سؤال وجواب عمري 25 وراح ابلش دراسه الهندسه و محتار : ايهما الاكثر توظيف( الهندسه الميكانيكه او هندسه البترول )؟

[قانوني جامعه الكويت]

ان شاءالله راح ابلش دراسه الهندسه في الكليه الاستراليه

و ابي نصيحتكم

محتار في تخصص الهندسه الميكانيكيه و هندسه البترول

ايهما اسرع في التوظيف بالقطاع الحكومي والقطاع النفطي والاكثر بدلات بين هالتخصصين

بغض النظر عن الصعوبه فبذل الجهد الوقت كله راح ينصب اذا كان التخصص يستاهل ف ارجو منكم النصح و شكرا

 

[الجيش الحر]

اول شيئ الله يوفقك يالحبيب وتقدر تخدم ديرتك وتطور من نفسك.

في امريكا يسمون المهندسين المكانيك ( the big guys ) لاننا ندرس كل الهندسه ولنا المام في كل تخصصاتها فندرس العمارة والفيزياء والكيماء والكهرباء والصناعة والبناء والأحمال والإنتاج والذرة الطيران والرياضيات الخ الخ من الأقسام فلهذا اغلب المخترعين العالميين في التاريخ هم امتداد للهندسة الميكانيكيه مثل عباس بن فرناس ودافنتشي وغيرهم لان الهندسة المكيناكيه هي على قمة الابداع البشري.

ولهذا انصحك ان لا تفكر مرتين وتتوكل على الله في الهندسة الميكانيكيه لانها اشمل واعمق من البترول المحصورة في مجال محدد.

فكن معنا من ال big guys والله يوفقك ويسهل امرك واذا تحب تفاصيل اكثر خبرني

 

[قانوني جامعه الكويت]

شكرا عالمرور اخي الكريم

ولكن ما جاوبتني ب كلام الواقع ( يعني بالكويت منو اللي ماشي سوقه وقوي ويبدون على تخصصات هندسيه ثانيه في المناصب والترقيات والاقوى بدلات )

وبالنفط يقبلونه اكثر عدد ,, وبديوان الخدمه ما يطول اسبوع ولا اسبوعين مرشحينه ؟؟

هل هو تخصص الهندسه الميكانيكه او تخصص هندسه البترول ؟

هذا قصدي

 

[0utsider]

اخوي قانوني
سؤالك سابق لاوانه
تو النااااااااااس
انت عسي الله يوفقك
وتتخرج ،،
والتوظف يصير خير
ومن الحين ليما اتخرج
يمكن اتغير الاوضاع واللوائح والقوانين
موفق خير
والله يعينك ​

 

[قانوني جامعه الكويت]

outsider

بالعكس هالسؤال اساسا هذا وقته ,, لان مو بعد الجهد و الوقت الدراسه اقول لو متخصص التخصص الفلاني مو جان احسن؟

الواحد ما يبي يوصل لهالنقطه ,, ف لازم اعرف الحين منو الافضل من بين هالتخصصين

 

[0utsider]

يابن الحلال ياما وياما
قلنا ،، ياليتني وياليتني
ياليتني درست ،، وياليتني مادرست
وياما بتقول
ومهما قررت ،، صدقني راح تقول
ياليت وياليت
وياليت اللي جري ماكان
صدقني انت شاغل نفسك بامور
لااهمية لها حاليا




مع العلم انني
والله مقدر شعورك وفاهمك تماما
وفاهم المرحله هذي جيدا




عموما


،،،،،،،،،،،،،،،،،،،،،،،،،



شوف انا شخصيا ،،،،، مالي بسوالف الهندسه
لكن من خلال اللي اعرفهم راح اجاوبك
وانت صاحب القرار الاول والاخير





الميكانيكا
اصعب تخصص هندسه علي الاطلاق
والربع اللي يدرسونه كلهم متوهقين ويعانون صعوبه فيه
البترول اسهل بالدراسه





