سؤال وجواب انا وصلت حدي من الكآبه "بدون سبب" اتمنى المشاركه

حياة الشقى

عضو جديد
بسم الله الرحمن الرحيم
موضوعي راح يطول عليكم لاني بشرح كل شي





انا توني مسجل في هذا المنتدى واتمنى في ناس يفيدوني باللي هم يعرفون واتمنى عدم التجاهل لو ع الاقل بدعاء

ببلش بالسالفه

انا عمري حاليا ٢٦

بس خلنا نرجع ورا شوي

يوم كنت بالمراهقه لين وصل عمري ٢٠
كنت من احسن مايكون وكنت مضرب امثال وناجح وكانت عندي ثقه كبيره لدرجة كنت اقول لنفسي مستحيل انكسر لو تقطني بدوله غريبه اعيش يعني اعيش وكنت مغتر بهالثقه

وكنت محبووب عند الكل والكل كان يعزني ويحطلي شان وكنت مثل اغلب الكويتيين ٢٤ ساعه الدوانيه عندي والكل يسال عني واحب ربعي واحب اللي اقعد معاهم واحتماعي درجه خياليه وكنت في مواقع التواصل الاجتماعي متحدث وفلته وونيس ومشاركات وفجأه ......
.
.
بديت اقول انا زهقت من هالحاله ابي اطلع واغير من نفسي شوي وطبعا في هالحزه الكل بالدوانيه عندي بس قمت لا دقو علي انغث واقول بيني وبين نفسي هذي حياتي الخاصه
.
وفجاه بدت الحاله تجيني اني اقارن نفسي ب " س " من الناس في تويتر وابصير مثله ولا كنت ادري اني بكل يوم قاعد اكسر من مجاديفي لين وصلت مرحله ان اللي كنت احبهم واعزهم واخواني بعد لا قعدو معاي تجيني ضيقه ماودي احد يقعد وياي ولا كنت اقدر احط عيني بعينهم لاني كنت ادمع لا حطيتها ... وابي بس اقعد بروحي واذا دق علي احد اتنرفز واكلمه باسلوب المتنرفز وللعلم مافي شي بيني وبينه قبل ٣ شهور حبايب والحين ماطيقه " بدوووون سبب "
بدوون سبب اترفز واذم نفسي ووجهي يحمر وارتبك
.
.
واستمرت حالتي هذي وكان يجيني غباء تقريبا لاني كنت ابي احارب هالحاله باني ابي اتكلم باي شي بس علبالي اني بعالح نفسي بنفسي لين صرت اتلعثم لاجيت اسولف ووجهي يحمر " مع ان مافي موقف محرج "
.
وبدت الرجفه تجيني وعوار البطن من الجهه اليسري من تحت وسويت مناظير ورحت لمشايخ مثل " السهو " بحولي
وقطيت مايقارب للمناظير وامور العلاج ٣ الاف تقريبا تعبت ماديا ونفسيا واجتماعيا ووصلت اني ما احب احد يدق علي اذا دق علي احد اسوي نفسي مافيني شي وارتبك واقط كلمات مالها داعي واتطاهر بالضحك وانا ابكي من داخل
..
طبعا مشكلتي بلشت من عمري ٢٠ وانا الحين من اسوأ الى اسوأ

وراجعت عصام الانصاري تقريبا من ٣ سنين واستمريت معاه بحبوب صرفها لي لمدة سنه وولا فادت ورجعت وعطاني حبوب ثانيه وقبل ٦ شهور تقريبا تركتها والحمدلله اعرست ومشت حياتي بس انا تحت مقوله " اضحك وانا خاطري مكسور "

سالفة الضحك اللي من قلب ناسيها وحياتي راحت والايام تسحب الايام ما ادري شسوي والله سئمت لكن الله اكبر
.
.
وكنت اهوا الكوره واحب ومبدع فيها بس شاء الله
ويجيني تشتيت بالذهن احس اني بخيال مو واقع ونسيت نقطه مهمه اللي كسرت مجاديفي اني كنت ابي ارجع مثل قبل باني ابي اسوي للي حوالي جو واونسهم ونضحك ونستانس وكل شوي افشل


