سؤال وجواب جنسية امي

نجمه

عضو جديد
السلام عليكم ,
بقولكم مشكلتي ومحتاجه منكم نصيحه او ا احد عنده خبره بهالمواضيع ينصحني وين اروح شنو اسوي لانه جربت كل شي وهالمنتدى اخر محاولاتي , ابي اعرف الل ماعنده اوراق ثبوتيه مثل ميلاديه شلون يطلع جنسيه او جواز , انا كويتيه ابوي الله يرحمه كويتي بس امي عراقيه وعمرها ماراحت العراق تعتبر كويتيه مشكلتها لما كانت صغيره ابوها كان متزوج على امها ومرت ابوها قطعت كل اورقها الثبوتيه وميلاديتها ومحد اهتم فيها وابوي كان شايب ومايعرف شي وانا احاتي امي مره كبييره وصار فها الضغط دايم اشوفها تبجي وتفكر وتقولي ودها تحج وعمره وتحاتي اذا ماتت وين بيدفنونها انا تعبت وماقدر اتحمل اشوفها جذي وكلت محامين ناخذ قرض عشانهم ياخذون فلوس واخر شي يقولون حاولنا وماصارت ..جنسية امج خط احمر ويبيلها واسطه امي عندها اوراق قديمه بس بس منتهيه من زمان وماتتجدد لانه ماكو ميلاديه , اللي عنده حل او نصيحه لوجه الله لايبخل فيها اي شي اقدر اسويه عشان امي ترتاح

وشكرا.
 

شمري كويتي

عضو مخضرم
السلام عليكم
اختي انتي تقولين امج كان عندها شهادة ميلاد
وزوجة ابوج قطعت كل اوراق امج الثبوتية وميلاديتها
الحل بسيط جدا وسهل جدا ولا يحتاج محامي ولا واسطة
تروحين لادارة السجل المركزي للمواليد والوفيات
وتطلبين مستخرج طبق الاصل من شهادة الميلاد
اذا ما قدرتي تطلعين نسخة طبق الاصل من ميلادية امج
راسليني وانا اقولج شنو تسوين بالتفصيل وخطوة خطوة

بشرط المصداقية وتنفذين الخطوات اللي اقولج عليها حرفيا وبدقة تامة
 
التعديل الأخير:

شمري كويتي

عضو مخضرم
الخطوة الاولى بعد عطلة العيد ان شاء الله
تروحين الى مدير إدارة السجل المركزي للمواليد والوفيات
في وزارة الصحة
وتقولين لي شنو قالج لما طلبتي منه
نسخة طبق الاصل من ميلادية امج
خلي كلامج مختصر وقليل جدا مع المدير
مايصير تروحين له وتقولين له قصة حياتج
ولا تقولين ظروفج وظروف امج وقصة حياتكم
هذا مدير ادارة مو اخصائي نفسي ولا اخصائي اجتماعي
تقولين الكلام التالي حرفيا وباختصار وبدون زيادة
السلام عليكم
اخوي لو سمحت انا ابي اطلع
شهادة ميلاد للوالدة بدل فاقد
بس فقط لاغير بدون زيادة ولا حرف
راح يقولج وين ميلادية الوالدة تقولين له ضاعت
مو تقولين له زوجة ابوي قطعتها والكلام هذا
هو ماله شغل منو قطعها او حرقها او نقعها بالماي او بالحليب
هو يبي يعرف وين شهادة ميلاد امج السابقة فقط فقط فقط
تقولين له الشهادة ضاعت من زمان ولاندري وين مكانها
راح يطلب منج اي اثبات للوالدة علشان يقدر
يطلع لامج شهادة ميلاد بدل فاقد مستخرج طبق الاصل

شنو عندج اثبات حق امج حاليا ؟
 
التعديل الأخير:

شمري كويتي

عضو مخضرم
امي عندها اوراق قديمه بس بس منتهيه من زمان وماتتجدد لانه ماكو ميلاديه

شنو الاوراق القديمة اللي عند امج
اللي تقولين عنها منتهية وما تتجدد
لان هذي الاوراق هي اللي راح تحل المشكلة
هذي الاوراق هي اللي راح تكون سبب باذن الله
في استخراج شهادة ميلاد بدل فاقد للوالدة
اذا كان عندها شهادة ميلاد صادرة من وزارة الصحة الكويتية
اما اذا ما كان عندها شهادة ميلاد كويتية

ارجو انج تنسين الموضوع نهائيا ولا تفكرين فيه
اقصد موضوع الميلادية واستخراج شهادة ميلاد بدل فاقد
او اذا عندها شهادة ميلاد عراقية صادرة من العراق
لازم تطلعون الميلادية العراقية او بدل فاقد عنها
ويتم حل الموضوع بكل سهولة وتحصل امج على الجنسية الكويتية
لانه لايوجد مانع ان الوالدة تحصل على الجنسية الكويتية
اذا كان عندها شهادة ميلاد عراقية وتنطبق عليها شروط الجنسية الكويتية
 
التعديل الأخير:

Fresno

عضو
السلام عليكم ,
بقولكم مشكلتي ومحتاجه منكم نصيحه او ا احد عنده خبره بهالمواضيع ينصحني وين اروح شنو اسوي لانه جربت كل شي وهالمنتدى اخر محاولاتي , ابي اعرف الل ماعنده اوراق ثبوتيه مثل ميلاديه شلون يطلع جنسيه او جواز , انا كويتيه ابوي الله يرحمه كويتي بس امي عراقيه وعمرها ماراحت العراق تعتبر كويتيه مشكلتها لما كانت صغيره ابوها كان متزوج على امها ومرت ابوها قطعت كل اورقها الثبوتيه وميلاديتها ومحد اهتم فيها وابوي كان شايب ومايعرف شي وانا احاتي امي مره كبييره وصار فها الضغط دايم اشوفها تبجي وتفكر وتقولي ودها تحج وعمره وتحاتي اذا ماتت وين بيدفنونها انا تعبت وماقدر اتحمل اشوفها جذي وكلت محامين ناخذ قرض عشانهم ياخذون فلوس واخر شي يقولون حاولنا وماصارت ..جنسية امج خط احمر ويبيلها واسطه امي عندها اوراق قديمه بس بس منتهيه من زمان وماتتجدد لانه ماكو ميلاديه , اللي عنده حل او نصيحه لوجه الله لايبخل فيها اي شي اقدر اسويه عشان امي ترتاح

وشكرا.
من الواضح ان والدتج مواليد العراق وبالتالي يجب استخراج شهادة ميلاد أولا من العراق عن طريق معارف او محامي عراقي يقوم بالمعامله ... بعد استخراج شهادة ميلادها العراقيه تستخرجين بقية الأوراق الثبوتيه من هناك ومن ثم توثقينها بالخارجية العراقية والسفارة الكويتيه ... وستكملين بقية المعاملة بالكويت وكما اعرف ان هناك محامين بالكويت لديهم تعاون مع محامين بالعراق الموضوع يحتاج بحث بسيط .. والله يوفقج .
 
أعلى