أستراحة وملتقى الخير لأعضاء وعضوات الشبكة الوطنية الكويتيه (٨)

ام العيال

عضو مخضرم
يوم السبت قبل ما نحبه ونحسه طويل حيييل لانه اول يوم بالاسبوع
اما اللحين لا والله يوم جميل وراحه بعد عجأة الزواره الله لايفرق احبابكم
 

أمين أفندي

عضو بلاتيني
آنا احس لو يوم السبت ينزلون في المعاشات
يصير من أحلى وأغلى الأيام
عند بعض الناس اللي مايحبونه
يعني بكل لغات العالم أم فواز
 

أم فواز

فـزّاعة
وين الناس :وردة:

اليوم بما اني ما احبه .. فـ رحت مكان جديد يبيع فواكه طازجة .. من زمان قايليلي عنه بس قلت خل أروح له .

بحط لكم صورة فاكهتين .. وبعدين بفتح موضوع خاص عن المحل .. لازم تروحوله وتجربون فاكهته .. لان هو الموزع لمركز سلطان .. واسعاره أرخص من مركز سلطان وجيان وكارفور ..

image.jpg
هذي الفاكهة اسمها ( مانغوستين ) وطعمها عجيب :إستحسان:

image.jpg
وهذي المانجا اللي اسمها ( فص ) وحجمها وايد صغير .. وريحتها وايد قويه وفوق كل هذا لذيذة :إستحسان:
 

ياسين الحساوي

عميد الشبكة "مشرف "
طاقم الإشراف
آسف جيتكم متأخر طارت النومة
:(

إللى قال السبت موزين الظاهر معاه حق
الريال خسر ومانشستر خسر وانا هات يا قهوة وهات يا شاى..ماحب النفيش
:p
وأشوى ان القادسية فاز والا جان صارت قتمة ونرفزة
أكيد ما راح أتريق معاكم باجر..الظاهر بنام للظهر
:(
أزعجتكم تالى الليل..؟...آسف

:وردة:​
 

أمين أفندي

عضو بلاتيني
السلام عليكم
حبينا نمر ونصبح على إخوانا وزملائنا
وإن شاءالله يومكم سعيد
وأيامكم كلها أسعد
حلوة الواحد يقوم يصلي
وينسى أي موقف ضايقه امس
النسيان نعمة خاصة في بعض الأمور
التفاؤل زين
وإبتسامة الصبح حلوة :وردة:
 

المرفقات

  • ورد9 (1).jpg
    ورد9 (1).jpg
    3.7 KB · المشاهدات: 0

أمين أفندي

عضو بلاتيني
@ أستاذ ياسين
يعطيك العافية ومبروك فوز القادسية يازميل
وهاردلك خسارة الريال يازميل
وأيضآ هاردلك خسارة مانشستر
بس أي واحد إذا السيتي فزميل أيضآ
 

أم فواز

فـزّاعة
صباحج خير يا ام العيال
اليوم ان شالله بتشوفين موضوع الفواكة
امس انشغلت بالالغاز :)

أخونا القدير ياسين الحساوي
ترى انا اللي مل احب يوم السبت احسه
ضايع :)
وحياك الله باي وقت وصباحك جميل :وردة:

وصباح الخير لزميلنا الطيب الماستر فلاي ..
والحمد لله ان النسيان نعمة ..
اتمنى للكل يوم سعيد ودوام أسعد :وردة:
 

Way one

عضو مخضرم
السلام عليكم ورحمة الله
صباح الخير للجميع

كنت بقول كلمه بس خفت تزعل الشيخه أم فواز ههههه


بس انا في وجه ابو محمد اخونا الجبير ياسين ..

كنت بقول حبه على راس أم الجميع أم فواز ههههههه


لاتزعلين أم فواز .. انا بوجه بو محمد هههههه

والله ما اعرف الايقونات .والا جان حطيت لج عشر وردات يا أم فواز ههههه

لاتزعلين .. انا بوجه اخونا بو محمد

هههههههه


والله يا أم فواز ..يشهد الله احبج محبة الاخو لإخته وأنتي شمعة الشبكه .
بس لازم دعابه منيه مناك ههههههه


الله يصبحكم بالخير جميعا"

وسعيد جدا بتواجد اخوي العزيز ماستر . واخونا الكبير بو محمد ..واختنا العزيزه أم العيال


اليوم إن شاء الله .. يوم خير ..ونعمه .وأمن وأمان لديرتنا ..

وبالنسبه للريال ..ومانشستر .والقادسيه .. أنا ماني يمهم .. أنا مقطوط سري في العديليه ههههه في تادي كاظمه ههههههه


والله يوفقنا جميعا" لما يحبه ويرضاه ..
 

