Red Lobster
عضو جديد
السلام عليكم ،،
في بداية التحاقي بجامعة كيمبرج العربية المفتوحة عسى الله يبعدكم عن شرها ،، كانت محاضراتي في أحد منازل منطقة الجابرية وقد يستغرب القارئ هنا من كلمة منزل لكن هذه هي الحقيقة المأساوية ،، الحرم الجامعي كان عبارة عن منزل مكون من ثلاث أدوار و حتى أذكر أن أول يوم أداوم فيه دخلت قاعة المحاضرة و شفت كبت هدوم لاصق بالطوفة فاكتشفت أني قاعد بغرفة نوم ،، طبعاً لا بد أنك تحصل زفة كل أسبوع و ترك من العييايز و الحجيات اللي بالفريج بسبب ترك سيارتك أمام منازلهم نظراً لعدم توفر مسافط للسيارات ،، فأي داعوس يجابلك تقط سيارتك فيه جنك ماتدري ..
و استمر الحال لين تطورنا شوي و أجرولهم عمارة بالشعب ،، طبعاً العمارة مافيها إلا أصنصير واحد مساحته نص متر بنص متر و الطلبة صافين ساتور جدامه فتضطر أنك تحرك رويلاتك و تصعد السلالم ، فعلى ما توصل القاعة إلا حايشك شد عضلي و يبهتك تبرق من العرق ،، هذا غير قصة الويه اللي تحوشك و أنت تمر يم فوتوكينا و بيدك كتب و كشاكيل و بكل ثقة و شموخ و كبرياء داش العمارة و الناس تخزك على بالهم مدرس خصوصي صاعد شقة فوق تدرس اليهال ..
لييييين وصل لنا الخبر السعيد و قالوا راح نقعدكم بمبنى جامعي كامل و متوفره فيه كل المستلزمات و المعدات ،، وين وين صاير هالمبنى يا إدارة ؟ قالوا خيطان ! مدرسة قديمة صبغوها بألوان باسكن روبنز على أبو مضبطينها و حطولهم ملعب سلة و طائرة و الحين أرضية الملعب صار فيها خفسة اللي يشوفها يتوقع أن نيزك طايح عليها من الفضاء ،، و أنا بيني و بينكم عمري ما طبيت خيطان ولا أدري شلون صايرة ..
القمندة مو هني الحين ! مو مشكلة عندي المبنى راضي حتى لو يقعدوني بياخور ما عندي مشاكل ،، بس مسألة أنكم تهدون كل مناطق الديرة و تشيلون قشكم و تبسطون بخيطان فهذا لعمري أنه العجب العجاب ..
مقتطفات من الواقع المرير الذي أعيشه خلال رحلتي إلى خيطان المحروسة:
1- تتمنى لو كنت إبناً للوليد بن طلال أو بيل قيتس و يكون عندك هليكوبتر عشان تداوم فيها ،، لأن قيادة السيارة في شوارع خيطان راح تسببلك وعكة صحية و اضطراب نفسي و تلف بالأعصاب و تلعن أبو الساعة اللي انولدت فيها ،، يعني زحمة حولي تطلع صفر عالشمال جدام خيطان ..
2- اللي أعرفه حسب خبرتي بمناطق الكويت أن باصات النقل العام ما يدشون داخل المنطقة بل يتواجدون على الشوارع الرئيسية ،، لكن في خيطان المحروسة الأمر مختلف ،، باصات و شاحنات و تنكار ماي و عادي راعي التنكر يلزم بريك بويهك و ينزل البقالة يشتري زقاير و يوقف السير و انت تنطره على ما يخلص لأن الشارع سايد واحد ،، ناهيك طبعاً عن التكاسي الجوالة و الميني باص ،، ميني باص مكتوب عليه 4 راكب بس لما تطل داخل تشوف 7 راكب قاعد و 10 واقف شلون مادري ،، هذا غير السيارات التراثية اللي يرجع زمن تصنيعها إلى اليوم اللي بنو فيه سور الكويت الثاني .. سيارات الأفلام ملوت قبل اللي كاميرا ثابتة و يهزونها و راهم خلفية شارع نفس سيارة أنور وجدي اللي قز فيها مع سعاد حسني ..
3- يحوشك صداع نصفي بسبب الهرنات ،، ديييد و ديييييييييييد ،، يلوّع جبدك اللي ودك تطلع مخترع الهرن من قبره و تلخه كف و تقوله الله لا يبارج فيك ولا باختراعك ،، حتى لو سافط و ماكو يمه أحد تلقاه هم يدق هرن دييييد ديييييييييييييد ،، اتوقع أن الجماعة بخيطان يبدلون غاز الهرنات أكثر من ما يعبون بنزين ..
