إستفسار عن شراء سيارة من أمريكا و ما بعد ذلك

#1
مساكم الله بالخير يالغاليين


أبي أحد يعرف إذا بشتري سيارة معينة من الوكاله مالتها بأمريكا .. شلون و شنو المطلوب أسويه ؟


علشان أسهل الموضوع أكثر


السيارة اللي أبيها إهي أمريكية و تنباع هني بالكويت 26 ألف كويتي

و بالوكالة مالتها في أمريكا تنباع ب 18 ألف كويتي ( فل أوبشن )


أكيد جذي أكون وفرت على نفسي وايد

شنو اللي أقدر أسويه و تقترحونه ؟


و بعد هذا فرضا توفقت و شريتها من بره .. و في مجال أقدر أفتح لها ملف بالوكالة في الكويت


و السيرفيس حق السيارة اللي يبتها من برة بالوكالة نفس سيرفيس السيارة اللي أكون شاريها بالكويت ولا غير ؟


و قواكم الله
 
#2
أسأل عن قيمة الشحن والجمارك
اسأل عن الجمارك في امريكا والجمارك في الكويت
واسأل عن قيمة الشحن والرسوم حتى تصل للكويت
وهل السيارة مطابقة للمواصفات الخليجية أو لا
لأنها اذا كانت مصنوعة حسب المواصفات الامريكية
راح تتعبك واحتمال تحتر في الصيف وتواجه مشاكل في فصل الصيف
جودة وقوة المكيف تختلف اذا كانت حسب المواصفات الامريكية
حجم الراديتر والمراوح والترموستات وامور كثيرة ممكن تختلف
جو الكويت وحر الكويت يحتاج مواصفات خاصة يراعيها المصنع
 
أعلى