سؤال وجواب ابي برقع لبنت صغيرة عمرها 8 اشهر من براقع الكويت

ابوصالح

عضو ذهبي
السلام عليكم

اللي مايعرف يسأل اهله او الحريم الكبار هههه

ادري طلب غريب بس اقولكم السبب اخر الموضوع

تكفون ابي افصل برقع لبنت صغيره عمرها 8 اشهر وصار لي مده ادور بسوق الحراج بالجمعه ومالقيت وقالوا لازم تفصيل

فيه براقع حق اهل الجنوب بس مايصلح

نبي برقع مال بدو اهل الكويت مال امهاتنا الله يرحمهم

عندي بنت ولدي ابي اشوفها على البرقع

احس انها امي وابي اقارن صورتها وعيونها اللهم بارك مع عيون امي الله يرحمها

ابي وين يفصلونها
 

أم فواز

فـزّاعة
الله يخليها لك يارب ويحفظها من العين ..

شوف اخوي بو صالح أخذ اي برقع حتى لو كبير ووده حق اي خياط

وقول له ابي مثله بس صغير .. واذا تقدر أخذ حفيدتك معاك


شوف شحلات هالبنية اللي لابسه البرقع :D


 
السلام عليكم

اللي مايعرف يسأل اهله او الحريم الكبار هههه

ادري طلب غريب بس اقولكم السبب اخر الموضوع

تكفون ابي افصل برقع لبنت صغيره عمرها 8 اشهر وصار لي مده ادور بسوق الحراج بالجمعه ومالقيت وقالوا لازم تفصيل

فيه براقع حق اهل الجنوب بس مايصلح

نبي برقع مال بدو اهل الكويت مال امهاتنا الله يرحمهم

عندي بنت ولدي ابي اشوفها على البرقع

احس انها امي وابي اقارن صورتها وعيونها اللهم بارك مع عيون امي الله يرحمها

ابي وين يفصلونها


ههههاي ياااااحلوك يابو صاااالح. الله يخليها لك والله دعوه من قلبي


هذي بعرسها شنو تبي تسوي ههههه


ابشر بسعدك ان شالله بسأل وارد لك خبر ان شالله


بس شنو برقع الجنوب بو صالح !!


مافهمت. ... بشوف لك مثل برقع أمي برقع المطيريات القديم ..:eek:


بس بشرط عليها اللي تبي تفصله واوصيها....:eek:


:وردة:هيه ياللي مكلفكم على برقع له..

:وردة:وسعو قرضته ترى عيونه وسيعه ..

:وردة:فصلو له حرير ناعم مايمله ..

:وردة:حيث بشرة خدوده بالتأثر سريعه ..


:وردة:

ههههاي. الله يخليها لك ان شالله بس عسااااني احصل ان شالله



:وردة::وردة:
..
 

ابوصالح

عضو ذهبي
الله يخليها لك يارب ويحفظها من العين ..

شوف اخوي بو صالح أخذ اي برقع حتى لو كبير ووده حق اي خياط

وقول له ابي مثله بس صغير .. واذا تقدر أخذ حفيدتك معاك


شوف شحلات هالبنية اللي لابسه البرقع :D



ياحلو الصغيرات على البرقع اللهم بارك

هلا فيج ام فواز ويامال العافيه

يقولون في الجليب حريم يفصلون البراقع بس وين بالضبط ماادري

الخياطين مايضبطونه وبعد البراقع اللحين خلصت وماكو ههههه

وام صالح قاعده تشرط علي وتقول عطني هالكثر دينار وتبي تستنزف مخباتي وخايفه لا اتزوج عليها وتوني شاريلها برادو 2013 ب 12600 هههه اه منهم هالحريم

ههههه تستاهل ام صالح بس مو مهتمه بالبرقع بالحيل وانا البس البنت عندي البرقع

قلت حق امها يبا روحي دوروا بس الضاهر تسمع كلام خالتها هههههه

قلت ماعليه عندي الانترنت وسوق الجمعه

عاد افتريت عدل بسوق الجمعه وكلهم يقولون ماكو وفيه وحده الله وكيلج فتحت وياي ملف تحقيق وتقول وش تبي فيه وليش وشحقه ومنهي وشكبرها وانا منزل راسي ومتخسبق واخاف احد يسمعني ويعرفني ويقول تعال هذا ابوصالح قاعد عند الحريم يسولف معاهم ههههه

الله وكيلج انا متلطم ولابس نظارات سودة بالليل هههههه

ابي بس البسها برقع بالضحى واصورها وكانها امي الله يرحمها من يوم اقعد عندها الضحاوي ونشرب جاي بقوري صين واستكانات صغار واشربها قدو هههههه

لا لا ابوي كان يشرب قدو عندنا الله يرحمهم جميعا





هههه الله يخليها لكم
ماكو الا تفصيل ترى بيوم يتفصل عادي

هلا بالاخت مريم

اي بس وين وباي مكان ومايهم الوقت او السعر




ههههاي ياااااحلوك يابو صاااالح. الله يخليها لك والله دعوه من قلبي


هذي بعرسها شنو تبي تسوي ههههه


ابشر بسعدك ان شالله بسأل وارد لك خبر ان شالله


بس شنو برقع الجنوب بو صالح !!


