من بُحور الشِعر دُرّة

[العنود]

،
============
الدرة الحادية والثلاثون
============

يُمّـه والـى قلـت يُمّـه طـابـت جـروحـي
وأعظـم جروحـي دواهـا قـول يــا يُـمّـه

يا أقرب من الأنا وأصدق جمـل بوحـي
ويا أبلـغ مـن الحكـي مـن قبـل لا آتمّـه

ويـا أجمـل اللـي كتبـه الله فــي لـوحـي
ويا أطهر من المطر وأعلى مـن القمّـه

ويا أعذب من القصيد بصوت مبحوحي
يـا وجهـة ٍٍ فـي عيونـي صـارت اليـمّـه

مسكنك عيني والى غبتي وسط روحـي
وانفاسـك العطـر ياوجـدي علـى شـمّـه

حبـك هيـام وغــلا بالعـيـن مفضـوحـي
بيـن المحـانـي عـجـزت الـيـوم لا لـمّـه

ياكيف يوفي القصيـد وتوفـي شروحـي
وكـل الأحاسـيـس فـيـك الـيـوم مهتـمّـه

رضـاك يـمّـه يشـيّـد عـالـي صـروحـي
لا مايعـوضّـه عـنـدي خـــال أو عـمّــه

حتـى وانـا بغربـتـي بسمـاتـك تلـوحـي
ولامــرّ طيـفـك بعيـنـي خـطـر ٍ آخـمّــه

وليت المـرض ياغناتـي للحكـي يوحـي
كـان اطلبـه يتركـك وارجـع أنـا آضمـه

ميـر البـلا لا سمـع هرجـي ولا بـوحـي
ألا يليـت الـمـرض يخـجـل عـلـى دمّــه

فديـت روحـك حقيقـه مـاهـي مـزوحـي
يا أطهر من المطـر وأعلـى مـن القمّـه

يمـه والـى قلـت يمـه طـابـت جـروحـي
واعظـم جروحـي دواهـا قـول يــا يـمـه

لـ / خالد الدوسري
​

،

 

[نساي2]

الدرة الثانية والثلاثون​

الشاعر \ الحميدي الشمري​

قصيدة في رثاء والدته​

خايف عليها من الثّرى غطّاها...
والا الحصى حافيَه..أخاف أذّاها...​

أكرم عليها بالكفن يامطوّع...
بالبيت ظلّ فراشها وغطاها...​

أكرم عليها بالكفن هذي امي...
وإشهد عليها بما عطت يمناها...​

هذي الضّحى والليل يتحرونه...
هذي السّماء ونجومها تنعاها...​

هذي السوالف مثلنا تبكيها...
والأرض تنشد عن أثر لخطاها...​

هذي الكبيرة كبر هذي الدنيا...
هذي العظيمه جلّ من سواها...​

أبكي عليها مو نهار وليله...!
ولا سنه تمشي وأعد قضاها...​

أبكي عليها كثر ماشالتني...
وكثر الحنين اللي إختلط بغناها...​

وكثر الأسامي..وكثر من سمّوها...
وكثر النجوم..وكثر من يرعاها...​

ابكي عليها من القهر يادنيا...
من لي انا؟ من لي عقب فرقاها ؟​

من فتحت عيني.. ولا خلّتني...
شوفوا ولدها بالقبر خلاها !!​

هلّ التراب بوجهها.. ماقصّر...
شفتوا ولدها كيف هو جازاها ؟​

لو إنها مكاني ماسوّتها...
لكن أعزّ عيالها سوّاها...​

يالدود شفها ذابله .. جنّبها...
أنا ولدها .. وحاضر .. وأفداها...​

قطّعني هاك اللي تبي من جسمي...
بس الكريمه لا تجي بحذاها...​

وأوصيك أمانه قل لها تعذرني...
وتكفى تروح تحب لي ماطاها...​

أبيها تغفر لي مثل ماكانت...
كل خمله مني بطيبها .. ترفاها...​

يالله عساها بالنعيم الخالد...
وعساها في جنة عدن سكناها...​

يافضو هذا الكون .. ياهو خالي...
ياضيق هذي الدنيا .. يا مقساها...​

يامر طعم فراقها.. يامرّه...
ماني مصدق أرجع وما ألقاها؟!​

وشلون أجي غرفتها ماهي فيها؟
وش عذري لسبحتها .. ومصلّاها؟ ​

شـ أقول أنا لدولابها , لشنطتها؟
واذا سئلني مشطها , وحنّاها؟ ​

وعباتها , ومَي زمزم , ومصحفها؟
والمبخره ,ورشوشها, وِدواها؟​

الكل في غرفتها متفقدها ...
حتى الجدار .. مفطّر ويرجاها...​

الكل يبكيها .. ماهو ناسيها...
يالله صبّرني شلون أنساها...​

ياليتها ماراحت وخلتني...
أو وسّعت لي بالقبر وياها...​

http://video.google.com/videoplay?docid=-588439574254043961&hl=en​

 

[العنود]

،

====
الذرة الثالثة والثلاثون
====


الفضـا واسـع ولكـن الحقـايـق بــي تضـيـق
والصبـر شمعـه تطفّيهـا نسانـيـس الهـمـوم

والفرح دمعـة عزيـز ٍ خالطـت مـرّ الشهيـق
والحزن ضحكة يتيم ٍ ضاع عمره فـي حلـوم

والبحر طاغي وظالم ماسمع رجوى الغريـق
وضاع ثار الميّت اللـي ماعـرف مـرّه يعـوم

والعلـوم اللـي تبارينـي عـلـى ذاك الطـريـق
عرّضت وجهي على لفح الهبايب والسمـوم

والذهب وشهو الذهب لولا مـدارات البريـق
والرجل وشهو الرجل لو مايعـدّ مـن القـروم

والزمـن دارت دواليبـه علـى الحـرّ الطلـيـق
والنشايـب ليتهـا تـرضـى بحـبّـات الخـشـوم

والسعه في عين مهموم الزمن عادت لضيق
والـردي وش تنفعـه بيـض الثنايـا والهـدوم

والرفيـق اللـي هقيتـه بالشدايـد لــي رفـيـق
الزمن ارخـى حزامـه وارتخـت فيـه العـزوم