انا تعبت والله تعبت ف قلت اشارك معاكم مشكلتي واتمنى اي معلومه قيمه كانت او ماتسوى تطرحونها هني واهم شي ابيه الدعاء​
 

غيث

عضو مخضرم
عندي نقاط بذكرهن لك ولابد ان تكون بعين الاعتبار
-النقطه الاولى / جلد الذات المستمر يدمرها ولا يقومها ماسبة النفس مطلوبه ولكن جلد الذات مدمر في اغلب الاحيان فلا بد ان تبتعد بالإيحاء لنفسك ان الامور جيبه وستمر مرور الكرام وان ما يتقدم لك خيراً لها بعكس التذمر
-النقطة الثانية / قال الرسول صلى الله عليه و سلم عليكم بالجماعة فإن الذئب لا يأكل من الغنم إلا القاصية
والشيطان كذلك يستفرد بمن يجلس وحده كما يفعل الذئب بالغنم .. وهالكلام من واقع تجربه لشخص عزيز علي من كبار السن كان يضيق اذا جلس مع احد وهالكلام قبل الغزو يحدثني ويقول والله اني اضيق ولا ابي احد يسولف وياي يقول واللي زادها اللي يقول عين واللي يقول سحر يقول ولا خليت علاج ماسويته ولا فيه دكتور او شيخ ما رحت له المهم
قال مافيه اي فايده .. يقول قال لي صديق خلنا نروح لدكتور زين المهم قلت كالعاده اكيد ماكو فايده قال جرب المهم راحوا للدكتور وقال القصة كامله له
قال علاجك بسيط لا تقعد بروحك مهما تضايقت تحمل مره ومرتين وثلاث يقول وطبقت كلام الدكتور وكما تراني الحمدلله تغيرت حياتي 180 درجة وشخصية الشايب من اقوى الشخصيات اللي مرت علي ماشاءالله تبارك الله كانوا يحسبون له الف حساب فسبحان الله لو لم يقل لي ما حدث معه من المستحيل ان اصدق هالشخصيه مرت عليه مشاكل نفسيه بحياته
-والنقطه الاخيره خل الدكتور اللي تراجع عنده يصرف لك سبرلكس وبإذن الله خلال اسبوع ستستعيد ثقتك بنفسك وبالاخرين تدريجياً وانا ساكفل النقاط اللي ذكرتهن ان استمريت عليهم خلال شهر او شهرين ستعود احسن من السابق
ولا احتاج منك إلا الدعاء لي ولوالديني
وعندك الخاص اذا تبي تتواصل معي
 

حياة الشقى

عضو جديد
اخوي مساك الله بالخير

أول شي أسال الله إن يشفيك ويعافيك

أنا ما أقدر أشخص حالتك لكن بسألك سؤال ؟
هل إنت قريب من ربك أو لا؟



امين

للامانه مقصر في صلاتي وبعض الاحيان التزم وتمر ايام ما اصلي يعني متقطعه والله يهديني
 

حياة الشقى

عضو جديد
ع
عندي نقاط بذكرهن لك ولابد ان تكون بعين الاعتبار
-النقطه الاولى / جلد الذات المستمر يدمرها ولا يقومها ماسبة النفس مطلوبه ولكن جلد الذات مدمر في اغلب الاحيان فلا بد ان تبتعد بالإيحاء لنفسك ان الامور جيبه وستمر مرور الكرام وان ما يتقدم لك خيراً لها بعكس التذمر
-النقطة الثانية / قال الرسول صلى الله عليه و سلم عليكم بالجماعة فإن الذئب لا يأكل من الغنم إلا القاصية
والشيطان كذلك يستفرد بمن يجلس وحده كما يفعل الذئب بالغنم .. وهالكلام من واقع تجربه لشخص عزيز علي من كبار السن كان يضيق اذا جلس مع احد وهالكلام قبل الغزو يحدثني ويقول والله اني اضيق ولا ابي احد يسولف وياي يقول واللي زادها اللي يقول عين واللي يقول سحر يقول ولا خليت علاج ماسويته ولا فيه دكتور او شيخ ما رحت له المهم
قال مافيه اي فايده .. يقول قال لي صديق خلنا نروح لدكتور زين المهم قلت كالعاده اكيد ماكو فايده قال جرب المهم راحوا للدكتور وقال القصة كامله له
قال علاجك بسيط لا تقعد بروحك مهما تضايقت تحمل مره ومرتين وثلاث يقول وطبقت كلام الدكتور وكما تراني الحمدلله تغيرت حياتي 180 درجة وشخصية الشايب من اقوى الشخصيات اللي مرت علي ماشاءالله تبارك الله كانوا يحسبون له الف حساب فسبحان الله لو لم يقل لي ما حدث معه من المستحيل ان اصدق هالشخصيه مرت عليه مشاكل نفسيه بحياته
-والنقطه الاخيره خل الدكتور اللي تراجع عنده يصرف لك سبرلكس وبإذن الله خلال اسبوع ستستعيد ثقتك بنفسك وبالاخرين تدريجياً وانا ساكفل النقاط اللي ذكرتهن ان استمريت عليهم خلال شهر او شهرين ستعود احسن من السابق
ولا احتاج منك إلا الدعاء لي ولوالديني
وعندك الخاص اذا تبي تتواصل معي



