سؤال وجواب بغيت خدمه منكم ..

[Besho87]

مساء الخير .. اولا عمري 28 وانا تخصص فني صيانه حاسب الي ومعدلي 3.94 مثل ماذكرت قبل ..

قدمت بالديوان من تاريخ 6 فبراير للحين ما تغير رقمي !
ما فرق معاي قطاع حكومه او خاص المهم انه يكون في وظيفه لانه القعده من غير هدف ولا شغل بتخليني استخف !
المشكله الديوان حيل يماطل ومعطي مجال لناس انهم يرفضون مره ومرتين واحنا الي ناكلها لانه ناطرين يحنون علينا ويمشون دورنا !!

وبعض القطاع الخاص عندهم شروط صعبه للبنت مثل ما يقبلون المنقبات او الي تلبس عبايه !

وحتى شركه النفط الله يهداهم كل اعلان يحطونه يبون شباب !

انا قدمت على بعض البنوك الاسلاميه من جم شهر وللحين ناطره يدقون ويحنون !

بغيت منكم خدمة الي يعرف مكان يقبل هالتخصص يردلي خبر ..

يعطيكم العافيه !

 

[OK]

الله يسهل امورج ان شاء الله

اختي افضل حل انج تروحين تسألين ان كانت شهادتج من الشهادات المستثناه في الديوان على وزارة التربية او اي وزارة لان في شهادات تستثنى من النطره وياخذون الترشيح وهم واقفين

 

[الكويت 1776]

اولا مبروك التخرج, اختي مريت بحالج من زماان واللي سويته من تخرجت اني شغلت نفسي بدورات ( كمبيوتر - ادارة - مهارات - تسويق ) وتعلمت وايد اشياء فاشغلي نفسج واستفيدي لما الله يسهل عليج وتتوظفين ان شاء الله في افضل الوظائف.

وصيانة الحاسب الالي في كل مكان تقريبا وما يمنع تقدمين على هيئة الاستمار والموانئ والناقلات والله يوفقج

وابتعدي عن الفراغ لان الفراغ يدمر الانسان

 

[Besho87]

يعطيك العافيه اخوي ..

للاسف لما اروح الجهات الحكوميه نصها عرب
الكويتيين مو محصلين شغل صافين بالدور بالديوان !

الله يعين بس

 

[Besho87]

اولا مبروك التخرج, اختي مريت بحالج من زماان واللي سويته من تخرجت اني شغلت نفسي بدورات ( كمبيوتر - ادارة - مهارات - تسويق ) وتعلمت وايد اشياء فاشغلي نفسج واستفيدي لما الله يسهل عليج وتتوظفين ان شاء الله في افضل الوظائف.

وصيانة الحاسب الالي في كل مكان تقريبا وما يمنع تقدمين على هيئة الاستمار والموانئ والناقلات والله يوفقج

وابتعدي عن الفراغ لان الفراغ يدمر الانسان

الله يبارك فيك وانا داشه معهد مره خذيت دبلوم علوم كمبيوتر ومره خذيت علاقات عامه !

غير دبلوم صيانه حاسب !
المشكله انهم حتى بالديوان ما يبون الا دبلوم واحد منهم بس !

وللاسف القانون ما يسمح لي اكمل الدراسه ع الدبلوم بو سنتين ونص !

ف شكلي بالنهايه ب سجل بجامعه خاصه وادرس من الاول !

 

[رَسـيـلْ]

موفقه خير خيتي
يارب تنقبلين بالمكان اللي ايوزلج
وخيره ان شاء الله :وردة:

 

[0utsider]

مساء الانوار ،،، يا يبا ،،،، يا يبا ،،، انت شلج بالمعهد ،،، والدورات وهالسوالف اللي مالها معني ،،،،، انت من صجج شقاعده تسولفين ،، يابنت الحلال ،،،، شلون ،،، تبين وظيفه بدون واسطه ،،، بدل ماتروحين للمعاهد والدورات وهالسوالف ،، ماتروحين تدورين لج واسطه ،،، والله لو عندج الف شهاده ودوره ،،، وغيرج ماعنده ولاشهاده ولادوره ،،، وعنده واسطه راح يوظفونه هو ،، ويخلونج انت وشهايدج ودوراتج ،،،،،،،،،،، ولاتنسين ان الاولويه بالتوظيف بالديره عندنا للاجانب والمقيمين والوافدين ،،، ،،،، لان توظيف المواطنين العاديين لاااااازم واسطه ،،، اما توظيف الوافدين علي طوووووووووول ،،، ومايحتاج واسطه ،،،،،، واذا عندج وقت فراغ ،،، ياحظج ،،، حطي راسج ونامي ،،،،، الفراغ نعمه ،،،،، ويعني انعدام الضغوط ،،،،،،،،، ،،،،،،،، اتعبي علي الواسطه ،، ثم الواسطه ،،،،، وعسي الله ييسردربج ويسهل امرج ،،،،،،،،،،

 

[الكويت 1776]

الله يبارك فيك وانا داشه معهد مره خذيت دبلوم علوم كمبيوتر ومره خذيت علاقات عامه !

