سؤال وجواب أبي وظيييييييييييييييفة

[ام فيصل30]

السلام عليكم ورحمة الله وبركاتة

اول شي .. رجاءً و جد جددد اللي يبي يستهزء ولا يقول كلام ماله معنى لا يعلق اوكي ؟

أنا كويتية موظفة بالقطاع الخاص بوظيفة ( ادخال بيانات ) صارلي تقريبا سنتين, شهادتي متوسط مع ( سكرتارية تنفيذية + علوم كمبيوتر ) من معهد خاص ومصدقه من التطبيقي.
مطلقة وأعيل طفل..
ومثل منتوا عارفين القطاع الخاص ماله أمان .. أي وقت ممكن يفصلك.

شاللي حادني ع القطاع الخاص ؟ مليت من كثر ما انطر الديوان سنين وانا انطر دوري لين طفح الكيل.

حاليا بكمل دراستي مسائي وأحتاج لوظيفة الصبح في أي جهة حكومية مستشفى أو مستوصف أو مشرفة تغذية بالتربية او الصحة أو أي وظيفة بأي وزارة ماعدا وزارة الداخلية ..
وهالأمر يتطلب واسطة لأن مابي أقدم استقالتي من الخاص وانا مو ضامنه وظيفة حكومية !
شالحل ؟ لحد يقولي دوري واسطه ( مااااااااااااعندي واسطة ) لذلك كتبت اهني .
اللي يعرف نائب او واسطة ومضمونة ياريت يساعد .. وشكرا

 

[khalid ahmed]

أختي قدمي على الديوان وخاصة وظيفة منفذات خدمة في المدارس يحتاجونها والله يوفقج​

 

[ام فيصل30]

ياخوي قعدت سنتين كاملاااااااااااات بالديوان حتى فراشه ماعرضوا علي, الرقم بكبره ماتحرك اصلا

 

[بنت القبايل]

راح تتعبين شغل الصبح ودراسة العصر لازم تفكرين عدددددل
اذا تقدرين وظروفج تسمح كملي
ليش تتوقعين احد يستهزأ ! اذا قصدج على شهادتج فهو مو عيب ولا يدل على نقص فيج ، يا ما ناس عندهم شهادات عليا وما يعرف كوعه من بوعه ، الشخص بأخلاقه مو بشهادته
هذا منتدى الفزعة
خير ما سويتي ودائما جيكي ع الخاص يمكن يوصل شيء موفقه

 

[الشكوىى لله]

أختي الغاليه ،
ديوان الخدمه يطلب توظيفج او تقديمج بشرط !! "يتعب"
صراحه الي هو (غير مقيد في التأمينات)..؟
يعني معناتها غير موظف وتنطر سنين عشان يحالفك الحظ وبالأخير وظيفه غير تخصص الشهاده وبراتب رديئ مايتعدى الـ ٧٥٠ دينار ف سالفة التوظيف الدايركت خصوصًا بالقطاع الحكومي (شبه صعبه) الأ بالواسطه ومو أي واسطه بالنهايه شوفي الخاص ،، والله يوفقچ

 

[ام فيصل30]

راح تتعبين شغل الصبح ودراسة العصر لازم تفكرين عدددددل
اذا تقدرين وظروفج تسمح كملي
ليش تتوقعين احد يستهزأ ! اذا قصدج على شهادتج فهو مو عيب ولا يدل على نقص فيج ، يا ما ناس عندهم شهادات عليا وما يعرف كوعه من بوعه ، الشخص بأخلاقه مو بشهادته
هذا منتدى الفزعة
خير ما سويتي ودائما جيكي ع الخاص يمكن يوصل شيء موفقه