وانكشف وجه الحقيقه وانقطع حبـل ٍ وثيـق
وانثلـم سيـف المراجـل والشكالـه والسـلـوم

والضماير تحتضـر والمحتضـر أزرى يفيـق
والجمايـل ثابتـه تبقـى مثـل نصـب الـرجـوم

والطمينـة ترتفـع لــو تختـفـي قـمّـة طـويـق
والشجاعة تنهزم لـو زادت أعـداد الخصـوم

واختلـط بالغابـة القشـرا زئيـر ٍ مــع نهـيـق
وانـهـدر دمّ النشـامـا وانحـفـظ دمّ الـرخــوم

والشدايـد بيّنـت وجـه المـعـادي والصـديـق
والنعـايـم والحـوايـج عـنـد قـضّـاي الـلـزوم

واحدن سبحانه منجـي الخليـل مـن الحريـق
منزل الغيث ومغيث الخلق مـن دمـع الغيـوم

والفرج لو هـو مـن عْبـاده حشـا مانستفيـق
ياكثر من يحسدك حتّى علـى كثـر الهمـــوم


لـ / خالد الودعاني الدوسري


،
​

 

[نساي2]

الدرة الرابعة والثلاثون​

​

بديوي الوقداني​

شاعر كبير جمع في شعره بين العاميّه والفصحى
ولد في 1244 هـ وتوفى في 1296 هـ تقريباً​

