ممرضة سعودية في المستشفى العسكري

[نرجسة حبيبه]

بسم الله الرحمن الرحيم
السلام عليكم اخواني اخواتي
حبيت استفسر اذا تدرون كم رواتب الممرضة السعودية بكلوريوس بالمستشفى العسكري
خصوصا انه التوظيف بيكون من العقود الخاصة

انا زوجي كويتي وعايشة هني ومدحولي انه العسكري من افضل المستشفيات بالكويت العسكري والبترول
لكن البترول سالفتهم سالفة

فقدمت عالعسكري

مشكورين
سلام

 

[0utsider]

عليكم السلام ورحمة الله ،،،،،،،،،،،،،،،
حياج الله ،،،،،، وعسي الله ييسر دربج ويسهل امرج ،،،،،،،،
وراح افيدج بالي اعرفه والباقي علي الله






بالنسبه للمستشفي العسكري ،،، ماني متاكد جزما
لكن اللي اعرفه ،، ان رواتب التمريض للعقود الخاصه ،، ماتفرق بين جهه حكوميه واخري ،،،
وبالتالي ،، اغلب الظن ان رواتب الممرضات بالمستشفي العسكري ماتفرق عن غيرها
خصوصا انها بنظام العقود ،،،،،،،،،،،، هذا رايي لكن مو اكيد ميه بالميه ،،،،، للامانه ،،،،،






لكن اللي انا متاكد منه ميه بالميه
ان رواتب ،،، الممرضات ،،، اللي يداومن في ،، الاداره العامه للادله الجنائيه ،،، التابعه لوزارة الداخليه ،،،،
تعتبر الاكثر بين رواتب الممرضات ،،،،، لان لهم بدلات كبيره ومتعدده لاتتوافر في بقية مجالات التمريض الاخري ،،،،،،،،،
بس طبعا ،،، نقطه هامه ،،، بالادله الجنائيه ،،، راح تداومين غالبا بين جثث الاموات وفي غرف التشريح ،،،،
ومادري اذا كان الدوام في غرف التشريح ،،،، وبين جثث الموتي ،،،،، يناسبح ويتلاءم مع شخصيتج ،،،، او ،، لا ،، انت ادري بنفسج
وهذا شئ راجع لج ،،،،،،،،،،، لكن الممرضات بالادله الجنائيه هن الاكثر رواتب ،،،،،، قطعا ،،،،،،،،،،






وبالمناسبه ،،، التعيين في مهن التمريض بالادله الجنائيه يتم بسرعه تامه ،،، وسهل للغايه ومايبي واسطه ،،،،،
لانهم دايما محتاجين لممرضات بالمشرحه ،،،،، ولندرة الراغبين بالعمل في هذا المجال ،،،،،،،،،،





هذا اللي الله قدرني عليه
وحبيت اساعدج كثر ماقدر ،،، والباجي علي الله ،،،،،،،،،،،،
وعسي الله يوفقج ويسهل امرج ،،،،،،،،،،،




​

 

[نرجسة حبيبه]

شكرا اخوي اوتسايدر
أتمنى يكون مثل ما قلت ماكو فرق زايد بالرواتب

والأدلة الجنائية جدا صعبة
احس هالأماكن تأثر على نفسية الانسان

عادي درست تشريح وتعاملت مع جثث لكن ما اطمح للشغل معاهم