سؤال وجواب اصلي ؟؟ ولا لا

[كيفان]

يا اخوان
مساكم الله بالخير

لو سمحتوا عندي سؤال عن شركات العسل الموجودة في الكويت

عسل المرشد
عسل العويد
عسل المعجزة
عسل الفايز
هذي الشركات هي اشهر شركات العسل بالكويت على الاطلاق

عسلهم اصلي اصلي ولا لا ؟؟؟؟؟؟؟؟؟؟؟

 

[غيث]

العويد , دوعني ملكي افضل عسل موجود بالكويت
تراه عسل سدر جبلي والافضل من ذلك هو عسل على ايدك وفي ارضك
مشكلة مزارع العسل يغذونهن على سكر عشان الأنتاج اسرع واكثر هذا ما يجعل العسل أي كلام

 

[كيفان]

اخوي غيث وجميع الاخوة
سؤالي واضح

هل عسلهم اصلي ولا لا؟

 

[غيث]

اخي الكريم في المحل الواحد تجد الاصلي والغير اصلي
وتقدر تفحصه بالمختبر

 

[meshal]

لا ما هو أصلي ... أي عسل تشوف فيه رغوه ومزبد إعرف إنه أي شي . وكل المذكورين نشوف هالشغلات فيه . اذا كنت تبي عسل أصلي أنصحك في عسل المانوكا النيوزلندي وهو عسل عضوي طبيعي غني عن التعريف

سبق وطلبته وكتبت فيه موضوع لكن الأخوان المشرفين أحذفوه بسبة الدعاية .

 

[ابونايف السعيدي]

انا اشتريت منهم كلهم بصراحه مو شي كلش طبعا شلون عرفت انه موشي طلبت من مؤذن مسجدنا يجيب لي عسل من عندهم والله انه يطقهم 10 صفر

 

[جيمس بوند الكويت]

انا واحد معاي جيوب انفية اغلب الوقت صداع واحتقان

اذا اخذت العويد كل يوم ما يحوشني لا صداع ولا احتقان

شلون مغشوش وموشي حنفهم ؟

 

[إسمچ تاج عالروس ياگويت]

وادي دوعن
بفحيحيل -شارع مكه-
عسلهم يمني أصلي
العلبه ناخذها منهم ب٤٠
(فيه شفاء للناس) يستاهل

 

[تويتر الكويت]

العويد عنده عسل اصلي
وتقدر تفحص وتتأكد بنفسك
اما الباقين ما اعرف عنهم شي
وفي واحد من محلات العسل بالكويت
يقولون انه يحط كورتيزون مع العسل
لكن ما اقدر اقول اسمه
لان قوانين الموقع لاتسمح بالتشهير​

 

[سايروس]

ياأخوان السؤال المهم
اشلون تفرق بين العسل الطبيعي والعسل المغشوش ؟
1 - هناك طريقة لمعرفه العسل الاصلي من المقلد اغمس اصبعك في العسل واعمل من العسل على شكل خيط في الارض وانتظر شوي اذا صار الخيط مكسر فهذا عسل غير اصلي واذا ضل متماسك فهذا عسل اصلي
2 - والطريقه الثانيه وهي المعروفه تحطه بفريزر الثلاجه اذا جمد غير اصلي واذا ضل طبيعي وما جمد فهو عسل اصلي

3- الطريقة الثالثة . ضع ملعقة من العسل في صحن ابيض اللون وانقر على العسل بقلم حبر فأن انشر الحبر هذا العسل غير اصلي وإن لم ينشر فهذا عسل اصلي