طبعا المستقبل الوظيفي اثنيناتهم ممتازين
لكن الميكانيكا فرصهم اكبر بالتوظيف



اكرر
انت ادرس وتخرج
وعسي الله يوفقك
ويعينك
ولاتشغل بالك بهالسوالف الحين
والسالفه تري موسهله








​

 

[0utsider]

علي فكره
اسمح لي للقافه
والتطفل




الصراحه معرفك غريب
" قانوني جامعة الكويت "
شلون يعني
حضرتك قانوني
خريج حقوق يعني




وشلون قانوني
وتبي تدرس هندسه بعد
مستغرب الصراحه



وعن اذنك
وراي شغل
ومالي خلق





​

 

[الجيش الحر]

شكرا عالمرور اخي الكريم

ولكن ما جاوبتني ب كلام الواقع ( يعني بالكويت منو اللي ماشي سوقه وقوي ويبدون على تخصصات هندسيه ثانيه في المناصب والترقيات والاقوى بدلات )

وبالنفط يقبلونه اكثر عدد ,, وبديوان الخدمه ما يطول اسبوع ولا اسبوعين مرشحينه ؟؟

هل هو تخصص الهندسه الميكانيكه او تخصص هندسه البترول ؟

هذا قصدي

مافي شي ماشي سوقه الانسان الناجح يمشي سوقه حتى لو شهادته ابتدائي ( مع العلم ان رئيس الوزراء شهادتة ابتدائي ).

والانسان الفاشل يكون فاشل وسوقه مو ماشي حتى لو عندها دكتوراه والامثله وايد في الكويت.

المفروض تسال نفسك شنو اللي انت تبيه وتحس نفسك تبدع فيه مو اللي ماشي سوقه !

انا اعشق الصناعة فدخلت الميكانيك مو لانها ماشي سوقها وبالعكس في الكويت الصناعة شبه ميته لكن هذا الشيئ ما همني لان اللي احس اني ببدع فيه واستمتع في دراستها فدرستها بدون اي تفكير.

وطبعا الميكانيك مجالهم اوسع واشمل من البترول فمهندس البترول ما يقدر يشتغل في جالات الصناعة الغير نفطيه ولا في البناء والانشاء وتوليد الطاقة والمجال العسكري الخ الخ

ولكن الميكانيك مطلوب في هذه المجالات كلها.

اذكرك اسأل نفسك انت شنو تبي مو شنو اللي ما شي سوقه.

الله يوفقك

 

[تويتر الكويت]

انصحك نصيحة بحكم الخبرة في الحياة
توجه الى دراسة الهندسه الميكانيكية
لان النفط ممكن يخلص في المستقبل
او ممكن تستغني عنه الدول الصناعية الكبرى
عن طريق ايجاد مصادر طاقة بديلة والاستغناء عن النفط
اما الهندسه الميكانيكية فمجالها واسع
وممكن تشتغل في اي وزارة او شركة
وحتى خارج الكويت مجال التوظيف مفتوح
ولكن هل انت مستعد لهذا النوع من الدراسة
لان احد الزملاء يقول انها صعبة وتحتاج جهد مضاعف

وعندي سؤال عن الكلية الاسترالية
هل يوجد فيها بكالوريوس بالنسبة للهندسة

 

[قانوني جامعه الكويت]

outsider
الثانويه العامه علمي ,, و عندي حقوق وتقدير جيد جدا و من جامعه الكويت ,, وقدمت عالنيابه والتحقيقات وديوان المحاسبه والفتوى والتشريع ( بس شهاده واسطات شتحجي )
ف حاليا موظف بجامعه الكويت بوظيفه( باحث قانوني فيها ) ,, بس بالكويت ما يمشي الا ( الفنــــــــــــــــي )

الجيش الحر

درست الحقوق حبا فيها ,, و تخرجت جيد جدا ,, بس الواسطات لعبت بطموحي ( الله يجازي من كان السبب ) ,, ف لا نتكلم بالخيال والمستقبل ,, كلمني بالواقع والوقت الحاضر ,, الكويت ما يمشي فيها الا الفني ,, بينما الاداري ماله معنى

