سؤال وجواب ابي العود الاصلي وين ابي اشتري!!!

[كوكوو]

السلام عليكم
شلونكم يالنشامى
ابي منكم خدمة صغيرة!!
ابي اشتري عود اصلي((بخور))
وين احصله بالكويت تعبت من الهنود اللي بالمباركية كلن يقول انا احسن واحد
فا ارجو منكم اللي عنده رقم واحد ثقة يبيع عود اصلي لا يقصر
الموضوع ضروري شكرا لكم

 

[بن ذى يزن]

بعطيك محلات


عندك إذا دخلت المباركيه قدام الفايز للعطور من الداخل راعيه الغانم
في محل عنده عود جوده حلوه
قوله أبي اللي بالجناط يكون مفروز


وفي محل صابر بالبنايه اللي قدام شئون القصر
قوله بعد ما تشم طلع اللي داخل المكتب
عنده سوبر ودبل ريحته حلوه مو قويه

بس كاسر فيه
كاسر كاسر كاسر يعني عادي عطه نص السعر

وترا الطيب غالي وجهز فلوسك


واذا في احد من ربعك رايح بانكوك
في محل اسمه كمبوديا سنتر بشارع العرب

عنده ماليزي فخم
بربع قيمة الكويت والإمارات



بالتوفيق

 

[(ابو عبدالرحمن)]

شركة امل الكويت عنده نوعيات فاخرة
وكذلك شركة عطورات العبدالمحسن (جمعية الخالدية)

بالتوفيق ،،

 

[غيث]

أجمل , القرشي , سيد جنيد

 

[اجودي]

وعليكم السلام

اذكر فيه رجال شمري مسوي اعلان بالجرايد الاعلانية
عنده بخور جميل جدا بدون مبالغة
افضل و ارخص من كثير اللي بالسوق
ابحث عنه.. راح يعجبك ( ما هي دعاية ) ء

​

 

[حوللي]

عن تجربة أفضل عود أصلي درجة أولى عند " السرتي " اللي بالمباركية شي عجيييييييييب وأكثر زباينهم الشيوخ والأمراء والنوعية اللي عندهم نخب أول
أنا ما أتعامل إلا معاهم بعد تجربة طوييييلة في عالم البخور والعود

 

[عبدالباري]

أجمـــــــــــــــــل

و

سيد جنيد
​

 

[محمود المليجي]

العود الأصلي لايوجد
ومن يدعي ان لديه عود اصلي فهو كاذب لأن العود اصله من شجرة العود وهذه الشجره نادره توجد منها في كمبوديا والهند الشيء القليل وسعر العود غالي جدا لندرته ..
اما مايباع في محلات البخور فهو معمول عود وليس عود ..
حتى المسك نادر جدا ومحلات القرشي وغيره يبيعون مسك صناعي ويوهمون الزبون انه مسك طبيعي .