4- قذارة و وصاخة مالها نظير في الشوارع .. مناظر منازل العزابية و قهاويهم تسد النفس و تحسسك أنك داش منطقة عصابات محضورة ..
5- خليط من الصعايدة و الهنود و العزابية اللي اذا أنت ولد أبوك خزه ،، عادي يدخلك بجم دشداشته و يخطفك و محد درى عنك ،، و هناك كثير من الطالبات يعانون من تحرشات هالمخلوقات الفضائية الغريبة ،، حتى وصلت فيهم المواصيل مساكين أن تلقاها ماتسوق سيارة و تخلي أبوها الشايب يقطها الجامعة ،، و تشوفه مسكين متنقع بالسيارة و نايم على السكان ينطر بنته تخلص من المحاضرة عشان يحميها من الذئاب العزابية ..
6- شوارع الله بالخير ،، تقاطع أربع سايدات و مافيه إشاره ! نظام من سبق لبق و اهني بالتحديد طبلة اذنك تنبط بسبة الهرنات و ودك لو تهد سيارتك و ترد بيتكم مشي من كثر ما تطق جبدك ..
7- عدم وجود مداخل و مخارج كافية لهذه المنطقة مقارنة بعدد السيارات اللامحدود ،، و صارلنا دهر نسمع أن راح يفتحون لنا مدخل على الدائري السادس حق الجامعة و للحين ما شفنا شي ..
وين الحكومة عن هالحي الراقي ؟ وين فيصل المسلم و شلته ؟
والله شفت اللي ما ينشاف بهالمنطقة ،، المشكلة أن موقعها استراتيجي و مو دايرين لها بال ،، اي شيلوا هالعزابية و قطوهم بالمناطق النائية اللي ناوين تعطونا بيوت فيها و سنعوا المنطقة و شوارعها حق عيال الديرة !
اللي وده يستكشف العوالم الجديدة و يتعرف على حياة الشعوب الأخرى و ثقافاتهم خل يروح خيطان و أنا أبصمله بالعشرة أنه ماراح يتحسف ..
في أمان الله و حفظه ،،
في بداية التحاقي بجامعة كيمبرج العربية المفتوحة عسى الله يبعدكم عن شرها ،، كانت محاضراتي في أحد منازل منطقة الجابرية وقد يستغرب القارئ هنا من كلمة منزل لكن هذه هي الحقيقة المأساوية ،، الحرم الجامعي كان عبارة عن منزل مكون من ثلاث أدوار و حتى أذكر أن أول يوم أداوم فيه دخلت قاعة المحاضرة و شفت كبت هدوم لاصق بالطوفة فاكتشفت أني قاعد بغرفة نوم ،، طبعاً لا بد أنك تحصل زفة كل أسبوع و ترك من العييايز و الحجيات اللي بالفريج بسبب ترك سيارتك أمام منازلهم نظراً لعدم توفر مسافط للسيارات ،، فأي داعوس يجابلك تقط سيارتك فيه جنك ماتدري ..
و استمر الحال لين تطورنا شوي و أجرولهم عمارة بالشعب ،، طبعاً العمارة مافيها إلا أصنصير واحد مساحته نص متر بنص متر و الطلبة صافين ساتور جدامه فتضطر أنك تحرك رويلاتك و تصعد السلالم ، فعلى ما توصل القاعة إلا حايشك شد عضلي و يبهتك تبرق من العرق ،، هذا غير قصة الويه اللي تحوشك و أنت تمر يم فوتوكينا و بيدك كتب و كشاكيل و بكل ثقة و شموخ و كبرياء داش العمارة و الناس تخزك على بالهم مدرس خصوصي صاعد شقة فوق تدرس اليهال ..
لييييين وصل لنا الخبر السعيد و قالوا راح نقعدكم بمبنى جامعي كامل و متوفره فيه كل المستلزمات و المعدات ،، وين وين صاير هالمبنى يا إدارة ؟ قالوا خيطان ! مدرسة قديمة صبغوها بألوان باسكن روبنز على أبو مضبطينها و حطولهم ملعب سلة و طائرة و الحين أرضية الملعب صار فيها خفسة اللي يشوفها يتوقع أن نيزك طايح عليها من الفضاء ،، و أنا بيني و بينكم عمري ما طبيت خيطان ولا أدري شلون صايرة ..
