سؤال وجواب اشتري باصات واجرها ؟؟

[q8_500]

السلام عليكم

اخواني هل موضوع شراء الباصات وتأجيرها موضوع مربح ويأتي بمدخول شهري ؟؟

مثال / اشتري اربع باصات صغيره واجرها على الشركات بمقابل شهري

هل هالمشروع مضمون ؟؟؟

افيدوني من خبراتكم الله يخليكم

 

[قبس]

فكرت قبل فترة افتح مع احد اقاربي شركة في هالمجال لكن لطلبة الكليات

وسئلنا اولياء امور الطالبات خصوصاً وكانت اشتراكاتهم باهضة (بمعنى راعي الباص ربحان) مقابل الخدمة المتواضعة الي يقدمها (اعطال الباص وضعف التبريد وزحمة المركب)

قبلنا انا وقريبي بالمربح المعقول حيث السعر اقل من المعتاد والخدمة افضل من الموجود وكانت دراسة سريعة ماعطيناها حقها وما اعرف حجم متطلباتها القانونية لكن المفروض انها مالياً ميسرة

رايي لك تعمل دراسات اقتصادية (دراسة جدوى اقتصادية) ولك كل التوفيق

 

[OK]

الفكرة طبعا ممتازه ولكن قبل لا تشتري اي باص لازم تعرف الشركات اللي راح تأجر منك باختصار تكون مضبط وضعك مع الشركات قبل لا تفكر تشتري علشان ما تشتري وبعدها تروح للشركات وتنصدم من الاسعار او من الطريقة او من الشروط

 

[أمين أفندي]

فعلآ مثل ماقالوا الإخوان لاتشتري إلا تكون مسوي دراسة
أو ضامن شركة تستقبل باصاتك
وفي حل وهو الأفضل
تضمن الباصات على سووايق بأجرة ثابتة وتطلع من الموضوع وترتاح
أو تتفق بالبداية مع أحد المدارس الخاصة بتوفير باصات
وتسوي معاهم عقد ثابت
للعلم المدارس قريبة إضرب الحديد وهو حامي
والله الموفق

 

[AlBadel]

فكرة طيبه وأتمني منك متابعتها ولا تتكاسل
وحاول تشتري باصات ماركة معروفة وطريقة تأجيرهم سهلة واللي عليك تدبير جم سايق بالبداية لأن رواتبهم الحين فوق الـ 200 بسبة فرقة عبدالفتاح العلي
لأن المطاعم يعطون 250 للسايق ونص دوام فأنتبه للسواق ورواتبهم

 

[q8_500]

الله يعطيكم العافيه يا جماعه , وتم دراسة الموضوع بشكل جدي

 

[تويتر الكويت]

لاتشتري اي باص الى بعد عقد اتفاقية مع مدرسة او شركة او نادي رياضي

او اي جهة حكومية او خاصة

لان الفكرة قديمة وفي تشبع بعدد الباصات بالديرة