أستراحة وملتقى الخير لأعضاء وعضوات الشبكة الوطنية الكويتيه (٨)

[جواهر*]

اختي تباشير صدقتي والله باللي كتبتيه:وردة:

 

[جواهر*]

النقد المستمر يميت لذة الشيء!
امدحوا الحسنات ،
وتجاوزوا عن الأخطاء،
فإن الكلام الجميل
مثل المفاتيح تقفل به أفواه وتفتح به قلوب❤

​

 

[غيث]

8*&^#* @*#&((@&^$$
الفقره اللي فوق مشفره تشفيرة الواتس اب
فيها أقول صبحكم الله بالخير يا اهل الأستراحه الطيبين
وأقول لكل لافي من غياب الحمدلله على سلامتكم ترى بو محمد يتهدد له كم يوم يبي يجلدكم بإلهامه
<< يعني مو وياهم
------------
ام العيال الله يشافي الوالده ويخليها لكم ويشافي كل مرضى المسلمين اللهم آمين :وردة:

 

[جواهر*]

السلام عليكم
مساكم الله بالخير
بمناسبة حصول أخونا الغالي @ياسين الحساوي
على لقب عميد الشبكة اللي يستحقه عن جدارة
حبيت نحتفل باللقب
وللجميع حياكم الله بالاستراحة

في حلو وكيك وقهوة بهالمناسبة

.....




​

 

[أبوطلال]

صباحكم خير جميعا :وردة::مصباح::وردة:
بمناسبة حصول اخينا العزيز ...العميد ياسين الحساوي على اللقب المستحق لشخصه الكريم :إستحسان::وردة::وردة:
واحتفالا بهذه الفرحة والمناسبة السعيدة نقيم حفل :كعكة_ميلاد:يعقبه عشاء على شرف رواد الاستراحة والاجتماعية خاصة
والاعضاء عامة
تكريما لعميد شبكتنا الوطنية الحبيبة :قلب:...

لدى ملاحظة صغيرة طالما اعضاء مجلس الامة لديهم كم كبير من موظفى السكرتارية وفريق عمل
اذن المفترض عميدنا يكون لديه فريق عمل سكرتير وسائق ..
ترا فاضى هاليومين متقاعد وماعندى شغل اذا يبونى دريول وسواق للعميد حاضرين ....
يستاهل عميد الشبكة بومحمد عيل شلون !!هذا اللى يشيل الباند عنى ان صكونى باند :باكي:...

الف مبروك لنا جميعا والى الاحتفالات والليالى الملاح ​

 

[أبوطلال]

السلام عليكم
مساكم الله بالخير
بمناسبة حصول أخونا الغالي @ياسين الحساوي
على لقب عميد الشبكة اللي يستحقه عن جدارة
حبيت نحتفل باللقب
وللجميع حياكم الله بالاستراحة

في حلو وكيك وقهوة بهالمناسبة

.....

مشاهدة المرفق 16847

مشاهدة المرفق 16848
مشاهدة المرفق 16849
​

شكرا يااستاذة جواهر :وردة:على الحلو والكيك والقهوة ..
.ومساهمتك فى الاحتفال بحصول اخونا الحبيب ياسين على اللقب .

ونبدأ الحفل بفرقة هبان ..!والرقص على انغام الهبان ..

عاد هذه لعبتك يازميلنا الاخ عمر بن معاويه

:وردة:​

 

[أبوطلال]

ونواصل الاحتفال بعرضة نجدية ..

:وردة:​

 

[أبوطلال]

متواصلين بالحفل والعاب نارية بهذه المناسبة

:وردة:​

 

[أبوطلال]

تفضلوا العشاء بهذه المناسبة ..حياكم الله اقلطوا ...

.

..

وهذا البوفيه حياكم ...

...

 

[أبوطلال]

اللى مسوين رجييم وحمية ..حياكم

...