القمندة مو هني الحين ! مو مشكلة عندي المبنى راضي حتى لو يقعدوني بياخور ما عندي مشاكل ،، بس مسألة أنكم تهدون كل مناطق الديرة و تشيلون قشكم و تبسطون بخيطان فهذا لعمري أنه العجب العجاب ..
مقتطفات من الواقع المرير الذي أعيشه خلال رحلتي إلى خيطان المحروسة:
1- تتمنى لو كنت إبناً للوليد بن طلال أو بيل قيتس و يكون عندك هليكوبتر عشان تداوم فيها ،، لأن قيادة السيارة في شوارع خيطان راح تسببلك وعكة صحية و اضطراب نفسي و تلف بالأعصاب و تلعن أبو الساعة اللي انولدت فيها ،، يعني زحمة حولي تطلع صفر عالشمال جدام خيطان ..
2- اللي أعرفه حسب خبرتي بمناطق الكويت أن باصات النقل العام ما يدشون داخل المنطقة بل يتواجدون على الشوارع الرئيسية ،، لكن في خيطان المحروسة الأمر مختلف ،، باصات و شاحنات و تنكار ماي و عادي راعي التنكر يلزم بريك بويهك و ينزل البقالة يشتري زقاير و يوقف السير و انت تنطره على ما يخلص لأن الشارع سايد واحد ،، ناهيك طبعاً عن التكاسي الجوالة و الميني باص ،، ميني باص مكتوب عليه 4 راكب بس لما تطل داخل تشوف 7 راكب قاعد و 10 واقف شلون مادري ،، هذا غير السيارات التراثية اللي يرجع زمن تصنيعها إلى اليوم اللي بنو فيه سور الكويت الثاني .. سيارات الأفلام ملوت قبل اللي كاميرا ثابتة و يهزونها و راهم خلفية شارع نفس سيارة أنور وجدي اللي قز فيها مع سعاد حسني ..
3- يحوشك صداع نصفي بسبب الهرنات ،، ديييد و ديييييييييييد ،، يلوّع جبدك اللي ودك تطلع مخترع الهرن من قبره و تلخه كف و تقوله الله لا يبارج فيك ولا باختراعك ،، حتى لو سافط و ماكو يمه أحد تلقاه هم يدق هرن دييييد ديييييييييييييد ،، اتوقع أن الجماعة بخيطان يبدلون غاز الهرنات أكثر من ما يعبون بنزين ..
4- قذارة و وصاخة مالها نظير في الشوارع .. مناظر منازل العزابية و قهاويهم تسد النفس و تحسسك أنك داش منطقة عصابات محضورة ..
5- خليط من الصعايدة و الهنود و العزابية اللي اذا أنت ولد أبوك خزه ،، عادي يدخلك بجم دشداشته و يخطفك و محد درى عنك ،، و هناك كثير من الطالبات يعانون من تحرشات هالمخلوقات الفضائية الغريبة ،، حتى وصلت فيهم المواصيل مساكين أن تلقاها ماتسوق سيارة و تخلي أبوها الشايب يقطها الجامعة ،، و تشوفه مسكين متنقع بالسيارة و نايم على السكان ينطر بنته تخلص من المحاضرة عشان يحميها من الذئاب العزابية ..
6- شوارع الله بالخير ،، تقاطع أربع سايدات و مافيه إشاره ! نظام من سبق لبق و اهني بالتحديد طبلة اذنك تنبط بسبة الهرنات و ودك لو تهد سيارتك و ترد بيتكم مشي من كثر ما تطق جبدك ..
7- عدم وجود مداخل و مخارج كافية لهذه المنطقة مقارنة بعدد السيارات اللامحدود ،، و صارلنا دهر نسمع أن راح يفتحون لنا مدخل على الدائري السادس حق الجامعة و للحين ما شفنا شي ..
وين الحكومة عن هالحي الراقي ؟ وين فيصل المسلم و شلته ؟
والله شفت اللي ما ينشاف بهالمنطقة ،، المشكلة أن موقعها استراتيجي و مو دايرين لها بال ،، اي شيلوا هالعزابية و قطوهم بالمناطق النائية اللي ناوين تعطونا بيوت فيها و سنعوا المنطقة و شوارعها حق عيال الديرة !
اللي وده يستكشف العوالم الجديدة و يتعرف على حياة الشعوب الأخرى و ثقافاتهم خل يروح خيطان و أنا أبصمله بالعشرة أنه ماراح يتحسف ..
في أمان الله و حفظه ،،