الله يعطيك العافيه والله لا يغير عليكم العافيه لك ولمن تحب

السبرالكس جربته مع الانصاري والحمدلله تعدلت الحاله صارت احسن من قبل بس ليلحين احس اني ما رديت مثل قبل وان الرجفه والربكه تجيني تاره وتاره تختفي

وبخصوص اني اقعد واجتمع مع ربعي ما اقدر ماقمت اشوف ربعي مثل اول او بالاحرى ماشوف نفسي طيب او مثل قبل ارتبك وتجيني وساوس انهم يطالعوني بنضرة اللي فيه شي شعور مايوصف ما ادري شلون اوصله



ونقطة الصلاه انا مقصر حيل مع نفسي والله يهديني انشالله ويرحمني
 

غيث

عضو مخضرم
ع




الله يعطيك العافيه والله لا يغير عليكم العافيه لك ولمن تحب

السبرالكس جربته مع الانصاري والحمدلله تعدلت الحاله صارت احسن من قبل بس ليلحين احس اني ما رديت مثل قبل وان الرجفه والربكه تجيني تاره وتاره تختفي

وبخصوص اني اقعد واجتمع مع ربعي ما اقدر ماقمت اشوف ربعي مثل اول او بالاحرى ماشوف نفسي طيب او مثل قبل ارتبك وتجيني وساوس انهم يطالعوني بنضرة اللي فيه شي شعور مايوصف ما ادري شلون اوصله



ونقطة الصلاه انا مقصر حيل مع نفسي والله يهديني انشالله ويرحمني
حاول كثر ما تقدر انك ما تجلس بروحك وروح عادي لو ترتبك وترجف وحاول انك ما تشغل نفسك بمثل هالامور ولا تجعل منها امر جلل واعلم انها من توافه الامور
وكمل على علاجك اخذ كورس ثاني وسجل بنادي غير جو
اما عن اصدقائك فانا صاحب دوانية والكثير من رواد الدوانية ينحطون على الجرح يبرى فاهلا بك اخو وبين اخوانك واعلم يازميلي هالمسأله ورب البيت تافهه جداً ولكن ادراكنا لحجم الامور فيه خلل فأي مشكلة حجمها بعقلك وستصغر اتفه مما تتصور
 

حياة الشقى

عضو جديد
حاول كثر ما تقدر انك ما تجلس بروحك وروح عادي لو ترتبك وترجف وحاول انك ما تشغل نفسك بمثل هالامور ولا تجعل منها امر جلل واعلم انها من توافه الامور
وكمل على علاجك اخذ كورس ثاني وسجل بنادي غير جو
اما عن اصدقائك فانا صاحب دوانية والكثير من رواد الدوانية ينحطون على الجرح يبرى فاهلا بك اخو وبين اخوانك واعلم يازميلي هالمسأله ورب البيت تافهه جداً ولكن ادراكنا لحجم الامور فيه خلل فأي مشكلة حجمها بعقلك وستصغر اتفه مما تتصور