​

أيامنا والليالي كم نعاتبها
شبنا وشابت وعفنا بعض الاحوالي​

تاعد مواعيد والجاهل مكذبها
واللي عرف حدّها من همها سالي​

إن اقبلت يوم ما تصفي مشاربها
تقفي وتقبل وما دامت على حالي​

في كل يوم ٍ تورينا عجايبها
واليوم الاول تراه أحسن من التالي​

أيام في غلبها وايام نغلبها
وايام فيها سـوا والدهر ميّالي​

جرّبت الايام ومثلي من يجربها
تجريب عاقل وذاق المر والحالي​

نضحك مع الناس والدنيا نلاعبها
نمشي مع الفي طوع ٍ حيث ما مالي​

كم من علوم ٍ وكم آداب نكسبها
والشعـر مازون مثقال ٍ بمثقالي​

أعرف حروف الهجا بالرمز واكتبها
عاقل ومجنون حاوي كل الاشكالي​

لكن حظي ردي والروح متعبها
ما فادني حسن تأديـبي مع امثالي​

إن جيت أبي حاجة ٍ عزّت مطالبها
العفو ما واحد ٍ في الناس يا والي​

قوم ٍ ليا جيتها رفـّت شواربها
بالضحك وقلوبها فيها الردا كالي​

وقوم ٍ ليا جيتها صكّت حواجبها
وابدت لي البغض في مقفاي واقبالي​

ما كنّي إلا مسوي حال مغضبها
والكل فـي عشرته ماكر ودجّالي​

يا حيف تخفي أمورٍ كنت حاسبها
واللي على بالهم كله على بالي​

الجار جافي وكم قومٍ محاربها
والأهل واصحابنا والدون والعالي​

والروح وش عذرها في ترك واجبها
راح الحسب والنسب في جمع الاموالي​

نفسي تبي العز والحاجات تغصبها
ترمي بها بين أجاويدٍ وانذالي​

المال يحيي رجال ٍ لا حياة إبها
كالسيل يحيي الهشيم الدمدم البالي​

عفت المنازل وروحي يوم اجنـّبها
منها غنيمه وعنها البعد أولالي​

لا خير في ديرة ٍ يشقى العزيز ابها
يمشي مع الناس في همٍ وإذلالي​

دارٍ بها الخوف دايم ما يغايبها
والجوع فيها ومعها بعض الاحوالي​

جوعى سراحينها شبعى ثعالبها
والكلب والهِر يقدم كل ريبالي​

عز الفتى راس ماله من مكاسبها​

يا مرتضي الهون لا عـزٍ ولا مالي​

ذللت بالروح لين ارخصت جانبها​

وانا عتيـبي عريب الجد والخالي​

قومٍ تدوس الأفاعي مع عقاربها​

وإلها عزايم تهد الشامخ العالي​

خل المنازل وقل للبين يندبها​

يبكي عليها بدمع العين همّالي​

لا تعمر الدار والقالات تخربها​

بيع الردي بالخساره واشتر الغالي​

ما ضاقت الأرض وانسدت مذاهبها​

فيها السعة والمراجل والتفّـتالي​

دارٍ بدارٍ وجيرانٍ نقاربها​

وأرضٍ بأرضٍ وأطلال ٍ بأطلالي​

والناس اجانيب لين انك تصاحبها​

وتكون منهـم كما قالوا بالامثالي​

الأرض لله نمشي في مناكبها​

والله قدّر لـنا أرزاق وآجالي​

حث المطايا وشرّقها وغرّبها​

واقطع بها كل فج ٍ دارس ٍ خالي​

واطعن نحور الفيافي في ترايبها​

وابعد عن الهم تمسي خالي البالي​

من كل عمليـّةٍ تقطع براكبها​

فدافد البيد درهام ٍ وزرفالي​

تبعدك عن دار قوم ودار تقربها​

واختر لنفسك للمنزال منزالي​

لو مت في ديرةٍ يجفاك صاحبها​

كم ذا الـجفا والتجافي والتـّعلالي​

دوس المخاطر ولا تخشى عواقبها​

الموت واحد وبعد العز يحلالي​

إن المنايا إذا مدّت مخالبها​

تدركّ لو كنت في جو السماء العالي​

ما قرّت الأُسد في عالي مراقبها​

تسعى على الرزق ما حنـّت للاشبالي​

والشمس في برجها والغيم يحجبها ​

تقفي وتقبل لها في الفلك مجدالي​

رب السماوات يا محصي كواكبها​

يا مجري السفن في لجات الأهوالي​

ضاقت بنا الارض واشتبت شبايبها​

والغيث محبوس يا معبود يا والي​

يا الله من مزنةٍ هبّت هبايبها​

رعّادها بات له في البحر زلزالي​

ريح العوالي من المنشا يجاذبها​

جذب الدلي من جبا مطويّة الجالي​

ديمومةٍ سبّلت وأرخت ذوايبها​

وانهل منها غزير الوبل همّالي​

تسقي ديارٍ شديد الوقت حاربها​

ما عاد فيها لبعض الناس منزالي​

يا جاهل اسمع تماثيلٍ مرتبها​

فيها جواهر ماهي بالقيل والقالي​

مثل المحابيب زادت في قوالبها​

في صرفها زايده عن قرش وريالي​

يا ربي توبه وروحي لا تعذبها​

يوم القيامه اذا ما ضاقت اعمالي​

وازكى صلاةٍ على المختار نوهبها​

شفيعنا يوم حشرٍ فيه الاهوالي​

http://www.alkhubr.biz/voices-action-show-id-17.htm​

​

 

[صوت المطر]

الدرة الخامسة والثلاثون
للشاعر سعودبن بندر(الله يرحمه)
قالوا تحبه:قلب:
قالوا تحبه قلت ماهو بالحيل
بس إنه أغلى شوي من نور عيني
يسوى جميع الجيل الاول وهالجيل
احبابي الماضين والمقبليني
اشتاق له شوق المحبين لليل
وارتاح له راحة دموع الحزيني
لاصار جنبي لوسنة وقتي بخيل
ولاغاب لو لحظات صارت سنيني
قالوا يحبك
قلت هذا هو الويل
ماودي انشد ثم رفضه يجيني
واهدم رجاي بدبرتي مثل ماقيل
والافضل احيا بالامل لو حيني
ياحبكم ياناس للقال والقيل
والامر لوهو سهل يصبح مهيني
خلوني احيا في الوهم يا عواذيل
وش دخلكم والامر بينه وبيني​

 

[صوت المطر]

الدرة السادسة والثلاثون
للاميره البندري بنت عبدالعزيز
في رثاء ولدها سعودبن بندر
ليتني
من يلوم العين لوهلت دموع
ومن يلوم القلب لوصفق وصاح
لي حبيب راح ماطرى الرجوع
ليتني ودعت زوله يوم راح
ليتني وسط الخلا واعطش واجوع
ولا سمعت اللي نعى هاك الصباح
ساهره ياسعود والعالم هجوع
ليت منهو مات قبلك واستراح​

 

[نساي2]

