ذائــــــ شعريهـ ــــــــــقهـ

[أم فواز]

شكراً @تگرم عيونگ

عاث شوقي لك وبعثرني ودادك
........... وامتطت صهوة تفاكيري وليدة
اشتكي للشعر واكتب في مدادك
..........قصة الغربة على فرحة شريدة
ليت شوق عادني في ليل عادك
........... وليت عمر فاتني أقدر أعيده
كان عزمت البعاد وذا مرادك
........قلبي اللي عاش بك تكفى تبيده

الشاعر /عوض الثقفي

 

[يمك دروبي]

خذني معك حر ياسجاني واسجني
القلب واخلص معك لاعاد تختبرة
في ذمتي لو على متنك تحجنني
ماجبت نص الغلا الي جاك من كبرة
مهوب معقول كم لك ماتهرجني
مغليك لو صد صدة ويش تعتبرة
خلاص طول جفاك وشوقي أزعجني
وانا بحبس المشاعر ما املك الخبرة
معاد فيني صبر يا اجيك ولا آجني
معاد للحيل في جسمي مغز إبرة

 

[فؤاد بن بطاح]

اثر راع الموده .. لو صبر باح سده
دمعته فوق خده .. كل يوم وليله
المحبه صعيبه .. والتفرّق مصيبه
من تردّى نصيبه .. ذاق فرقا خليله
ازعِج الصوت بدري .. كل ماضاق صدري
لو هوى البال يدري .. إن روحي عليله
ابكي الليل واسهر .. واجتلد واتصبّر
يابو عينين تسحر .. ليش روحك بخِيله
عشرتك ياحبيبي .. من قرادة نصيبي
ودي اشق جيبي .. واجتبر للفشيله
شفت منك المضره .. حول عشرين مره
ألتجي واتشره .. ليت بيدي حيله
الغلا لك لحالك .. اصح يخطر ببالك
اني اقبل بدالك .. والليالي طويله



أحمد الناصر الشايع​

 

[تگرم عيونگ]

تمنينا تعيش قلوبنا في خير
خواطرنا اذا جاها عذر ترضا

على طاري امانينا ! تجين نطير ؟
تعبنا بالجفاف نجامل الرمضا

 

[تگرم عيونگ]

شوف الحزن فيني وقل لي بربّك
وين الفرح .. ياللي بخلت بكثيرك !

إن قلت أحبك .. قلت لا تقول أحبك
طيب شأقول إن كنت ماأحب غيرك

 

[تگرم عيونگ]

روح نام
يمكن إذا الأحلام ماتت في وطن
تلقى وطن في داخل الأحلام
.
.
.
.
.
بوح

 

[تگرم عيونگ]

بـ ارقا

ولكن ما لقيت
من يخلع ثياب السما الزرقا !!!

 

[تگرم عيونگ]

هذا أنا كل ليلة بجنبك هنا
أجمعك بسمة وينثرني بكاي

جيت ابسأل بسمتك : منهو أنا؟
و رحت اسأل دمعتي : منهو معاي ؟

 

[تگرم عيونگ]

وجه الحنين أسمر
وستر الأمل خوان!
وكان الوعد خلسة .. لملم فلول انسان .. مكسور بالنسيان .. أعمى وهو مبصر!

 

[تگرم عيونگ]

نامي وهاتي قلبي ابحتفظ فيه
بسهر معه .... على القسا والليانه

وإذا صحيتي مري البال واخذيه
إنتي مكانه رجعيه لـ مكانه !

 

[تگرم عيونگ]

سافري لهناك برقبتك مصيري
دنيتك قدامك .. وعمري وراك

قالت اخاف ابتعد وتشوف غيري
قلت كيف اشوف وعيوني معاك !

 

[تگرم عيونگ]

تدور الأرض وتطول المسافه
متى هالأرض تاخذني لـ بيتك

مصير الحي يتلاقى خُرافه
أنا للحين حي ولا لقيتك

 

[تگرم عيونگ]

كان العتب هادي مثل رش المطر
كان العناق أدفى من أنسام الهجير

البارح فراقك على بالي خطر
و أنا من البارح و أنا ماني بـ خير !

 

[( القلب الكبير )]

شوف الحزن فيني وقل لي بربّك
وين الفرح .. ياللي بخلت بكثيرك !

إن قلت أحبك .. قلت لا تقول أحبك
طيب شأقول إن كنت ماأحب غيرك

مشاء الله على هالاختيارات الرائعة اخي الكريم
الحقيقة لا املك إلا ان اصفق لك
و انا اقول
الله .. الله
​

 

[فؤاد بن بطاح]

يالله الطف بحال العاشق اللي عيونه ماتنام الليل
حاجته دونها الموت الحمر مار قلبه وش يسوي به
دونها اللي حماهم بالخطر يحتمونه في ظهور الخيل
من قردة نصيبي ويش ابي بالبلاد اللي لها هيبه
ابعدوا نور عيني وابعدوني قهر والله قوي الحيل
الغلا لاع قلبي والهواجيس تقبل به وتقفي به
ليت مابه غرام ولا مودة وحبٍ مقتفيه الويل
من تولع مع الأجناب ماظنتي تكمل مطاليبه


أحمد الناصر الشايع​

 

[تگرم عيونگ]

مشاء الله على هالاختيارات الرائعة اخي الكريم
الحقيقة لا املك إلا ان اصفق لك
و انا اقول
الله .. الله
​

الف شكر القلب الكبير

اسعدتني كثيراً

اطراءگ

ذوقگ

دمت بود

 

[تگرم عيونگ]

برد المكان ... يدوّر لصدره أحباب
تعالي ، نسولف لـ صمت المدينة

إنتي عليك الشمع دام القمر غاب
و أنا علي أعطيك قصة حزينة !!

 

[فؤاد بن بطاح]

ياناعس الـطـرف تزعـلِـنـي وترضـيـنـي
لـك مـدةٍ غبـت عنـا عـاش مـن شـافـك
بـيـن الجـفـا والـوفـا تـاخـذ وتعطيـنـي
اعلن خفاياك واشـرح لـي عـن اهدافـك
قرّبـتـنـي مـنــك بــأحــلاف وبـراهـيـنـي
وابعدتـنـي عـنــك مافـادتـنـي احـلافــك
كــان أنــت تجـهـل قوانـيـن المحبـيـنـي
اطلب من اهل الهوى قصه من اسلافك
​

 

[تگرم عيونگ]

هدوء والليل همسه يطرق الشرفه
ملل سهر والعيون تحآرب نعآسي

وحدي واعآتب جفا الاحبآب بالغرفه
ماعندي إلا الحنين وكسره من احسآسي

 

[تگرم عيونگ]

خذ بقايا الاماني والسهر والقصيد
ذكرياتي معك لهفه وبيت انشطب

لا تحاول تبرر .. غيبتك يالبعيد
انت دمعه تبي تنزل وعيّا الهدب !