عساا مكانك عامر بطاعة الرحمن والعلم الصالح

بس ياخوي الكلام سهل ولا جيت اطبق ما اتحمل اشوف نفسي بهالموقف في كل مره احاول واشوف نفسي كذا اتعب زياده وادري ان الموضوع تافه عند الناس اللي ماجربووه بعيد الشر عنك وعن من تحب وعن المسلمين بس ضخم عند اللي يحسون بهالشعور ويعطيك الف عافيه ع الاستجابه والرد
 

OK

مشرف
طاقم الإشراف
استاذي الكريم بالبدايه اسال الله ان يشفيك ويهديك

حل موضوعك مترتب عليه اكثر من نقطه

النقطه الاولى مراجعه وضعك وقربك من رب العالمين وكلنا يحوشنا تقصير في العباده ولكن هذا مو تبرير ان نترك الصلاه فتره وهي عماد الدين فاحرص عليها واجبر نفسك عليها ولا تركن للشيطان اللي يخليك تتهاون في الصلاه لدرجه ان تمر عليك بدون ما تصليها

النقطه الثانيه وهي ان علاجك ماراح يكون بيوم وليله ولا راح يكون بشهر او شهرين الموضوع يحتاج وقت وصبر وقوه اراده حاول مره ومرتين وعشر وكثر من قراءه القرآن بتدبر مو قراءه عاديه تمشي فيها وقتك

النقطه الثالثه حاول تختلط بالناس وجرأ نفسك على الكلام والاختلاط معاهم وهالشي بيساعد ان الرجفه والاحراج يختفون تدريجيا ولا تحط ابالك لما احد يسألك عسى ماشر معناته ينظر لك بنظره الرأفه والشفقه يمكن الناس على بالهم مضغوط ماليا او مضغوط من بعض الامور ويبون يساعدونك
 

حياة الشقى

عضو جديد
ع
استاذي الكريم بالبدايه اسال الله ان يشفيك ويهديك

حل موضوعك مترتب عليه اكثر من نقطه

النقطه الاولى مراجعه وضعك وقربك من رب العالمين وكلنا يحوشنا تقصير في العباده ولكن هذا مو تبرير ان نترك الصلاه فتره وهي عماد الدين فاحرص عليها واجبر نفسك عليها ولا تركن للشيطان اللي يخليك تتهاون في الصلاه لدرجه ان تمر عليك بدون ما تصليها

النقطه الثانيه وهي ان علاجك ماراح يكون بيوم وليله ولا راح يكون بشهر او شهرين الموضوع يحتاج وقت وصبر وقوه اراده حاول مره ومرتين وعشر وكثر من قراءه القرآن بتدبر مو قراءه عاديه تمشي فيها وقتك

النقطه الثالثه حاول تختلط بالناس وجرأ نفسك على الكلام والاختلاط معاهم وهالشي بيساعد ان الرجفه والاحراج يختفون تدريجيا ولا تحط ابالك لما احد يسألك عسى ماشر معناته ينظر لك بنظره الرأفه والشفقه يمكن الناس على بالهم مضغوط ماليا او مضغوط من بعض الامور ويبون يساعدونك





عسا ربي يكثر من امثالك والله يعطيك الصحه والعافيه
 

روائي

عضو مميز
شوف أخوي موضوعك بسيط جدا أنا مريت فيه والله لو أقولك كرهت ناس وايد أعزهم ماتصدقني هههههه بسبب أو بدون سبب وصرت ما أطول زله أو غلط وأفهم وأفسر على كيفي كأني أنا أبو العريف الوحيد
الحقيقه سبب ضيقتك هي بعدك عن ربك أول ... وثانيا وهو الأهم طيبة قلبك وصفاءه لأنك ماعرفت تتعامل مع اللي حولك صح بسبب كتمانك وانك تطوف الغلط والزلل وصرت مثل البالون لما انفجرت .. وهذا أكبر غلط أنك ما كنت تعبر عن حالاتك بنفس الوقت بل كنت تجمعها في قلبك لما صار القلب مايتحمل ويمكن علاقتك بأهلك بس اهي اللي زينه اما محيطك متوتره وكذالك من اختلفت معاهم في يوم من الايام حتى لو تكلمهم
لازم تعلم نفسك انك تعبر عن مشاعرك بحزتها سواء فرح او غضب او بكاء حتى لو دعاك الأمر للبكاء بصوت عالي وصدقني بعدها راح ترتاح أما انك تجمعها سنيييييين طويله وتنفجر فجأه يبيلك مشوار بعيد وطويل على ما تتأقلم على الوضع وتعيد تجميع نفسك .. من البدايه لازم تكون لك اهتمامات وهوايات مختلفه. مثل القراءه ولعب لعبه مسليه او رياضه او تزرع نباتات لان هالامور تعمل تنفيس ايجابي وتحرق الطاقه السلبيه المتجمعه داخلك ودايما فضفض لاتخلي شي بقلبك
الوضع طبيعي جدا لاتخاف بس كل شي وله وقته ... وترجع طبيعي لاتحتاج ادويه ولا شي انتبه لان مضاعفاتها عالمدى البعيد اخطر
واسال الله أن يشافيك وترجع مثل قبل واحسن
 