الدرّة السابعة والثلاثون​

قصيدة \ تركي بن حميد​

وهو احد اشهر مشائخ قبيلة عتيبة

برع بالفروسيه والشعر

كانت وفاته في نهاية القرن الثالث عشر الهجري​

تلعب طـرب وانا بنومي هواجـيس​

ما سامرك بالليـل كثـر الهمومـي​

اسهر أليا نامت عيـون الهداريـس​

وبالليل اساهر ساهـرات النجومـي​

اوجس بقلبي مثـل دق النحاحيـس​

الله يلـوم اللـي لحالـي يلـومـي​

اشوف عـدلات الليالـي معابيـس​

ولا احدن من الدنيا عظامه سلومـي​

تضحك وتخفي لك خفي الهناديـس​

تفطر لنا يومـن ويومـن تصومـي​

إعمل وتلقا وافهم العلـم بالقيـس​

دنياك لـو زانـت تراهـا نقومـي​

قالوا جهلت وقلت جهلن بلا قيـس​

الجاهل اللـي مايعـرف اليمومـي​

من لايدوس الراي من قبل ماديـس​

عليـه داسـوه العيـال القرومـي​

ومن لايقلط شذرة السيف والكيس​

تبدي عليـه مـن الليالـي ثلومـي​

ومن لاخذا الدنيا بميـزن وتقييـس​

مثل الذي يسبـح بليل(ن) يعومـي​

والبان مايصلح على غيـر تأسيـس​

ومـن لاتعلـم ماتسـر العلومـي​

ولا توافق مشـور السـو وابليـس​

تبـر منـه وعـز ربـي يـدومـي​

كلَ القلم مـن كتبنـا بالقراطيـس​

وركابنا مـن كثـر الادلاج تومـي​

لاخير في كثر الحكـي والتماليـس​

قول(ن) بلا فعل(ن) يجي به وهومـي​

والعز فوق معسكرات السواديـس​

إليا قصدت اللي بالاشيـا رحومـي​

قبٍ تنـازى بالنشامـا كراديـس​

والطيـر فـي روجاتهنّـه يحـومـي​

بالليل اصالـي حاميـات المحاميـس​

والصبح أصالي كل قبٍ قحومـي​

اربع سنين ودمـع عينـي اماريـس​

والعين تسهر كـن فيهـا هزومـي​

وإليا ركبت معالجـات المضاريـس​

يبرد على كبدي لهيـب السمومـي​

صوابنا بالحيل غمقـن إليـا قيـس​

وطريحنـا فـي مثبـره مايقـومـي​

إن جن بنا مثل النعـام الاماريـس​

لاخف عجلٍ مع رقـاق الحزومـي​

استلحق اللي يطلبـون النواميـس​

اللي من الاقصين وأدنـى اللحومـي​

وإن جن بالميـدان مثـل الدواويـس​

وتعاقبـوا مـن فوقـهن السهومـي​

عرجٍ بأهلهـن كنهـن القرانيـس​

على الطريح مصوبراتـن كظومـي​

ولومي على اللي ينقلون الدبابيـس​

واهل الفرنج وكل رامـي لحومـي​

وشلفن تركب بالعـروق المناسيـس​

وقحص المهار وكل قبٍ قحومـي​

إليا إختلط عج الملابيـس وابليـس​

والمسعد اللي حـظ ربعـه يقومـي​

والشيخ من يعطي الفقارا المفاليـس​

عـسـاه بالدنيا بعِز(ن) يـدومـي​

حرن ليا دبّـت عليـه النواميـس​

يشهر وعـن درب المذلـه يشومـي​

وإليا اكترب من بعض الاشيا نسانيس​

اعـزم ولابـد الفـرج بالعزومـي​

ثوب الفرج لبسك نظيف الملابيـس​

ينجيك بأيام الكـرب والزحومـي​

يجلي صدا قلبي ضبيـح المهاريـس​

لاقـام شـراب القهـاوي يعومـي​

ودلال فوق النـار دايـم محابيـس​

إكرامهـن حقـن علينـا لزومـي​

ومن صنعة الصبة وخمس التخاميـس​

برايتـن يعمـل بهـا كـل يومـي​

وبهارهن عشرهـن بليـا دنافيـس​

كيفن يعـدى للنشامـا القرومـي​

عـده لحمـاي العيـاد المراويـس​

والا الحصان اللـي بقينـه وهومـي​

حتى يزين لنـا المثـل والتوانيـس​

والكيف طاب لمن يفـك القحومـي​

وصلاة ربي عـدَ رمـل الطعاميـس​

على شفيع الخلـق يـوم اللمومـي​

عد النبات وعـد ليـل الطعاميـس​

وعداد مايمطـر سحـاب الغيومـي​

http://www.qassimy.com/nu/voices.php?action=show&id=2361​

:وردة:​

 

[وطني]

الدرّة السابعة والثلاثون​

قصيدة \ تركي بن حميد​

وهو احد اشهر مشائخ قبيلة عتيبة

برع بالفروسيه والشعر

كانت وفاته في نهاية القرن الثالث عشر الهجري​

تلعب طـرب وانا بنومي هواجـيس​

ما سامرك بالليـل كثـر الهمومـي​

اسهر أليا نامت عيـون الهداريـس​

:وردة:​

شكراً أخوي نساي2 على هذه الدرة

فعلاً هذه القصيدة من أجمل ما قرأت وسمعت

وها هي صوت وصورة
http://www.youtube.com/watch?v=FkRrxQKuPRo​

 

[نساي2]

الدرّة الثامنة والثلاثون​

محمد بن فطيس المري​

قصيدة ( كيك وعسل )​

بعض العرب حبه يـورّدك الجنـون
ولا يوصّف له غـلاه,, حكـاك لـه
​

مايقنعه وصف الغلا لو وش يكـون
لو كل حرفٍ بالحريـر يحـاك لـه
​

الموت جاك وهـو تقلبـه الظنـون
ولا لـك الا الصبـر وش ودّاك لـه
​

ان قلت ضايق قال هوّنهـا تهـون
مايدري ان ضيقتك لـه وبكـاك لـه
​

تقعد تحبه وانت ساكـت ومغبـون
يمكن بيوم يقـال لـه مااوفـاك لـه
​

وكانك مشكّك هو يمون او ما يمون
تخيل ان عفت الصبـر فرقـاك لـه
​

غلاه من فوق الغلا ماهـوب دون
وحكاه سمعك يجبرك بإرخـاك لـه
​

ودك تحطه في العيون من العيـون
وتبسط على رمضا الثرى يمناك له
​

وتظلّه من الشمس في ظل الجفـون
ولا يمر اذنـه سـوى لبّـاك لـه
​

وتسج من غيره لو انهـم يذكـرون
ومنين ماسجت القدم ممشـاك لـه
​

غرو يميّله الترف ميـل الغصـون
غصن ٍ ليان ومكرمه باسقـاك لـه
​

جديله الى اقفى ستر منـه المتـون
كني بريحه لاألتفـت لأدعـاك لـه
​

كيك وعسل لكن ماهو في صحـون
ودعاك من عين الحسود غطاك له
​

الله لايعطيـه نــاس ينضـلـون
ويستر علية من النحـل لا ياكلـه
​

الوصف والتعبير في وصفه يخـون
غير اطلب الله يستجيب دعـاك لـه
​

وعذال قلبك فـي محبتـه يهبـون
سكينهم عن قطـع حبلـه حاكلـه
​

ناس عن اعراض العرب مايعرضون
ودايم على نفس الشكـل والشاكلـه
​

اللي مـن لحـوم الاوادم ياكلـون
وحلوقهـم دفـع البـلا متواكـلـه
​

في سلمهم اولى بالاكـل الاقربـون
واطيبهم اللي صيدته شكـواك لـه
​

يدعيهم الشيطان للذنـب ويجـون
هـذا يقطّـع لـه,, وذاك يواكـلـه
​

ياجعلهم فدوة ثرا الغـض الفتـون
اللي على الدرب الطويل خطاك لـه
​

طيفه الى نام البشـر زارك بهـون
وطيفك الى نام البشر سـرّاك لـه
​

حبه دفان ومقبرة خضـر الطعـون
بين العظـام العـوج كنـك ناكلـه
​

اللي كذا.. حبه لو تمـوت مغبـون
ولا لـك الا الصبـر وش ودّاك لـه​

http://www.kuwait80.com/voices-action-show-id-601.htm​

 

[نساي2]

الدرّة التاسعة والثلاثون​

الشاعر \ بدر الخالدي​

قصيدة \ الذيب​

​

البارحـه والجـوع مـس الـذيـب يــوم انــه يـعـوي
عـلــى سـنــام طــويــق والـقـمــره وراه بلـيـتـهـا


​

اخـايـلــه واقــــول واعــــزي لـحـالــك يـالــقــوي
الـلـي تـنـقّـى فــي سـمـان الفـطـح لا مــن جيـتـهـا


​

ويالـلـي باسامـيـك يتقلـدهـا الـخـوي مــع الـخـوي
والـعُـرب تـبـديـك التـحـايـا وانـــت مـــا حييـتـهـا


​

واسمك على النخوه يعـد وكـل روس(ن) تشتـوي
والـوجـبــه الـحـيّــه تـعـشـاهـا وتــتــرك مـيـتـهـا


​

الـجـوع لــو يدفـعـك للـمـوت الـذحـاح المـسـتـوي
حشـمـت نفـسـك عــن عـظـام الحـرجـه وخليتـهـا


​

ودامـك طليـق(ن) مـا قهـرك المعتـدي والمهتـوي
وخـطـاك مــن دون المـغـازي مــا بـعـد سجيـتـهـا