مافهمت. ... بشوف لك مثل برقع أمي برقع المطيريات القديم ..:eek:


بس بشرط عليها اللي تبي تفصله واوصيها....:eek:


:وردة:هيه ياللي مكلفكم على برقع له..

:وردة:وسعو قرضته ترى عيونه وسيعه ..

:وردة:فصلو له حرير ناعم مايمله ..

:وردة:حيث بشرة خدوده بالتأثر سريعه ..


:وردة:

ههههاي. الله يخليها لك ان شالله بس عسااااني احصل ان شالله



:وردة::وردة:
..

والله يااختي شتات الورد اللهم بارك هالبنت شالعه قلبي شلاع

مع اني من يوم اني صغير مااحب البنات وياسبحان الله

كنت اسمع الايه الكريمه (( المال والبنون زينة الحياة الدنيا )) واقول في نفسي وافكر على ان المال هو زينة الحياة الدنيا بس البنون .... ماكنت مقتنع بهذا الشيء

وياسبحان الله العظيم وياسبحان الله العظيم

والله انها اغلى من فلوسي وحلالي كله واذا زارت مع امها لبيت اهل امها يضيق خلقي واقول حق امها متى تجون ودزيلي صورها بالواتساب هههههه

المشكله بعد واللي يخلينا احبها اكثر انها اهي تبادلني نفس الشعور

ماتبي ابوها ولا امها ولا جدتها لانها بالضحى دايم عندي بالدوانيه وارقصها وتتريق معاي وتروح الجمعيه وياي واشغلها اغانيها المفضله محلاك يامحلاك وتعال ارقص معاها بالسيارة والناس تطالع هههههه الناس يقولون هذا مخبل

براقع اهل الجنوب بالسعوديه نوع صغير ويصلح للبنات اللي ام 5 سنوات وشكله مو حلو يعني مايصلح

اما بعرسها اللهم بارك وعسى الله يجيبه ويوفقها بالرجال الصالح يمكن انام عندها في شقتها ههههههه

سوالفها اللي تجذبني لها اهي سوالف امي وحركاتها بالضبط

كنت مااباعد عن امي الله يرحمها وانا اللي اراعيها واجيب لها كل شيء واجابلها وفلوسها كلها عندي حتى انها توفت رحمها الله على ايدي وانا اقرأ عليها آية الكرسي في مستشفى الفروانيه

وهذي اللهم بارك كل يوم اقرأ عليها واصورها بالفيديو وشاريلها كاميرة سامسونج جلاكسي وعندي هاردسك عدد 2 تيرا وكل يوم اوثق سوالفها اللي تموت من الضحك

حتى الخدامات ورب الكعبه يستانسون عليها ويضحكون عليها وسوالفها لمن تقلد الطير اللي يرقص سامري وتعالي شوفيها

ترى هذا رقص اليوم وشويه بس




http://www.youtube.com/watch?v=5gkrbv2cBmc

على قولة العراقي يايمه ياحبيبه

الف شكر لكم يابنات وعسى الله يحفظكم ويوفقكم
 
ههههاي يااااااااحلوهااااا عياااااااره هالبنت بو صااالح


البنات سكر نبااات


الله يرحم موتى المسلمين يارب


الله جانبها لك هديه في برك في والدتك ان شالله


انطر بس خل تتكلم وترووووح ملح يابو صالح هههههاي


الله يحفظها يااارب ويخليها لك


لا بدور لها البرقع ان شالله خالاتي يعرفون وحده ياخذون منهم براقعهم

ابدويه تبيع ... بأجر بدق على خالتي بقولها خالتى يشتري لج برقع عشان تدليني عليها


لازم رشوه برقع نوع الجز المصبوغ وإلا ما تعلم ههههياي ياحلوها



لك بو صالح:وردة:
 

ابوصالح

عضو ذهبي
ههههاي يااااااااحلوهااااا عياااااااره هالبنت بو صااالح


البنات سكر نبااات


الله يرحم موتى المسلمين يارب


الله جانبها لك هديه في برك في والدتك ان شالله


انطر بس خل تتكلم وترووووح ملح يابو صالح هههههاي


الله يحفظها يااارب ويخليها لك


لا بدور لها البرقع ان شالله خالاتي يعرفون وحده ياخذون منهم براقعهم

ابدويه تبيع ... بأجر بدق على خالتي بقولها خالتى يشتري لج برقع عشان تدليني عليها


لازم رشوه برقع نوع الجز المصبوغ وإلا ما تعلم ههههياي ياحلوها



لك بو صالح:وردة:

الله يرحم والديج ويبارك فيج

بس ترى اللي يبيعون واجد ولكن اللي يفصلون هم بيت القصيد يعني هم اللي نبيهم

يقولون في الجليب عند المجمعات التجاريه بس وين انا ماادري

الضاهر ابي اسوي نفسي مهري والبس لبسهم واقعد اتراطن معاهم ومعاي بنتي ههههه
 

0utsider

عضو بلاتيني
السلام عليكم

اللي مايعرف يسأل اهله او الحريم الكبار هههه

ادري طلب غريب بس اقولكم السبب اخر الموضوع

تكفون ابي افصل برقع لبنت صغيره عمرها 8 اشهر وصار لي مده ادور بسوق الحراج بالجمعه ومالقيت وقالوا لازم تفصيل

فيه براقع حق اهل الجنوب بس مايصلح

نبي برقع مال بدو اهل الكويت مال امهاتنا الله يرحمهم

عندي بنت ولدي ابي اشوفها على البرقع

احس انها امي وابي اقارن صورتها وعيونها اللهم بارك مع عيون امي الله يرحمها

ابي وين يفصلونها







هههههههههههههههههههههههههههههههههههههههههههههآآآآآآآآآآآآآآآآآآآآي


ياويلك من الله يابوصالح
انا وين شفت موضوعك هذا
شرقت بالزجاره بغيت اموت
ههههههههههههههههههههههههههههههه
عاد عمرها 8 شهور ،،،،،،،،،،،، ههههههههههه
 

ابوصالح

عضو ذهبي

هههههههههههههههههههههههههههههههههههههههههههههآآآآآآآآآآآآآآآآآآآآي


ياويلك من الله يابوصالح
انا وين شفت موضوعك هذا
شرقت بالزجاره بغيت اموت
ههههههههههههههههههههههههههههههه
عاد عمرها 8 شهور ،،،،،،،،،،،، ههههههههههه

هلا اوتسايدر

اسف على التاخير توني اشوف موضوعك

تقول شرقت ههههه

ماشفتني وانا قاعد ادور بسوق الجمعه واسأل الهنديات والهنديات مستغربات ويطالعوني وكان حالهم يقول :

هذا شفيه هالمخبل ههههه يبي برقع حق بنت صغيره

الحظ عيونهم تسقوي لمن اسألهم

من ادخل وقبل السؤال كانهم خايفين ومستحين وبعد السؤال يقعدون يبحلقون فيني ههههههه

لا وبعد من اطلع من البسطه واروح البسطه الثانيه يطلعون ويراقبوني ويشوفون وين انا رايح واسمعهم يتراطنون بالهندي وكانهم يتطنزون علي هههههه

واذا رحت لام صالح تدري النسرة شتقولي هههههه

تقولي اكو براقع بس عطني 30 دينار ومالك شغل

هالحريم مايشبعون من الفلوس

قلت ماكو الا منتدى السوؤال والجواب وخلني اصير سبع

وماشاء الله عليهم البنات والله يجزيهم الخير مايقصرون وبيض الله وجيهم ووجيهكم جميعا

بالنسبه للبرقع انا لي قصد منه وهي شكل العين بالذات

الجينات الوراثيه وياسبحان الله العظيم تتركز بالعين

امي وام ام صلوح الله يرحمهن قرايب بالحيل ويتشابهون ونفس العمر وعاشوا جميع حتى ان الواحده لاتصبر على الثانيه باليوم الواحد

الصبح هذي عند هذي والعصر هذي عند هذيك

والله العظيم لو اشرح لك اشياء جرت مايعلمها الا الله ثم انا جان ماتصدق ولا حتى لو تقوم بتأليف قصه لفيلم او مسلسل ماراح احد يصدقها حتى المخرج

ويقول المخرج هذا شيء لايصدق

اشياء غريبه حدثت لهما لايمكن احد ان يصدقها

منها على سبيل المثال اواخر حياتهما رحمة الله عليهم

الى درجة انهم يمرضون اواخر ايامهم بنفس اليوم وبعد عدة ايام يفقدون الوعي بنفس اليوم وبعد عدة ايام يتوفاهن الله بفارق يوم واحد وقبورهم متقاربه جدا بالمقبره

المهم ادري انا تخربطت وسولفت لك بزيادة

بس طلعت حفيدتي هذي تشابهه امهات الجدين اللي هي امي وام ام صلوح

عاد كلهم يلبسون البراقع ونفس الشكل من بعيد وماتعرفهم ليمن تقرب منهم

عاد هالبنيه الصغيره اللي ابي البسها برقع تشابهه هالجدتين وابي افاجأ اقاربي فيها هههههه
 
أعلى