حياة الشقى

عضو جديد
شوف أخوي موضوعك بسيط جدا أنا مريت فيه والله لو أقولك كرهت ناس وايد أعزهم ماتصدقني هههههه بسبب أو بدون سبب وصرت ما أطول زله أو غلط وأفهم وأفسر على كيفي كأني أنا أبو العريف الوحيد
الحقيقه سبب ضيقتك هي بعدك عن ربك أول ... وثانيا وهو الأهم طيبة قلبك وصفاءه لأنك ماعرفت تتعامل مع اللي حولك صح بسبب كتمانك وانك تطوف الغلط والزلل وصرت مثل البالون لما انفجرت .. وهذا أكبر غلط أنك ما كنت تعبر عن حالاتك بنفس الوقت بل كنت تجمعها في قلبك لما صار القلب مايتحمل ويمكن علاقتك بأهلك بس اهي اللي زينه اما محيطك متوتره وكذالك من اختلفت معاهم في يوم من الايام حتى لو تكلمهم
لازم تعلم نفسك انك تعبر عن مشاعرك بحزتها سواء فرح او غضب او بكاء حتى لو دعاك الأمر للبكاء بصوت عالي وصدقني بعدها راح ترتاح أما انك تجمعها سنيييييين طويله وتنفجر فجأه يبيلك مشوار بعيد وطويل على ما تتأقلم على الوضع وتعيد تجميع نفسك .. من البدايه لازم تكون لك اهتمامات وهوايات مختلفه. مثل القراءه ولعب لعبه مسليه او رياضه او تزرع نباتات لان هالامور تعمل تنفيس ايجابي وتحرق الطاقه السلبيه المتجمعه داخلك ودايما فضفض لاتخلي شي بقلبك
الوضع طبيعي جدا لاتخاف بس كل شي وله وقته ... وترجع طبيعي لاتحتاج ادويه ولا شي انتبه لان مضاعفاتها عالمدى البعيد اخطر
واسال الله أن يشافيك وترجع مثل قبل واحسن


روائي
اشكرك صراحه كلامك مثل الماي البارد ع صدري

انا فعلا ما افضفض وكنت مسامح لابعد حد وكنت ما افكر بالضنون الشينه دايما اصفي النيه ومثل ماقلت مرة السنين لين انفجرت وانا انشالله وبعون الله مراح اخلي فرض يطول ومشكور
 

روائي

عضو مميز
روائي
اشكرك صراحه كلامك مثل الماي البارد ع صدري

انا فعلا ما افضفض وكنت مسامح لابعد حد وكنت ما افكر بالضنون الشينه دايما اصفي النيه ومثل ماقلت مرة السنين لين انفجرت وانا انشالله وبعون الله مراح اخلي فرض يطول ومشكور


العفو اخوي عسى يارب وتبشرنا بتحسن قريب
 
لا تقعد بروحك أقعد مع أهلك إطلع وياهم عندك وايد أماكن تروح البحر عندك المجلس الوطني يسوي برامج وأنشطه حلوه روح لها روح إخذ القاري وإركب وإتمشى فيه عند البحر في فريجكم أي مكان تبي والفنادق إتمشى فيهم في منتجعات روح إحجز لو يومين


وبعد في شركات إذا سامع عنها إدرب على القاري الرياضي إللي مال المسابقات إذا إستمريت إدش في مسابقات

