اروح هناك
وحاضرين واللى تامر فيه

ولاتحاتى شي وانا اخوك ابد ارسلي على عالواتساب وابشر بالخير
اخوك بو محمد
99840002
 
أعلى