​

يا ذيـب يـا ذيـب الخـلا اللـي ليلـك يـروح سـروي
مـــا بـيــن مـرحــان الـشـواويّـه لــيــا عشّـيـتـهـا


​

يا موجل(ن) قلب حضري يا موجل(ن) قلب بدوي
يـالـلـي تـشـيّــم خــــوّة الـرجـلـيّـه ان خـاويـتـهـا


​

عامـر خـوي الذيـب فـي عصـر الفـوات المنطـوي
وقصـتـك فِـ أذهان الـعــرب والـيــا طـــرت لبّيـتـهـا


​

نحـر ذلـول(ن) مــن وصايفـهـا شحمـهـا مـرتـوي
لعـيـون خـوتــك الـفـريـده والـبـقـا فـــي صيـتـهـا


​

يـــا ذيـــب يكـويـنـي قنـيـبـك لا توحّـيـتـه كــــوي
عـلـى غـشـاش الكـبـد والخـطـوه عـمــد ردّيـتـهـا


​

مـدري غبـى مـدري ذكـى مـدري تسـرع فوضـوي
لـكـن خطـواتـي عـلـى الهيـبـه مــا قــد ضريـتـهـا


​

ياذيـب عـزك فـي زمـان السيـف مـن قبـل يـهـوي
وقــبــل زمــــان الـعـولـمـه لـلـنــاس وآتيكـيـتـهـا


​

وقبـل يغيـب المنـطـق الحـسـي ويبـقـى المعـنـوي
والـغـيــره تــــوزع تجـمّـعـهـا عــلــى تشـتـيـتـهـا


​

وقـبــل الـنـوايـا المستقـيـمـه مـاتـعـاج وتـلـتــوي
والـنـاس تمـشـي فــي تعاملـهـا حـسـب توقيـتـهـا


​

يـا ذيـب مـدري كيـف ابوصـف حالتـك يالمنـزوي
والهاشـمـيـه فـــي طــــرف عـيـنــي ولا دنّـيـتـهـا


​

لا جـيـت ابـرثـي حالـتـك ضــاع الـكـلام الـلـغـوي
والـمـفــردات الــلــي تجـمـلـنـي لــيـــا عـدّيـتـهــا


​

والهاجـس الـلـي كــل مــا فلـيـت حـويـه ينـحـوي
وافـكــاري الـلــي تـتـعـب الـخـافـق لـيــا هلّيـتـهـا


​

واخـــاف لا تـكـمـل ويـنـحـاك الـنـزيـف الـدمــوي
وابـقـى عـلـى قــول المـثـل خميـتـهـا واخطيـتـهـا


​

ياذيـب واقـنـب خــل صـوتـك يــدوي العـالـم دوي
مـــادام خـانـتـك الــظــروف الله يــخــرب بـيـتـهـا ​

http://www.youtube.com/watch?v=30E5KKYuqnI​

:وردة:​

 

[ام سعد]

من بغى الفرقا لقـى لـه عـذر واسبـاب ودليـل
خـل عنـك العـذر والاسبـاب دام الحـب ضـاع
كان ودك بالفراق .. ابشر عسـى عمـرك طويـل
لاتـردد وانـت لـك كلمـه ولـك امـر ٍ مطـاع
لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع
لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع
كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع
بس قلها ... قل ما احبك ... وابشر بصبر ٍ جميـل
لاتحسب أني مثـل مـن طبعهـم لـوي الـذراع !
صاحبـك ماهـو كـذا ياصاحـب القـد النحـيـل
صاحبك طبعـه غريـب وغربتـه غربـه طبـاع
فـي الهـوى مايقبـل الحـل الوسـط ولا القليـل
مثل ماهو لاشرى يشـري .. ليامـن بـاع بـاع
ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا متـاع
ماعشـق لـذّة حياتـه كثـر عشـق المستحيـل
ولا كـره حتـى مماتـه كثـر كـره الأنصـيـاع
كم تعلّم مـن شديـد البـدو وش معنـى الرحيـل
وكم تعلّم من غروب الشمس وش معنـى الـوداع
وكم تعلّم من سحاب الصيف وش معنـى الحصيـل
وكم تعلّم مـن ليـال البـرد وش معنـى الضيـاع
ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع
اعتبرنـي فـي بدايـة سكّتـك عـابـر سبـيـل
و رح وانا قلبي معك من ويـن وجّهـت الشـراع
يكفي اني لاانذكرت فـي سالفـة عشّـاق .. قيـل
:عاشر احبابه شجاع .. وفـارق احبابـه شجـاع​

الشاعر فهد المساعد​

 

[نساي2]

