عيونك الحلوة
ما اشوف صعوبة فيها ؟
تعال نمسكها وحدة وحدة
حساب التوفير تفتحه بنفس اليوم وما عليه رسوم سنوية ، اخذتلي فرة سريعة عالحسابات ، لقيت البنك الاهلي الكويتي عنده حساب توفير بعائد خمسة بالمية
الجنيه المصري ارتفاعه مضمون بعد اكتتاب قناة السويس واعادة تاهيل الاقتصاد المصري
العشر الاف اللي صرفتهم بتصير 30 الف خلال 5 سنوات بالكثير
اسهم ابل مشروع مضمون 100% ، كل سنة بيوم نزول الايفون الجديد تعاملات بورصة نيويورك تتعدى 30 مليار دولار ، مستوعب 30 مليار دولار بيوم واحد بس ؟
ناس ربحت ملايين من ابل بيوم واحد واهو قاعد ببيته
بورصة نيويورك تفتح حساب فيها بالنت ب300 دولار ورسوم الحساب السنوية 100 دولار
عمولة التحويل من حسابك بالبورصة لي حسابك البنكي المحلي 3% ، انت دخلت ب5 الاف بهالشهر
شهر 10 لما ينزل الايفون الجديد بيندبل سعر السهم
هذي 10 الاف ، شيل رسوم فتح الحساب وعمولة التحويل البنكي
ربحك الصافي 4820 دينار ب9 اشهر بس
الشخص العادي بيحمد ربه على هالربح ويصرفهم على نفسه
الشخص متوسط الذكاء بيحط الربح بحساب التوفير
الشخص الذكي بياخذ الـ5000 + 4820 ويخليهم للايفون اللي وراه وربحه الصافي بيكون 9413 مجموع اللي عنده 19233
يكرر هالعملية لخمس سنين
ربحه الصافي فوق 50 الف
بيع وشراء السيارات ما يبيله شي ، لا بغيت تشتري انشب ببلعوم البايع حاول تنزل من سعرها قد ما تقدر ، شريت ب1000؟ باعلان البيع حط السعر 1400 بيجيك واحد يحاول يفاوضك نزل السعر 1200
ربحك الصافي 200 ، كرر هالعملية بمبلغ الـ20 الف ، وجمع هوامش الربح لسيارات واشتر فيها سيارة جديدة
كرر هالعملية 3 سنين ، ربحك الصافي فوق 30 الف
الشخص العادي بيحمد ربه ويصرفهم على نفسه
الشخص متوسط الذكاء بيحط الربح بحساب التوفير
الشخص الذكي بيلعب لعبة اسهم ابل بنزول الايفون الجديد ، ربحه الصافي 29 الف غير الـ30 الف
اللي بيتعبك شوي مشروع الانستقرام
موقع علي بابا هذا كنز للي يفهمله
مشكلته الأزلية انك تدور المنتج المرغوب ومو موجود بالديرة وسعره قليل ، نقول 5 دولار للحبة الوحدة
ان حصلت هالمنتج اقول مبروك عليك اقل شي اقل شي ربح صافي 500% على الأقل
ان حصلت هالمنتج كل شي عقبه سهالات
اعطيك مثال بسيط ، هذا كفر ايفون 6
http://www.alibaba.com/product-deta...e-price-wholesale-spigen_60148604266.html?s=p
اقل كمية للشراء 300 كفر
وسعر الكفر الواحد يترواح بين 0.8 دولار و3 دولار
نقول شريت 2000 كفر وبشطارتك بمفاوضة البائع حسبلك سعر الكفر الواحد بدولار = 290 فلس
تكلفة الكفرات = 580 دينار ، 2.4% عمولة الفيزا او الماستركارد = 14 دينار
بعت الكفر بدينارين ، اجمالي العوائد = 4000 دينار
نقول دفعت 200 دينار للشحن ، و100 دينار عمولة للي حطيت الشحنة باسم رخصته التجارية و100 دينار لشركة التخليص الجمركي
نقول 400 دينار عمولة مندوبين توصيل ، 100 دينار اعلان منشن ل100 الف حساب ، 250 دينار عقد مع جريدة الوسيط لمدة شهر 4 اعلانات بمعدل اعلان كل اسبوع ، 100 دينار لمصمم جرافيكس يصمملك 3 او 4 صور الاعلان لحساب الانستقرام
مجموع التكاليف ( من ضمنها تكلفة شراء الكفرات ) = 1844 دينار
صافي الربح = 4000 - 1844 = 2156 دينار
الشخص العادي .. إلخ
متوسط الذكاء .. إلخ
الذكي .. إلخ
لكن تظل مشكلته الاساسية انك تدور المنتج اللي تضمن انه ينباع بالكامل
كفر الايفون مو مثال واقعي ، مستحيل تبيع 2000 كفر الا اذا بتبيعه بسعر مغري جدا بنص دينار مثلا
لكن ربحك الصافي بيكون قليل
لو فرضنا جدلاً المشاريع السابقة كلها نجحت بدون مشاكل
صافي ربحك من كل المشاريع على مدى خمس سنين = 120 الف دينار بأقل تقدير
اخذها واخذ اللي بحساب التوفير والعب لعبة الأيفون بالبورصة
هذا صافي ربح 236 الف
نشيل 30 الف عمولة تحويل حساب بنكي وتعويض خسائر واحتياط
هذي 206 الف دينار
الحين العب بالعقار وانسى نيوروك والانستقرام وعلي بابا وحساب التوفير
انت ما كان قصدك الافكار صعبة
لكن قصدك الافكار ربحها مطول وانت تبي السريع
بتغلط غلطة 80% من اللي جربو حظهم قبلك وتبي ربح سريع وفتحو مشروع واحد بمبلغ كبير
اعرف واحد كان عنده مثل مبلغك تقريبا
قام وفتح مصبغة بالمبلغ كله !
سألته انت من صجك صارف 60 الف على مصبغة وفرع واحد بس ؟
قال حطيت ديكور محد حطه من قبلي ، كل شي خاص مو جاهز ، حتى دفتر الفواتير بتصميم خاص ، سيارة المصبغة صبغة خاصة وتصميم خاص
قال ان دشيت مصبغتي بتقول هذي قصر مو مصبغة
قلتله والنتيجة المشروع ربح ولا خسر ؟
قال محد يدش مصبغتي خير شر !!
ليش يا فلان ؟
قال الناس يشوفون المصبغة شكلها راقي وكشخة عبالهم مصبغة فخمة واسعارها دبلات المصابغ العادية وما يدخلون ولا يقربون من الباب حتى !!!
واللبيب بالاشارة يفهمُ