غير دبلوم صيانه حاسب !
المشكله انهم حتى بالديوان ما يبون الا دبلوم واحد منهم بس !

وللاسف القانون ما يسمح لي اكمل الدراسه ع الدبلوم بو سنتين ونص !

ف شكلي بالنهايه ب سجل بجامعه خاصه وادرس من الاول !

علبالي انج متخرجة من الجامعة, اوكي, نصيحتي لج توكلي على الله وسجلي جامعة خاصة 4 سنين تمر بسرعة والعمر جدامج ان شاء الله وراح تحسين بالفرق لما يكون معاج شهادة جامعية

الله يوفقج

 

[Besho87]

مساء الانوار ،،، يا يبا ،،،، يا يبا ،،، انت شلج بالمعهد ،،، والدورات وهالسوالف اللي مالها معني ،،،،، انت من صجج شقاعده تسولفين ،، يابنت الحلال ،،،، شلون ،،، تبين وظيفه بدون واسطه ،،، بدل ماتروحين للمعاهد والدورات وهالسوالف ،، ماتروحين تدورين لج واسطه ،،، والله لو عندج الف شهاده ودوره ،،، وغيرج ماعنده ولاشهاده ولادوره ،،، وعنده واسطه راح يوظفونه هو ،، ويخلونج انت وشهايدج ودوراتج ،،،،،،،،،،، ولاتنسين ان الاولويه بالتوظيف بالديره عندنا للاجانب والمقيمين والوافدين ،،، ،،،، لان توظيف المواطنين العاديين لاااااازم واسطه ،،، اما توظيف الوافدين علي طوووووووووول ،،، ومايحتاج واسطه ،،،،،، واذا عندج وقت فراغ ،،، ياحظج ،،، حطي راسج ونامي ،،،،، الفراغ نعمه ،،،،، ويعني انعدام الضغوط ،،،،،،،،، ،،،،،،،، اتعبي علي الواسطه ،، ثم الواسطه ،،،،، وعسي الله ييسردربج ويسهل امرج ،،،،،،،،،،

يعطيك العافيه اخوي ع الرد ..
والله يوفق الجميع ان شاء الله ..

المشكله ماعندي واسطات وانا متاكده انه الواسطات تلعب دور كبير في توظيف الاغلبيه !!!
درسنا وتعبنا واخذنا تقديرات مرتفعه !
واذا عن قعدت البيت انا وحده قبل لما كنت اداوم ما كنت احب الغياب حدي ملتزمه ومستمتعه بالدوام ب سنتين ونص ما غبت الا ٣ او ٤ مرات بس كانت لظروف قويه !

فما بالك قاعده اكثر من ٧ شهوور لا شغل ولا شي !

ليش جذي وبسبب منو وشلي قاعد يصير مادري !


الله يعين !

 

[Besho87]

علبالي انج متخرجة من الجامعة, اوكي, نصيحتي لج توكلي على الله وسجلي جامعة خاصة 4 سنين تمر بسرعة والعمر جدامج ان شاء الله وراح تحسين بالفرق لما يكون معاج شهادة جامعية

الله يوفقج

يعطيك العافيه ع الرد .. وهل اذا اخذت الشهاده الجامعيه بيقدرون هالشي ويميزونه ؟
او بيصير حالها حال الي قبلها !

ان شاء الله ناويه اكمل لكن للاسف ديرتنا ديرة احباط وتكسر مجاديف !

الله يكتب الي فيه الخير ان شاء الله .،

 

[الكويت 1776]

يعطيك العافيه ع الرد .. وهل اذا اخذت الشهاده الجامعيه بيقدرون هالشي ويميزونه ؟
او بيصير حالها حال الي قبلها !

ان شاء الله ناويه اكمل لكن للاسف ديرتنا ديرة احباط وتكسر مجاديف !

الله يكتب الي فيه الخير ان شاء الله .،

لا تربطين نفسج بالجو السلبي اللي حواليج, صح احباط ولكن هل معنى هذا نستسلم ؟ مالج شغل اختي وتوكلي على الله ودرسي وصيري جامعية عشان محد ينزل من قدرج وتشتغلين في احسن الاماكن
توكلي على الله ودرسي

 

[Besho87]

لا تربطين نفسج بالجو السلبي اللي حواليج, صح احباط ولكن هل معنى هذا نستسلم ؟ مالج شغل اختي وتوكلي على الله ودرسي وصيري جامعية عشان محد ينزل من قدرج وتشتغلين في احسن الاماكن
توكلي على الله ودرسي

جزاك الله خير اخوي ..

بشوف لي جامعه خاصه والله يوفق الجميع ان شاء الله ...!