سؤال .. مو وقته

[q8dream]

اخواني ..
عندي تسائل شاغل بالي من زمان وهو عن فائده البرنامج الانتخابي للمرشحين ..

يعني ان شاء الرحمن عقب يوم راح ننتهي من هالسالفه وراح نلقى 50 عضو ..
يعني 50 برنامج انتخابي ..!!

الحين لما يوصلون شلون يختارون منو يبدي برنامجه الانتخابي قبل ؟
واحد قال الصحه واحد قال التعليم واحد قال السكن واحد قال المال العام ..


اقول ان في ظل عدم وجود احزاب يصبح لا فائده لوجود برنامج انتخابي يعني شلون اصدق وعود المرشحين وشعاراتهم وبرامجهم ولما ينجح يصير عضو واحد عنده برنامج يبي يفرضه على 49 عضو غيره ..!!


للأسف ديموقراطيتنا تعاني بلاوي

 

[x24]

البرامج الأنتخابية ما هي الا " أكسسوارات " تجميلية للحملة الأنتخابية ..!!!

أشك وبنسة كبيرة أن يلتزم احدهم بجزء ولو بسيط مما قالة في مقره الأنتخابي .. !!!

الفرق أن هناك من يتقن هذا الفن بأحتراف مما يجعل برنامجة الأنتخابي لا يصلح مشاكل البلد فقط لكن يصلح ايضا ً لحل مشاكل أفريقيا ... !!!

لا نزال بعيدين جدا عن " المصداقية " و " الشفافية " التي تتمتع بها شعوب العالم المتحضر ... !!!​

 

[q8dream]

اشكرك على المشاركه ..

المقصد حتى لو كان في جديه من المرشح(العضو) في تطبيق البرنامج الانتخابي , كيف يستطيع تطبيقه وكل نائب عنده برنامج غير عن الثاني ..

يعني عندنا 50 برنامج انتخابي

نبلش في منو ؟ الاكبر سننا ولا على حسب الدائره ولا على الحروف الابجديه ولا ولا الخ

بالاخير هذا سيفوه وهذي خلاجينه


اشكرك

 

[علي الرشيدي]

المشكلة من الأعضاء نفسهم ,, مو من مشكلة عدم وجود الأحزاب ,, و ما أأيد وجود الأحزاب


لكن الأن بوجود جدول و برنامج انتخابي لكل عضو ,, من المفترض ان يتم التنسيق فيه مع الاعضاء كلهم


فمثلا ,, عضو برنامجه الانتخابي تطور الصحه و المستشفيات
فمعقوله راح تلقى أحد يعارض هذا الشيء ,, إّذا كانوا فعلا اصلاحيين ؟!


بعدين الصحه الكل يدندن حواليها ,, و الكل عنده برنامج في الصحه و التعليم ,, و من عرفنا الانتخابات و هذا برنامج الكل ..

لكن وين التطبيق ؟!


للأسف مافيه أولويات ,, و تلقى المجلس يتكلم بموضوع تافه مثل منع الاختلاط ,, و يخلي اللي دهور الديره