سؤال وجواب للي عنده علم فقط : معهد كهرباء وماء

[نايف العنزي]

السلام عليكم

تكفون لا يرد الا اللي عنده علم قرار مصيري

بعرف اي جهه او وزاره تقبل دبلوم كهرباء وماي غير وزاره وزاره الكهرباء وكم معاشاتهم

هل النفط يقبلوني ؟؟

 

[تويتر الكويت]

النفط و البترول يقبلون وهذا التخصص مطلوب عندهم وبشدة
لكن يبيلك واسطة قوية في هذه الاماكن لان عليها اقبال شديد
وكذلك الاشغال و التربية و الصحة والاوقاف ( قطاع المساجد )
تقريبا جميع وزارات الدولة تحتاج هذا التخصص
لانه لاتوجد وزارة ليس فيها كهرباء
بالعقل يعني في وزارة ما تحتاج فني كهرباء
لكن بالاول و الاخير الواسطة هي تحدد قبولك

 

[قبس]

كل الوزارات تقبل تخصصات معهد الكهربا الماي

في كل وزارة قسم للكهربا او قسم للهندسة او قسم للالكترونات او قسم للتكيف والميكانيكا

 

[نايف العنزي]

اخوي انا ادبي شلون ادرس هندسه؟

كل الوزارات تقبل تخصصات معهد الكهربا الماي

في كل وزارة قسم للكهربا او قسم للهندسة او قسم للالكترونات او قسم للتكيف والميكانيكا

 

[قبس]

اخوي انا ادبي شلون ادرس هندسه؟

انت مو تقول خريجين معهد الكهربا والماي وين يشتغلون؟

قلتلك في كل وزارة توجد هالاقسام باسمائها ويتوظف خريج الكهربا والماي فيها

عاد انت داش لمعهد الكهربا والماي بالثانوية العلمية او الادبية او الموازي ماتفرق

 

[Al5aldi_89]

تخصص جميييل جداً وناجح طبعاً اذا خريج من التطبيقي ،، تنقبل بجميع الوزارات وراتبك قوي و افضل مكان لو تتوظف بمحطات الكهربا و الماي ميه ميه

 

[نايف العنزي]

انت مو تقول خريجين معهد الكهربا والماي وين يشتغلون؟

قلتلك في كل وزارة توجد هالاقسام باسمائها ويتوظف خريج الكهربا والماي فيها

عاد انت داش لمعهد الكهربا والماي بالثانوية العلمية او الادبية او الموازي ماتفرق

يعطيك العافيه ورحم الله واالديك

 

[جيمس بوند الكويت]

ندري ان ينقبل بس الحجي متى يتوظف ؟؟؟ شلفايده اذا بيقعد سنين ينطر

 

[q8_500]

واجد من الربع معاهم دبلوم معهد كهرباء وماء ... واغلبهم وظوفهم بوزارة الكهرباء والماء قطاع محطات توليد القوى الكهربائيه ... انت اذا جبت الدبلوم وظيفتك مضمونه بوزارة الكهرباء والماء ... لان الوزاره محتاجين فنيين كثير

لكن نجي حق موضوع الوظيفه بالبترول ... الوظيفه بالبترول لازم واسطه ... خصوصا اذا عرفنا ان راتب الفني في البترول اعلى من راتب مهندس في القطاع الحكومي ... لذلك اذا تبي تتوظف بالبترول لازم واسطه ... بدون واسطه ما راح

تتوظف ... نعم قد يجيك واحد ويقولك ياخي انا توظفت بالبترول بدون واسطه ... قدمت عليهم لما افتحوا التسجيل وانقبلت ... اقولك نعم تصير مرات واحد ينقبل بدون واسطه ... لكن لو مقدمين على البترول 100 فني انا اقولك واجزملك بعد

90 واحد بينقبلون بواسطه ... و 10 راح ينقبلون بدون واسطه ( توفيق من ربك ) ... لكن بشكل عام الوظيفه بالبترول لازم لازم لازم واسطه ... والله يوفقك يالحبيب

 

[نايف العنزي]

يا اخوان هل الغوا القرار اللي يمنع اللي عنده دبلوم يكمل دراسته الجامعيه قسم الادبي؟؟