سو برنامج يومي أنا وين أطلع وين أروح شنو أسوي لاتقعد حاط إيدك على خدك وكل قاعد بروحك إنزين الإنسان يحب ساعات يقعد بروحه بس مو على طول

عندك هوايات نمها مثلا عند الرسم عندك كتابة الروايات القصص القصيره السيناريو

دش معهد إتعلم حاب شنو تتعلم حط ورقه وإكتب أبي أتعلم بالمعهد هالتخصص إختار ومارسه

لو مخلص جامعه كمل لو مو مخلص كمل الجامعه

دش نادي رياضي أو الأندية الرياضيه حاب شنو تعلب عندك كرة قدم وتنس وكرة سله وسباحه وغيره

إكل بإنتظام موعد الريوق بوقته موعد الغدا بوقته موعد العشا بوقته كلشي بوقته

سمعت عن الوجبات الصحية إللي مالت الشركات تسوي وجبات صحية إتييب باليوم 3 وجبات إشترك فيها

إقعد مع أهلك وشوف مسلسلات ومسرحيات كوميديه وخر ولا تشوف المسلسلات والمسرحيات إللي كلها نكد


في شي بقلبك لاتخشه قول لأقرب الناس لك من داخل العايله

خلك من مواقع التواصل الاجتماعي سكر الحساب نهائيا إللي تقول عنا وتقارن نفسك فيه إذا كان قصدك عنده متابعين مثل هذوله إللي يطلعون بالصور وإصورون من مكان لمكان وكلام فاضي و نقول ماعندهم أي هدف بالحياة ولا شي ولا سوو أي شي


بعدين حياة المشاهير ما يعيشون حياتهم الطبيعية والحلوه يعني لو إطلعون بأي مكان مايقدرون يمشون براحتهم الناس راح تلتفتلهم من كل صوب

لاتقول أنا ما أنفع وهذا أحسن مني وذاك عنده مركز وله ذاك عنده فلوس وله ذاك ساكن بفيلا جبيره هذي مو السعاده هذي يسمونها تعاسه


كل ماكان الإنسان مشهور بشي تافه لا راح ينفع الناس ولا الناس تنفعه ويمكن بعضهم يضر نفسه

قول أنا أحسن منهم كلهم انا أقدر أسوي شي أهمه مايقدرون يسونه

مثلا إنت عندك غرفة فيها مكتب المكتب تحطه جدام الطوفه الطوفه إللي ملاصقه للمكتب فيها أوراق يعني تلصق أوراق أي أوراق حتى لو ورق كشكول أنا شنهو أسوي شنهو إللي إبالي أسوي كنت أكتب بالألوان بتعلم جذي انا راح أقدر أخلص هالشي حط كلمات تحفيزية هذي تساعد الإنسان


دام تاكل وتشرب وتلبس وعندك سكن لو مكان صغير والمكان الصغير حلو لأنه ملموم أحلى من الفيلا والقصر وتشتغل وعندك راتب يمشي خلاص قول الحمدلله

المهم سكر برامج التواصل الاجتماعي كلها وسكر الموبايل وقول حق أي احد من أهلك يأخذ الموبايل



أقولك شغله تسويها حط لك مدونه لو عندك أفكار تفيد البلد والمجتمع أكتبها مو خسران

تقدر تتعلم فيها لو حاب تتعلم لغه تفيد نفسك وغيرك وايد أشياء تسوي فيها

مثلا إفتح قناة باليوتيوب بس سجل صوتك بدون لا إطلع صورتك لو تعرف الهندسة الصوتية برامج لها مثل كوبيز وبروتولز تقدر من خلالها تسوي برامج مثل البرامج الثقافيه إدشش أول موسيقى وبعدين تبدي البرنامج وبعدين الختام مثلا عن تتكلم برنامج من حلقات عن الدولة الأموية



وبعدين لو تقدر إخذ فترة شهر بأي دولة من دول أوربا بس أنك تغير جو روح حق الطبيعه ومو المدن المزدحمة و روح مع أهلك


إنت ساعد نفسك وخل أحد يشجعك من أهلك عشان تتخطى وترجع الحياة اللي كنت فيها وأحسن



إنت صغير بالعمر شباب العمر طويل جدامك تقدر تسوي اللي تبي
 
التعديل الأخير:
أعلى