أم فواز

فـزّاعة
هههههه الله يغربل ابليسك ياخوي العزيز مع الله
والله ضحكتني وبغيت أغص بصمونة الفلافل :D


انت وبو محمد تمونون وانتوا مثل اخواني يشهد الله
على طاري احبج في الله .. اسمع هالسالفه :


مرة كنت أسوي معاملة حق مراجع كويتي ويميّ كانت
قاعدة موظفة مصرية الله يذكرها بالخير .. المهم طلب مني
اختم ورقة من اوراقه وقلت له الاختام عند الاخت اللي يمي ..
طبعا .. تعرفون انتوا الكويتيين الشياب يعني كلنا مثل بناتهم
ولما يقولون كلمة ( عزيزتي والا حبيبتي ) اكيد مايقصدونها
مثل ماهي تفسر .. ما طول عليكم السالفه .. جان يقول لها
ممكن اختي تختمين لي هالورقة ؟ فقالت له استنى شوية
مش شايف انا مشغوله ازاي ؟ فقال لها يا عزيزتي يا حبيبتي
انا ............ >>>> 61.gif


ايه ايه ؟ حبيبتك ؟ آل حبيبتي آل .. يا خرابي على اليوم اللي مش
فايت ده :mad:
الفقير ما مداه يكمل الا واهيا قايمة من كرسيها وماشالله تقول كبت :D
حبيبتك ده ايه ؟ هو احنا آعدين فين :eek:
طبعا انا ييت أبي أهدي الوضع لقيت نفسي بين مارد :confused:
فأخذت بعضي بسكااااات وانحشت لوووول ههههههه scared0018.gif
 

ام العيال

عضو مخضرم


هلا بالجميع وبأهل الاستراحه ،،،، والله ام فواز اخوانا المصرييين لابغوا
يفهموا الكلام يفهموها وهي طايره بس هذي زميلتج مع الاسف تستعبط
لان من كلامج مو توها جايه من مصر وعارفه كلام شيابنا
الله يلعن بليسها هزأت الشايب لووول ماتسوى عليه مسكين
 

أمين أفندي

عضو بلاتيني
ياهلا فيك اخوي الحبيب مع الله
الله يعينك على فريقك كاظمة
مايترقع يبي صدقات مو نقاط
وبعدين موضوعك مع الإخت أم فواز
انا متأكد إنه بسيط والواضح رد ام فواز
واخونا الكبير والعزيز ابومحمد خله للمواضيع الأكبر الدسمة
وإذا حصل عتب أو زعل بسيط الله لا يجيبه مع الإخت الفاضلة أم فواز
فنقاط ضعفها مكشوفة:
1
صمونة فلافل ويفضل تكون من الكلحة
2 ماعون حمص من مطعم محطة الحميدي بالري
3 درزن دونات من أي مطعم هندي اللي بالجمعيات
4 كوب نسكافيه
ويطيح الحطب

ولا تفكر بجاي البنتليز لأن كبتها مليان جايتها طلبية من الرياض على ما أعتقد

وأمورك كلها إن شاءالله سلامات
وبالتوفيج
 

أم فواز

فـزّاعة
هلا بأم العيال .. أي والله صاجة شكلها حدها تستعبط
الله يستر عليها مادري وينها الحين !


ماشالله عليك يا خوي الماستر فلاي
مسويلي جدول بعد :rolleyes:
عاد كل شي الا ريوقي
ريوقي هو حياتي
اذا ما تريقت .. يومي كله ينعفس فوق تحت
الريوق صحة
333.png
 

ياسين الحساوي

عميد الشبكة "مشرف "
طاقم الإشراف
مساكم الله بالخير يا أهل الإستراحة الطيبين
أخى الماستر:
:وردة:

الله يبارك فيك على فوز القادسية..بس الستى كرهنى فيه اللاعب( تيفيز..عليه وعلى ويهه )
من راح لهم وهو حاط دوبه ودوب المانيو ليما اطردوه وافتكوا منه

أختى أم فواز:
:وردة:

لمًا كان السبت أول يوم عمل بعد الجمعة كان كريه وغثيث
الحين صار الأحد هو الغثيث....
على فكرة فواكهج عجيبة وغريبة..بس هل عى لذيذة؟

أخى مع الله:
:وردة:

مادامك مع الله الكادود صاحب القلب الطيب والنية الصافية إللى أعرفه إنت بوجهى وام فواز
تستاهل كل المودة والتقدير والإحترام
على فكرة..كان ممكن أكون لاعب فى نادى كاظمة يوم من الإيام لرغبتهم بانضمامى لهم كتابيا
لكن طلبهم كان فى يوم تخرجى من الثانوية العامة وبعدها فى بعثة للدراسة الجامعية بالقاهرة
لذلك ما حصل نصيب..والآ كان ممكن أكون كابتن المنتخب والنادى بدل الكابتن حسين محمد

تحياتى للجميع الحاضرين والغايبين

:وردة::وردة:​
 

أم فواز

فـزّاعة
ياهلا اخوي الكبير بو محمد ..
والله الفواكه غير شكل .. حدها لذيذة
اصلا لو تذوق المانجا جان تدمن عليها
شي مو طبيعي .. !
سويت موضوع خاص للفواكه وان شالله تزورون المحل وتقولولي رأيكم ..
 
أعلى