الدرّة الحادية والأربعون​

الشاعر \ عبدالله الزعبي​

قصيدة ( المرجلة )​

يالله ياللي تفرض العسـر والليـن
بإسمك يارب الناس تحمـي وطنـّا ​

يامقدر الاقـدار بالزيـن والشيـن
في ظل عفـوك يرفـع الغـم عنـّا​

يالواحد اللي ماعلى يدينـك ايديـن
ياخالـق الثقليـن انسـأ وجـنـّا​

ياالمستعان اللي يصـف العناويـن
غنت هجوس الفكر والقلـب غنـّا​

المرجلـه صنعـة رجـال(ن) رزينيـن
بالمال معه الحـظ واحسـان ظنـّا​

فيه الصلاه اللي بها القلب والعيـن
من خشيه الرحمـن هـن يدمعنـّا​

والوصل وصل الرزق مافيه ثنتيـن
دينـأ علينـا نسـدده ويـن كنـّا​

والجار حقه فـي رفيـع الموازيـن
حقـأ علينـا نحفـظ الجـار حنـّا​

والضيف ضيف الله ورب الكريميـن
لاجاء يجـي لـه واجبـه ماتِوَنـّا​

والرفقـه العليـا زبـاد ورياحيـن
اللي على وضـح النقـاء ماتدنـّا​

ترى النميمه من طبـاع الشريريـن
اضعـوف نفس(ن) للمشاكـل تعنـّا​

تفرح اذا قالوا علـى فـلان همّيـن
وتزعـل اذا قالـوا سعيـد وتهنـّا​

وراعي الحسد لو كان يملك ملايين
اتـزول لـو انهـا بروج(ن) تبنـّا​

والكـبـر لله والاوادم مساكـيـن
وتـرى العواقـب منـه مايحمدنـّا​

والزله ليا جت من الربـع الادنيـن
ادمـح لهـم فالاولـه واستكـنـّا​

خلك مع ربعك وعـون الضعيفيـن
ومن شذ في النيران ماشـاف جنـّا​

وترى الردى راعيه يندم بعد حيـن
وان ماندم في دنيتـه مـا اطمئنـّا​

والحق شرع الله ترى الصبر به زين
يجيـك حقـك والمدايـح يجـنـّا​

والصدق يرقى بالرجـال الوفيّيـن
والكـذب ينـزل كلـمـا يعتلـنـّا​

واذا لفى اللي عاسِره فقـر او ديـن
جزل العطايـا واحتسـب اجرهنـّا​

خير العطا بالسر والنـاس لاهيـن
والمعطـي الله لاعطـى مايمـنـّا​

والتجربه قد قيـل خيـر البراهيـن
ولو لا العبـر ماكـان حنـا فطنـّا​

http://www.youtube.com/watch?v=yikgZwnTVNo​

:وردة:​

 

[نساي2]

الدرّة الثانية والأربعون​

الشاعر \ سالم سيّار​

قصيدة ( سمو الأرض )​

أنا الفجر الموبخ بالغنا والطير والأزهار
أنا السهر الملطخ بالعنا والجرح وأعصاره​

أنا القيد الطليق من النفاق وصفعة الدينار
أنا الحر المقيد بالغلا والحب ياساره​

لذا رتلت لأسراب الحمام وطلقة الأنظار
حمامي قلب يتكاثر حمامه برعشة أصراره​

ربابه تحضن عيون الأمير وتوقد الأسفار
وبدو تبتل من دمعة سمو الأرض وأسفاره​

حزن يصدح وبحار ٍ يكبر في حزن بحار
وشراع ٍ ينبض النهمه الشقيه بقلب محاره​

تهجيت المرض تصمت شوارع تذبل الأعمار
بعد ماغاب من يروي عروق الأرض بأنواره​

تهجيت المرض يرقد تراب ويلتحف بغبار
بعد ماغاب كف اللي بسجوده يفجر أغباره​

أخو مريم تمنيت المرض ينخير وأختار
قسم لرميني في راس المرض ياشيخ وأختاره​

عساك بخير ياقلب البلاد بنبضة الأحرار
عساك بخير يانبض البلاد بقلب أحراره​

عساك بخير ياحزن البدو من دمعة الأشعار
عساك بخير يادمع الحضر من حزن بحاره​

تسافر قبلك يسافر دعا من شعبك الأبرار
تسافر قبلك تسافر عيون الشعب منهاره​

لأنك حب ومن مثلك نما فينا وصار أكثار
لأنك حب ومن مثلك يكون الحب لاصاره​

لأنك دربنا المملي صباحات وسما وأمطار
لأنك حبنا المملي بصبح القلب وأنهاره​

لأنك خبزه من رحمه يتنهدها يتامى صغار
تلوذ بجوعهم يكبر سموك داخل صغاره​

لأنك من سقى فقر الديار وأثمرت بديار
لأنك ضحكة الديم الحنون براحة أشجاره​

تعب دسمان يترجى رجوعك من على الدوار
يمد ظلاله يتهجى حنين القار بحجاره​

تعب فجرك على أبواب المساجد يحضن الأخبار
يمد صبحه على زول ٍ يدور فيه نظاره​

ذكرتك منحني لدارك وتحمل داخلك أعصار
تظلل أرضك وتكسر سموم كفوف غداره​

وسموك مانحنى لطعنة حسود ٍ فاجر غدار
سموك لنحنى تركع بلاده داخل أفكاره​

ألا ياالمشبر الطيب وطلع من مدتك أمتار
ألا يالمعجز امتار الكرم عن شبرة أمتاره​

ألا يالصلف يالصعب الصرير المصعب الأصرار
ألا يالخيل يالهيل الصهيل بحيل أخطاره​

ألا يالشيح يالصبح الفسيح بريحة الأذكار
ألا يالريح يالرمح الفليح بطرح فجاره​

ألا يالمسلم السهم السلام المستلم للدار
ألا يالوارث المورث وراثة ورث ثواره​

مدام الطيب مايشبر سموك ياعزيز الدار
وشاعر ماتطول أدنى حنانك مدة أنظاره​

أبركع لين مايطفي مرضك بوحشة الأسفار
وأبسجد لين ماوجهك يرد النور لدياره​

http://www.youtube.com/watch?v=dlOmOCU7-64​

http://www.sadanajd.com/voices-action-show-id-1242.htm​

 

[نساي2]

