سؤال وجواب وين اقدر اخذ قرض

AbdulazizQ8

عضو جديد
السلام عليكم، مساكم الله بالخير

يا جماعة الخير انا طالب كويتي متزوج واخذ من الشؤون ٥٥٩ و بدل اجار ١٥٠ يعني بمجموع ٧٠٩ دينار شهريا، ومو لاقي مكان اخذ فيه قرض ...
شنو اقتراحاتكم اذا ابي قرض؟ انا انسان اقدر اتكلف بالقسط ، والفلوس الي توصلني من الشوون ما راح تتكنسل لانهم قالولي انهم راح يمشون لي هالمبلغ ليما اتخرج، ،حتى بعد التخرج راح يمشون لي هالمبلغ ليما اتوظف، وبعد الوظيفه طبعا راح اقدر اكمل دفع القسط.. يعني ماكو اي مشكله في التكاليف الحمدلله وانا ولد الديره يعني وين راح اروح، المشكله ان البنوك (رحت لبيت التمويل وبوبيان) مو راضين يعطوني اي قرض بحجة انه ما عندي دخل شهري رسمي والي يوصلي مجرد اعانة .... وانا محتاج قرض ٢٠٠٠ الى ٣٠٠٠ دينار

الي عنده معلومات او نصايح ياليت يفيدني، والله يعطيكم العافيه
 

محمد001

عضو فعال
وعليكم السلام،

حسب علمي ما في أحد يعطي قرض على الإعانه لأنها مو ثابته ومعرضه للتوقف في حال عدم إستمرار الطالب بالدراسة أو الطلاق،

نصييييحه حاول تدبر أمورك بدون قرض لا تدبس نفسك بقرض وأنت طالب ترى البنوك ما يرحمون في حالة عدم السداد
 

AbdulazizQ8

عضو جديد
اخوي سؤال .. وين تدرس وجم على تخرجك !
كلية التكنلوجيا - هندسة ، واتخرج بعد كورس ( التكريم شهر ١ عام ٢٠١٦ )


وعليكم السلام،

حسب علمي ما في أحد يعطي قرض على الإعانه لأنها مو ثابته ومعرضه للتوقف في حال عدم إستمرار الطالب بالدراسة أو الطلاق،

نصييييحه حاول تدبر أمورك بدون قرض لا تدبس نفسك بقرض وأنت طالب ترى البنوك ما يرحمون في حالة عدم السداد
والله معاك حق ياخوي لكن للاسف الموضوع ظروري وما عندي حل ثاني، وانا ما راح اخذ مبلغ كبير اصلا
واعانتي مستحيل تتكنسل لاني ما راح اوقف على اخر كورس انا الاول على دفعتي في الكليه الحمدلله
ومثل ما ذكرت حتى بعد تخرجي ما راح تتكنسل الاعانه من الشؤون ليما اتوظف
 

AbdulazizQ8

عضو جديد
جرب الشركات التمويلية يمكن يعطونك بس أتوقع حتى لو بوافقون بيطلبون منك كفيل
الكفيل مقدور عليه انشالله، بس وين الاقي هالشركات؟

جرب التسهيلات اعتقد يعطونك بس مبلغ بسيط الفين او الفين ونص . البنوك ما يعطونك ،، والله يوفقك
التسهيلات ما يعطون الطلبه الا قرض سياره

توظف علي شهادة الثانوية
وكمل دراستك الجامعية

لما تتخرج وتخلص ارفع شهادتك الجامعية وتوظف عليها ومنها خذيت قرض ومنها توظفت
كورسين واتخرج ما اقدر اتوظف الحين


الله يعطيكم العافيه، نشوف اذا الاخوان عندهم حلول ثانيه
 
أعلى