 

[ام العيال]

هلا بأخواني الاستراحيين ،،، انا غبت كم يوم كنت مسافره اربع ايام
عساكم بخير
ويستاهل اخونا العود ابو محمد على اللقب الجميل وهو يستحقة :وردة:
عسا فالك الطيب دايماً ويمتعك بالصحة اخونا الطيب

 

[تباشيرالأمل]

السلام عليكم
مسائكم امطار ورحمه

يستاهل ابو محمد
هالاحتفال الزين
ماقصرا ابو طلا ل

عشاء وحفل ولعب

بس عاد لو حطيت لنا سعب اهل الجنوب زلا القزوعي
كان كملت. الحفله. ههههه

 

[بو محمد 62]

السلام عليكم
مسائكم امطار ورحمه

يستاهل ابو محمد
هالاحتفال الزين
ماقصرا ابو طلا ل

عشاء وحفل ولعب

بس عاد لو حطيت لنا سعب اهل الجنوب زلا القزوعي
كان كملت. الحفله. ههههه

يستاهل ابو محمد هذا الاحتفال متعدد الثقافات والاعراق .........

ويستاهلون اهل الجنوب وهذي القزوعي وعريكة جنوبية اصلية وزلطة اللولو ان بغيتي بعد ........

 

[تباشيرالأمل]

يستاهل ابو محمد هذا الاحتفال متعدد الثقافات والاعراق .........

ويستاهلون اهل الجنوب وهذي القزوعي وعريكة جنوبية اصلية وزلطة اللولو ان بغيتي بعد ........

ماشاءالله ..
على الصغير وش زين لعبه
هالعصيده تصلح لجونا اليوم
..

الزلطه ياحليلها راعية الزلطه
ماقصرت ابومحمد
لاهنت ولاشنت

 

[بو محمد 62]

ماشاءالله ..
على الصغير وش زين لعبه
هالعصيده تصلح لجونا اليوم
..

الزلطه ياحليلها راعية الزلطه
ماقصرت ابومحمد
لاهنت ولاشنت

حياج الله اختنا الكريمة .........

هذي مو عصيدة ......... هذي عريكة مشهورة عند اهل الجنوب .........

اما الصغير ما شاء الله ربي يحفظه لاهله وينفع فيه دينه وأمته

 

[تباشيرالأمل]

حياج الله اختنا الكريمة .........

هذي مو عصيدة ......... هذي عريكة مشهورة عند اهل الجنوب .........

اما الصغير ما شاء الله ربي يحفظه لاهله وينفع فيه دينه وأمته

الله يبقيك
والعربكه معروووفه بلاشك
لكن شفت الصوره
وظنيتها عصيده
مشكور

 

[ياسين الحساوي]

تعيشون وتسلمون بإذن الله أحبابي الطيبين
ومشكورين على توجيبكم وترحيبكم وسعادتكم بأخيكم الذي يكن لكم كل الحب
وعساكم ذخر وهذي عادة الطيبين دائما
:وردة::وردة::وردة:
أبعدتني عن مشاركتم إنفلونزا لعينة مع كحًتها القوية لأيام وما زالتا تخنقاني رغم أسلحتي
لو كانت الإنفلونزا وكحتها امرأتان لقتلتهما

سأعود إليكم الليلة أو غدا لأقوم بالواجب نحوكم أيها الأعزاء الأفاضل
شكرا لمشاعركم الطيبة وحفظكم الرحمن من كل علة
:وردة::إستحسان::وردة:​

 

[ام العيال]

صباح الخير على الجميع
خوش احتفال يبارك فيكم يارب
بس الرقصه توني اعرف اسمها القزوعي !! بس نقول رقص الجنوبات حلوة الواحد يستفيد والعريكه جنها عصيدة
يمكن نفس مقاديرها لانها تشبها بس احنا الكويتيين نحط فوقها بيض مقلي بالهيل والزعفران

 

[ام العيال]

ابومحمد اشمعنا امرأتان ؟؟ ليش مايكون مثلاً مثلاً رجلان !!

 

[ياسين الحساوي]

خير إن شاء الله
مرت علينا قبل ربع ساعة في الفيحا عاصفة رعدية ممطرة زينتها حبات البرد
والغريب أن عيالنا في قرطبة يقولون عندهم صحو..ماعلينا

أختي أم العيال الإنفلونزا مؤنث والا مذكر؟ وكذلك الكحة
لو قلت رجلان لضحكتي على غبائي...صح!!
لا أدري لماذا توقعت مثل هذا التعليق..ولكن ليس منك

دمت بخير وسعادة
:وردة:​