مرحبا بنت القبايل ..
بالعكس ماراح أتعب وأنا موظفه بالخاص قدرت آخذ شهادتين بمعاهد خاصه بالمسائي. والانسان اذا يبي شي ومصر عليه راح يقدر له.
بالنسبة للاستهزاء آخر همي ان احد يستهزء بشهادتي لكن كتبت جذي لأن سبق وحطيت موضوع السنة اللي فاتت عن نفس المشكلة وكانت الردود كلها استهزاء وملاقه يجون يكتبون ( تبين التربيه ) ؟ تبين الصحه ؟ تبين مادري شنو . يعني يردون بكلام فاضي ويشعبون الموضوع.
عموما شكرا ع تواجدج

 

[ام فيصل30]

أختي الغاليه ،
ديوان الخدمه يطلب توظيفج او تقديمج بشرط !! "يتعب"
صراحه الي هو (غير مقيد في التأمينات)..؟
يعني معناتها غير موظف وتنطر سنين عشان يحالفك الحظ وبالأخير وظيفه غير تخصص الشهاده وبراتب رديئ مايتعدى الـ ٧٥٠ دينار ف سالفة التوظيف الدايركت خصوصًا بالقطاع الحكومي (شبه صعبه) الأ بالواسطه ومو أي واسطه بالنهايه شوفي الخاص ،، والله يوفقچ

الحمد لله على كل حال, جان زين أنا مصريه جان متوظفة من زمان وتجي لدولتي 70 مليار ببلاش .
شكرا لوجودك

 

[غيث]

وعليكم السلام ورحمة الله وبركاته
اختي نصيحه إذا راتبج زين ولا يفرق معاج خليج بدوامج احسن
وإذا ناويه تطلعين ادعي ربج انه يوفقج بستشير شخص بالتعليم وان شاءالله يجعله سبب لوظيفتج

 

[0utsider]

مايوظفونج بالحكومه ،،،،، طالما انت موظفه بالقطاع الخاص ،،،، هذا المستحيل بعينه ،،،،، لا ،،، وبعد ماعندج واسطه ،،، اختي الكريمه انت تتكلمين عن اوهام ،،،،،،،، مستحيل اللي تبينه يصير ،،،،،،،،،، اصلا حتي لو واسطه صعب يوظفونج بالحكومه ،،،،،، وبالخاص نفس الوقت ،،،،،،،،،،

 

[تويتر الكويت]

الله يوفقج و ييسر لج أمرج
ويوفق كل انسان يسعى لتحسين ظروف معيشته

 

[ام فيصل30]

وعليكم السلام ورحمة الله وبركاته
اختي نصيحه إذا راتبج زين ولا يفرق معاج خليج بدوامج احسن
وإذا ناويه تطلعين ادعي ربج انه يوفقج بستشير شخص بالتعليم وان شاءالله يجعله سبب لوظيفتج

بصراحه زين الراتب لكن علي اقساط وممكن انفصل بأي وقت بالعربي ابي اضمن نفسي ومستقبلي خصوصا اني راح اكمل دراستي والخاص مو موافقة الشركة اني اكمل سجلت بالدراسة وهم مايدرون. يعني بعدين لما راح اضيف شهادتي بيطالبوني بالمبالغ كلها .

مايوظفونج بالحكومه ،،،،، طالما انت موظفه بالقطاع الخاص ،،،، هذا المستحيل بعينه ،،،،، لا ،،، وبعد ماعندج واسطه ،،، اختي الكريمه انت تتكلمين عن اوهام ،،،،،،،، مستحيل اللي تبينه يصير ،،،،،،،،،، اصلا حتي لو واسطه صعب يوظفونج بالحكومه ،،،،،، وبالخاص نفس الوقت ،،،،،،،،،،

اخي الفاضل ما قلت ابي وظيفتين بنفس الوقت, قلت بطلع من الخاص وأدش حكومة .

