إهداء لمن سكن قلبك ؟؟ ببيت شعر

ام العيال

عضو مخضرم
بســــم اللــــــه الرحمـــــن الرحيــــــــــم
هذا موضوع اهداءات لكل من سكن قلوبنا من احبابنا أيًا كان هذا الحبيب
زوجه ، زوج ، صديق، صديقه، اخت اب ام ابن ابنه !! فكرة، سالفة، للحظ ، للحزن ،،حتى لوكان موقف فكل ماعنده من بيت وحس انه يلامس مشاعره وينطبق عليه في هذه الفتره فأراد ان يعبر او يهدي أو فاضت قريحته ببيت شعر واراد ان يهديه ويفضفض عن نفسه
فليكتبه هنا لعل وعسى ان يقرأه الطرف الاخر وهو موضووع بدون ردود فقد اكتب
ل،، فلان ثم اكتب بيت الشعر تحته وكلي امل ان اجد تفاعل في هذا اموضوع
وهو موجود بأغلب المنتديات ،،،لنرى مشاعركم واحاسيسكم !! فلمن تتدفق هذه الاحاسيس؟؟ ،،،، ولكم تقديري

 

ام العيال

عضو مخضرم

للـــقهوه

سووا لي الكيف وارهو لي من الدله
البن الأشقر يداوي الراس فنجالـه

كيف لنا نحرقـه بالنـار وانزلـه
واليا انقطع لو ورى صنعاء عنيناله
 

تگرم عيونگ

عضو مميز
ل والدي رحمه الله والمسلمين اجمعبن

يابوي ليتك حيّ وتشوف حالي
تشوف وش هو صار من بعد فرقاك



صار الوطن بعدك من الناس خالي
صار... ( الوطن غربه ) بعد مافقدناك



يابوي أنا بعدّك سهير الليالي
مقهور من دنيّاي منّا.... ومنّاك !



حدتني الدنيا وأنا راس مالي
إني ... عزيز النفس . مثلك وشرواك



مافيه شيٍ في حياتي صفالي
حتى . الورود . إن جيتها صارت أشواك



أطيح واحمولي عليّه إثقالي
وأتخيلك مديت لي كف , يمناك



بعدّك ولامره ترى إرتاح بالي
أصفّق على كفي ندم وآتحراك



من ضيقتي ياكّم أصّدق خيالي
وأقوم أدوّر عنّك وآقول ب القاك



أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟



أدري لو إنك حي ياعز غالي
يمديك.. تفزع قبل.. ماجيك وانخاك !!



ويلاه , ياحالي وماهو جرالي
ويلاه , ياقلبٍ تعذب في طرياك



ويلاه , يابوي من اول وتالي
لا والله أول كان ينجيني إدعاك



واليوم من بعدك وش اللي بقالي
غير إني أدعي ربي يغفر خطاياك



يالله حطّه وسط منزال عالي
في جنة الفردوس يارب الافلاك



واغفر ذنوبه ياعزيز الجلالي
وشرح ل صدرٍ ضاق من جّور دنياك
 

ام العيال

عضو مخضرم


للعزيز واين كان هذا العزيز !!؟؟

أعزك كثر ماهلت عيون اليتيم دموع
أعزك كثر ماذقت الطعون وقلة الراحه
أعزك كثر شكوى الفقير وضايقات الجوع
أعزك كثر مابحر الغرام يضيع سباحه
أعزك كثر مايصعب على الشفه تحب الكوع
أعزك كثر مايفرك نديم الهم مسباحه
 

( القلب الكبير )

المعرف السابق:النوخذة بوعبدالله
بسم الله و الحمد لله ...
متصفح جميل و رائع ومميز أختى ام العيال :وردة:
تسجيل حضور فقط و متابعة
لكن عندي استفسار ما عليج امر اختى
هل المشاركة مقتصرة على ابيات القصيد فقط
أو ممكن نشارك
بخاطرة
او بضع اسطر كرسالة نصية قصيره ايضا
 

ام العيال

عضو مخضرم
بسم الله و الحمد لله ...
متصفح جميل و رائع ومميز أختى ام العيال :وردة:
تسجيل حضور فقط و متابعة
لكن عندي استفسار ما عليج امر اختى
هل المشاركة مقتصرة على ابيات القصيد فقط
أو ممكن نشارك
بخاطرة
او بضع اسطر كرسالة نصية قصيره ايضا


هلا اخوي القلب الكبير والله انا كاتبه ابيات شعريه شعبي او فصحى و اذا لامست مشاعرك وحسيت فيها وودك ترسلها لشخص عزيز
اما خاطره عادي تمون ابو عبدالله الخاطره من الادب ،،،. والمتصفح حلالك
 

ام العيال

عضو مخضرم

للتمني

يـآليـت نومي مثل نـووم العصافيـر
ترقد من المغرب وتصحى بالاسحـار

عاشت ع الفطره ومن غيير تفكير
يا زين شوووف أعشاشها فوق الاشجار

مافكـرت فـي خافيـات المقاديـر
ولا تشيل الهم لـو صـار ماصـار !!
 

( القلب الكبير )

المعرف السابق:النوخذة بوعبدالله
بسم الله و الحمد لله ...
الى انسانة معينة في بالي
انسانه التقيتها صدفة في يوما
و في ساعة ما
دمثت الخلق ...
عزيزة نفسها ..
صبوره ..
عصامية ..
تصاحبنا ..
و تحاورنا ..
شكيت لها و شكت لي
فتحت لها صفحة في صدري
اشغلتنى .. تاره
و اسعدتنى .. تاره اخرى
أشعر بجودها حولي ..
و بحزنها ..
و بتعبها ..
و بهمومها ..
و بوحدتها
وجدت في قصيدة للشاعر الرائع
عبدالرحمن بن مساعد
كلمات تلامس حالي و حالها
يقول :
أنا أدري بمدى جرحك
وأدري الحظ جافيني

يطول الوقت ما أخطي وإذا أخطيت... كل شي يبان
أنا شفت الزهر مايل
وضنيته يناديني
قطفته يوم ضميته لقيته للأسف ذبلان
عرفت إنك زهر عمري
وعرفت إنك بساتيني
وغيرك قيض مايروي سراب يشقي العطشان
أنا لو ماحصل ماكان ..
وشو إللي يدريني
بأنك ماسواك إنتي سكنتي القلب والوجدان

أحبك كثر أخطائي وأدري إنك تحبيني ..

وأدري لوتفارقنا فلا نقدرعلى النسيان
إذا تقوى على فراقي وبعدي عنك ... خليني
أنا مليت من دور الكرامه ولعبة الغفران
قليل العمريا أللي أنتي دموعك ماتساويني..
حرام إنه يضيع فراق...
هي من قلها الأحزان
 

ام العيال

عضو مخضرم

القلب الكبير حرام احد يجرحه ويمسه بنكران
مرورك اسعدني وفيض بوحك هنا عجبني
سلم قلمك يا اخي ابو عبدالله نحن بإنتظار المزيد !!
 

( القلب الكبير )

المعرف السابق:النوخذة بوعبدالله
أبشري بالمزيد
إن كان هناك مزيد
نحن كلما شعرنا بالسعادة هاضت القريحة و جادت
و كلما شعرنا بالالم و الحزن
أيضا هاضت القريحة و جادت
و اخرج ما في النفس و القلب على اللسان
و الله المستعان
 

أم فواز

فـزّاعة
الله الله
شنو هالمواضيع الحلوة اللي تفتح النفس :وردة:
الله يعطيج العافية اختي ام العيال
وان شالله بيكون هالمتصفح وردة :وردة:
 
أعلى