تويتر الكويت

اي نعم الكليه الاستراليه فيها تخصص بكاليريوس الهندسه الميكانيكيه ,, واذا على حسابك ممكن تخلصها ب 3 سنين ونص لانك تاخذ مواد البعثات ما ياخذونها وتخلص اسرع منهم

ولا تنسوون ان الدراسه بالكليه الاستراليه ( تعتبر دراسه تكنولوجيه مثل كليه التكنولوجيا : يعني ريبورتات وشغل ايد ) بعكس دراسه جامعه الكويت( الصعبه ) لان جامعه الكويت دراستها اكاديميه مو تكنولوجيه مثل الاستراليه

ف الناس يروحون للدراسات التكنولوجيه للهندسه لانها ( الاسهل : و مثال ذلك جامعه البلقاء التطبيقيه بالاردن : هندسه تكنولوجيه ) وبالاخير بالكويت ما تفرق بين المهندس الاكاديمي او التكنولوجي كلهم مهندسيين وكلهم نفس الكادر ونفس الفرص الوظيفيه يتنافسون عليها ,,

 

[meshal]

إخذ في الحسبان أن دراسة الهندسة في الكويت أصعب من الولايات المتحدة الأمريكية وبريطانيا وأكبر الدول المتقدمه .
على شنو !! أسأل الجامعة والحكومة ..
الكل يشتكي من دراسة هالمجال في الكويت وياما شطار ما توفقوا .
ولد عمي ما قدر ياخذها بالكويت وقدر يدرس ويتخرج من أمريكا .
واحد اعرفه ... من البيت للمسجد راعي دراسة وشاطر ,, كذلك ما قدر يكملها وراح التدريس .

الشاهد أسأل قبل لا تضيع سنين من عمرك .

 

[تويتر الكويت]

الاخ مشعل الكلية الاسترالية تختلف الدراسة فيها عن جامعة الكويت

 

[جيمس بوند الكويت]

تبي ماده ؟؟

الهندسة الميكانيكية على حجي ناس اعانتهم 900 دينار الطبيب وهو الطبيب اعانته 400

احسبها عاد يوم تشتغل شكثر معاشك

تبي وظيفة

انا من رايي الكويت طفحت مهندسين نفط فرصة المهندس الميكانيكي افضل

تبي الكلام المظبوط

روح ديوان الخدمة واسالهم عن اعداد مهندسين النفط والميكانيكا بالديوان شوف منو يطول على ما يتوظف منو المرغوب اكثر طلع كل شي من عندهم

هم حط بالك بتخرج عقب 3 سنين يعني الحال احتمال يتغير

موفق خير

 

[قانوني جامعه الكويت]

مشعل

في فرق شاسع بين ( الهندسه الاكاديميه : و نسميها الهندسه القشره لان هذا المتبع بجامعه الكويت و الدكاتره عليهم امتحانات وافكار اللهم ياكفي من تحت الارض يطلعون لك الاسئله ,, وفي هندسه اسمها الهندسه التكنولوجيه : مثل كليه التكنولوجيا بالشويخ او الاستراليه وهذي حييل اسهل بمراحل من الاكاديميه ,, لان اكثرها شغل ايد وريبورتات واذا في مسائل بيكون المسائل واضحه وضوح الشمس بس طبعا مع اتباع القوانين اللازمه ولا تنسى الدكاتره بالاستراليه الكل مدحوهم وقالو ان نفسيتهم حيل افضل بمراحل من الدكاتره الكويتيين اللي شايفين روحهم بجامعه الكويت )

جيمس بوند

اساسا الكويت المدلعين فيها والعايش صح هم المهندسيين لان عندهم بدلات ماشاء الله ..يلعلع اكثر من الطب نفسه ,, و الاداري ماله داعي