الله يوفقج و ييسر لج أمرج
ويوفق كل انسان يسعى لتحسين ظروف معيشته

أجمعين يارب

 

[الهيثم]

ماتقدرين تكملين دراستج وانتي بوظيفتج اللي الحين فيها ؟

 

[ام فيصل30]

ماتقدرين تكملين دراستج وانتي بوظيفتج اللي الحين فيها ؟

صعب الشركة مو موافقة والهيكلة تحط شروط تعجيزية عشان اكمل دراستي

 

[الهيثم]

صعب الشركة مو موافقة والهيكلة تحط شروط تعجيزية عشان اكمل دراستي

شوفي اذا تبين وظيفه حكوميه الراتب زين وبسرعه يوظفون كويتيات عندج المنافذ دوام حلو ويوم ونص دوام و4 ايام بالبيت والقسم كله بنات وما يسمح لاحد حتي مدير المنفذ من الدخول الا للضروره وبعد الاستئذان منكم

 

[ام فيصل30]

شوفي اذا تبين وظيفه حكوميه الراتب زين وبسرعه يوظفون كويتيات عندج المنافذ دوام حلو ويوم ونص دوام و4 ايام بالبيت والقسم كله بنات وما يسمح لاحد حتي مدير المنفذ من الدخول الا للضروره وبعد الاستئذان منكم

عفوا شنو المنافذ ؟ لايكون قصدك السالمي ومادري وين
مستحييييييييييييييل امسك خط كل يوم ليش
حتى المكان اصلا مو نظيييييييف !!!!

 

[الهيثم]

عفوا شنو المنافذ ؟ لايكون قصدك السالمي ومادري وين
مستحييييييييييييييل امسك خط كل يوم ليش
حتى المكان اصلا مو نظيييييييف !!!!

لا تروحين السالمي روحي النويصيب طريج النويصيب كله بيوت ومطاعم وشاليهات يعني ما تحسين بالدرب وبعدين مو كل يوم تروحين الدوام يوم ونص بالدوام و4 ايام بالبيت ..... انا داومت هناك واعرف شغلهم ومكانهم نظيف وبعدين اي مكان يداومون كلهم بنات يكون نظيف طبيعي

 

[ام فيصل30]

لا تروحين السالمي روحي النويصيب طريج النويصيب كله بيوت ومطاعم وشاليهات يعني ما تحسين بالدرب وبعدين مو كل يوم تروحين الدوام يوم ونص بالدوام و4 ايام بالبيت ..... انا داومت هناك واعرف شغلهم ومكانهم نظيف وبعدين اي مكان يداومون كلهم بنات يكون نظيف طبيعي

عفوا انت قصدك التطبيق ؟

 

[khalid ahmed]

أختي في اقتراح ممكن يوالمج ولا تقولين وين أدرس مره ثانية . المعهد التطبيقي ها ليومين يبدأ التسجيل فيه . سجلي وحاولي تاخذين شهادة دبلوم وصدقيني سنتين يمرون بسرعة واعانة طالب وتتوظفين بأسرع مما تتوقعين والتخصصات فيه كثيرة جدا ومريحه وسهل جدا والله يوفقج

 

[تويتر الكويت]

أختي في اقتراح ممكن يوالمج ولا تقولين وين أدرس مره ثانية . المعهد التطبيقي ها ليومين يبدأ التسجيل فيه . سجلي وحاولي تاخذين شهادة دبلوم وصدقيني سنتين يمرون بسرعة واعانة طالب وتتوظفين بأسرع مما تتوقعين والتخصصات فيه كثيرة جدا ومريحه وسهل جدا والله يوفقج

اخوي خالد اعانة طالب 200 دينار ماتسوي لها شي
الا اذا تاخذ المساعدة الاجتماعية المخصصة للمطلقات
من وزارة الشؤون الاجتماعية والعمل ممكن تمشي امورها

 

[الهيثم]

عفوا انت قصدك التطبيق ؟

اي تطبيق وحاليا الظاهر محتاجين سكرتاريه ومدخلين بيانات ...... اتأكد اليوم من الدوام واردلج خبر انشاءالله