الدرّة الثالثة والأربعون​

الشاعر \ سعد علّوش​

قصيدة ( الجرح )​

الجرح ماهـو خاطـر شـوي ويـروق
الجـرح حتـى لـو تشـافـى يعلّـلـك​

واذاك متحمـس متـاهـات وطــروق
أنـا تعبـت أشـد حيـلـي وأحـاولـك​

سماي ماشي شمـس ورعـود وبـروق
والريـح ماهبّـت ولا يجـري الفـلـك​

والقلب ناشف بحر .. وشقوقـه شقـوق
وشلـون بيـكـوّن سـحـاب ويبلّـلـك​

ياظامي أنـا أظمـا .. ومتشبّـع حـروق
واذاك ظامـي للمواصـل أنــا هـلـك​

هلك .. ووقف في وجهي الأصل والذوق
والمجتمـع والعـرف والفقـر وأهـلـك​

متعومـس .. وحـزن النبـلاء مرمـوق
يعني لـو أحتـاج لـك ماجيـت أسألـك​

اللي علي أشكـي .. وأعاتبـك برفـوق
وأقـولـك ودي مـاعــاد أتـأمـلـك​

مـن دورة الأيـام يـاخـوك مخـنـوق
الوقـت مشانـي مـن السلـك للسلـك​

أزل خطـوه بـس مـا أزل منـطـوق
ولو صارت أبا أحب خشمـك وأجاملـك​

يبقـى البنـي آدم مـجـرد ومخـلـوق
ملك .. ولكن فـي الحقيقـه بـلا ملـك​

والناس عوق الناس .. والدرب مسبـوق
تتعب على أشياء ف الآخر ماهـي بإلـك​

كـذاب قايـل : كـل مطـرود ملحـوق
سنين وأنا أطردك وأزريـت لا أوصلـك​

كنّـك تطيـش وكنـي أدور فـي طـوق
كل ماوصلت آخرك يطلـع لـي أولـك​

ياليت ما في خاطـري شـوق وفـروق
ما كان حسيت ان أنـا بـس منـك الـك​

الشوق ماهـو رعشـه وقبضـة عـروق
وماهو اللي من شينك ف عينـك يجمّلـك​

وماهو شعـور يخالـج الـروح برفـوق
ولا هو سحر ولا أدري والله شاقول الك​

كنّه سحابـة حلـم وتطيـر بـك فـوق
وتطـيـر .. ولا ودّك انـهـا تنـزلـك​

الشوق هذا .. والا أنـا شوقـي البـوق
ماقد حصل في شـوق هـذي ولا تلـك​

تدري وش أسوّي الى أضنانـي الشـوق
أســوّي بعيـونـي كــذا وأتخيّـلـك​

وأقربّـك واتـوق .. واتـوق .. واتـوق
وأكثّـرك وأحلـف مـا عـاد أقلّـلـك​

وأصوّرك في الموق .. وتكبر على الموق
وتطيح مع دمعـي علـى ايـدي وأقبّلـك​

هـذا غـلاي اللـي مـع الـدم مدقـوق
ولا عاد تسـأل عـن شعـوري بزعّلـك​

محبـة ماهيـب مـن طـارف السـوق
لو انـك توكـل .. كـان والله لا آكلـك​

جيتك حقوق ورحـت ماعنـدي حقـوق
وان قلت مـا أحبـك أبجحـد مواصلـك​

أحبـك ؟ إلاّ يابـري حـالـي وعــوق
من كثـر ماحبـك أخـاف انـي أقتلـك​

http://www.youtube.com/watch?v=IErRA0aZAaw&feature=related​

 

[حلوة الكويت]

(آخــــر زيــاره)...

أخر زياره حسيت في أخر زيارة
شئ بعيونك مختلف شئ بحديثك مختلف
حتى سكوتك مختلف وصرت بشكوك
شفت الحقيقة بعيونك تعترف
موقف أبد ما ينوصف ..

.............................

وين الكلام ..؟
وين الحرارة في السلام ..؟
كبير الفرق .. ما بين أول لقاء وأخر زيارة ..
ومحتار إيش أقول
يا حب خانتنا العبارة
والحر تكفية الإشارة

كلمات/ فائق عبدالجليل​

 

[سلطان الفيصل]

مهفهفة ُ بالسحر من لحظاتها ... إن كلمت ميتا يقوم من اللحدي


أشارت اليها الشمس عند غروبها .. تقول اذا أسود الدجى اذن فأطلعي بعدي


وقال لها القمر المنير الا اسفري .. فإنك مثلي في الكمال وفي السعدي


فولت حياء ً ثم ارخت لثامها ... وقد نشرت في خدها سطرا من الوردي


وسلت حساما ً من سواد جفونها .. كسيف ابيها اذا انسل مرهف الحدي


تقاتل عيناها به وهو مغـــــمد ٌ ... فمن عجب ٍ ان يقطع السيف في الغمدي


مرنحة الأعطاف مهضومة الحشى .. منعمة الأطراف مائسة الخــــــــدي


شكى نحرها من عقدها متظلما ... فوا عجبا من ذلك النحر والعقدي



عنترة العبسي في عبلة :وردة:

 

[نساي2]

الشاعر \ فهد المساعد​

قصيدة​

(( وحدهـ بوحدهـ ))​

(( وحدهـ بوحدهـ ))​

ياغايبه وان كان فيها جماله
تجمّـلي ياام الحلا والظفاير
​

بالله شوفي صاحبك كيف حاله
شوفيه في غيبتك وشلون صاير ؟!
​

صارت حياته ضيق خلق وبطاله
هم وسهر واوراق شعر وزقاير !!
​

يعني حبيبك صار حالته حاله
ماباقي الا انه يدن العباير
​

الله لامنه ذكر مامضاله
قبل الدواير ماتجر الدواير
​

يوم الطفوله والشقا والجهاله
يوم الصغاير في عيونه كباير
​

ايام كان معانده راس ماله
ويسوق لهبال الشقاوه بشاير
​

ياما امتلى بالحب والطيش باله
وياما امتلت من شخبطته العواير
​

يكتب عليها : ( عـــاشقك للثمـــاله )
ويخط توقيعه : ( جريـــح الضمـــاير )
​

ياما اشتكاه ابوك في بيت خاله
وياما تحصّل من هواك العزاير
​

مره حلف بأنه يبطِّل هباله
وقبل يكمّل .. فك اخوه الستاير
​

ثم طالع الشباك.. لينك قباله
وفي اقل من لمح البصر جاك طاير
​

على صغر سنه ممّيل عقاله
كــــاشخ وناسي لايصك الزراير
​

لاشافك يتمتم لحـالـه بحــاله
لعيون هالشوفه تهون الخساير
​

ولاشاف زول ابوك حذّف نعاله
الحب جاير .. لكن العود جاير
​

طفلٍ يتيم ورغم الاحزان داله
مايدري ان حظه مع الوقت باير
​

كنتي طموحه كنتي اغلى حلاله
كنتي وصرتي بس ياام الظفاير
​

طفلٍ زرع من ضحكتك في خياله
لين اثمرت شعرٍ هزاله حراير
​

لاتتركينه في غيابك لحاله
بالله شوفي كيف هالطفل صاير
​

ووحده بوحده كان عندك عداله ​

اتبطّلي غيبه و ابطّل زقاير​

http://www.6rb.com/songs/39766.html​

 

