يآصآحبي طآلبكـ خلنَي بــحــــــآلي

تباشيرالأمل

تباشيرالأمل

عضو مخضرم
يآصآحبي طآلبكـ خلنَي بــحــــــآلي
ما أبي "أضيــّــق خاطرك" وأنت مرتاح
•
•
ياصاحبي وإن غبت عنك " ليالي "
غلاك باقي بــالحـــــــنايا ولا راح
•
•
تبي أسولف لك
،وش اللي جرالي؟؟
أخاف يمسح قولنا الصبـــح لا لاح ..!!•
•
أجل تعال أجلــــــــــس "هنيـّـا" قبــالي
دام الحطب طاح وكثير العتب طـــــاح
•
•
لو كل شخص إليا عطيتــــــــه وفالي
ماكان بــ الدنيا حزن ليل وجراح ..!!
•
•
ولو كل غالي قدّر إحـــــــساس غالي
ماشفت ذاك الدمع من محجره ســاح ..!!
•
•
ولو كل قلب من الحــــسد جاك خالي
مايشتكي من "شحّ الأمطار" فــــلاّح
•
•
ولو كل واحدجاك طبــــــــــعه مثـــالي
ماكان بــ الدنيا سجن ناس وإصلاح ..!!
•
•
ولولا الذنوب اللي بـكبر الجبــــــــالي
ماكان "جيش الكفر" لــ بلادنا إجتـــاح
•
•
ولو الردي يعرف شــ معنى عيـــالي
ماقطّ أبوه بـــ دار الآلآم يـــــــا صاح ..!!
•
•
هذا بعض "حزن السنين" التوالي
طير الحزن مبطي على خافقي ناح•
•
ما أقول أن الخير ماله مجــــــــالي
لآ والذي يفلق من الليل الإصبــــاح
•
•
لكن هنا بعض "الألم" ياحــــــلالي
وأنا أدري أن العود يوم أحترق فاح
•
•
أول أقول إني صبور وشمــــــــالي
واليوم لآ والله أنفجر سدّي وبـــاح ..!!
•
•
ماقلت لك يا ذــــــــيب خلّني بـ حالــــي
هذا أنت "ضقت" وأذكرك جيت مرتاح .!! ​
 
غ

غيث

عضو مخضرم
صح السان شاعرها وناقلها
تبي أسولف لك وش اللي جرالي
أخاف يمسح قولنا الصبـــح لا لاح
صورة جميله وذلك لا يهضم حق القصيده ككل
ابيات جدا رائعه وعذبه بالرغم من الحزن فيها
شكرا تباشير
 
تباشيرالأمل

تباشيرالأمل

عضو مخضرم
غيث قال:
صح السان شاعرها وناقلها
تبي أسولف لك وش اللي جرالي
أخاف يمسح قولنا الصبـــح لا لاح
صورة جميله وذلك لا يهضم حق القصيده ككل
ابيات جدا رائعه وعذبه بالرغم من الحزن فيها
شكرا تباشير
أنقر للتوسيع...
صح بدنك غيث
شاكره لك تواجدك المميز
تحياتي لك
 
يجب تسجيل الدخول أو التسجيل كي تتمكن من الرد هنا.
أعلى