[كلنا فدايا البلد]

يــا لــيــل خبرني عن أمر المعاناة (( الأمير خالد الفيصل ))





قصيدة من روائع الامير خالد الفيصل

ياليل خبرني عن أمر المعاناة
هي من صميم الذات ولا أجنبية

هي هاجس يسهر عيوني ولا ابات
او خفقة تجمح بقلبي عصيه

هي صرخة تمردت فوق الاصوات
أو ونة وسط الضماير خفيه

أو عبرة تعلقت بين نظرات
أو الدموع اللي تسابق هميه

أعاني الساعه واعاني مسافات
وأعاني رياح الزمان العتيه

وأصور معاناتي حروف وابيات
يلقابها راعي الولع جاذبيه

ولاني بندمان على كل مافات
أخذت من حلو الزمان ورديه

هذي حياتي عشتها كيف ماجات
آخذ من أيامي وارد العطيه​

 

[نساي2]

الشاعر \ جوهر الحربي​

قصيدة \ حمام ياللي ​

​

حمام ياللي ترفع الصوت شاكي....زاد الطرب والا الحبايب جفوكي​

بالله قلي بالغنى من تحاكي....هم منهم اللي بالهوى ولّعوكي ​

يوم أنت مثلي ضايق الصدر باكي....ما شفت ما عينت ما صادفوكي​

ناس(ن) تزايد من جفاهم هلاكي....يا طير منهم كن بالكبد شوكي ​

حمام يوم الله بدربي رماكي....وصل خواطر عالمٍ سايلوكي ​

الحب بيّن للجميع إرتباكي....في مشيتي في نظرتي في سلوكي ​

وين انت ياحلو اللما يا ملاكي....مغرور وإلا العالمين اظلموكي ​

كان أنت ظالم عند ربي جزاكي....وإنكانك مظلوم قل ما أنصفوكي ​

تراي والله ما أتحمل جفاكي....أدخل على الله وارحم اللي نخوكي​

حتى إني أغليت الوطن من غلاكي....ناصيك مهما عن وطنا أبعدوكي ​

أنته بليت ومن بليت ابتلاكي....وأصبر على بلوى بلى من بلوكي ​

لا تشتكي لي والسبايب خطاكي....لومك على اللي بالهوى ولّعوكي ​

ولك مني إني ما تعدى هواكي....كان انت ما انته بالمحبة ضحوكي​

مهما يدورن الدواير فداكي....ما راودتني في غلاك الشكوكي ​

يـا سعد عـينٍٍٍ(ن) كـل يوم(ن) تراكي....ويا سعد أهلك بلحظةٍ هرجوكي ​

يوم إني أنظر في عجايب بهاكي....ما أهني التجار وإلا الملوكي​

البدر دونك والدجا من وراكي....ومبيسم(ن) مثل الجنيه محبوكي ​

أصفى من السبع اللوامع صفاكي....لو تجتمع كل البشر ما أوصفوكي ​

لا تيـن لا رندي ولا عـود راكي....لا خـوخ لا تـفـاح لـو شبّهـوكي ​

لد النظر في غيبتك واحتراكي....ياليتهم عن حاجتي علّموكي ​

بالله ما تبكي على من بكاكي....ناس(ن) شكوا منك وعليك اشتكوكي ​

واعزتي لي كان طول رجاكي....وأنا مثل عود الجريد محكوكي ​

مقفي و مقبل ميتٍ في رجاكي....ياللي تجامل عالمٍ ما أنفعوكي​

ارحم ترانا ما رجينا سواكي....مدخلك بالمعبود وأمك و أبوكي ​

أسمح لي أنزل في طوارف حماكي....لا تستمع للناس لو حذّروكي ​

أنا فقيرك و أنت جزل(ن) عطاكي....وجه لوجه وخل عنك الشكوكي​

 

[نساي2]

الشاعر \ ناصر القحطاني​

قصيدة \ طعم المسا ​

معك طعم المسا غير .. و معك حتى السوالف غير ​

معك يا حلو تقليب المواجع بين كفـّينك​

تبختر بين دقّات الخفوق و نشوة التفكير

ترى كل الحياة اصغر من اللي بيني و بينك​

احس انـّك تجي والعشب ينبت و الطيور تطير

و احس ان السحاب يلوح برّاقه علي يدينك​

​

احس بروعة الدنيا و احس ان الزمان بخير

و احسّك للحياة اعذب نـِدا ما انت بمثل عينك​

​

اشوف الصبح لا شال الشفق هز الظلام عصير

و اشوف الورد يضحك ما بقى الا ينشدك وينك ؟​

​

و اشوف الريح تقبل مستخفـّه دمّها و تغِير

تـنـثـّر لك شعرك و تنتثر سلّة رياحينك​

​

ورا ما ترقص القمرا بقلب ٍ خانه التعبير

مثل ما ترقص الالوان في مسرح فساتينك​

​

دخيل انشودة العشق و ذنوب ٍ ترفض التكفير

دخيل آخر ربيع ٍ مرّني في حضن عشرينك​

​

انا اللي نزّلك من برجك العاجي و جاك يسير

يمد لك اليمين ولا درى عن لهفة يمينك​

​

و اثرك تشوفني في حلمك اللي في رجا التفسير

على ذاك الحصان الابيض اللي في ميادينك​

​

شعرت بطعم سكّينك من اول ما بدا التقدير

تمثنيت العروق وقبـّل اكبر جرح سكـّينك​

​

لقيتك قبل ما ابحث عنك في الابراج و التبصير

قريتك قبل اموت بلذّة قراءة فناجينك​

​

ابي للناس اسولف بك و اقول اللي يصير يصير

و احسّك سالفه لو سولفوها شوّهوا زينك​

​

حشا لو تطري الفرقا ما اعدّك راعي التقصير

عزاي اني ملكت بوقتها عرش اجمل سنينك​

​

يقولون الزمان اغبر وانا اقول الزمان بخير

ما دام اللي سكن في ناظرك ما طاح من عينك​

http://www.movn.net/na9r_alq76any/63m_almsa.ram​