شنو أحسن فندق فى البحرين!!!

الموضوع في 'شبكة سؤال وجواب' بواسطة jassem, بتاريخ ‏21 يناير 2009.

  1. jassem

    jassem عضو مخضرم

    شنو أحسن فندق فى البحرين من ناحيه الكفاءه والريلاكس والمعاملة الراقية ..بعيييدا عن الزحمه؟؟؟؟؟؟؟؟؟؟؟؟؟
     
  2. السليطي

    السليطي عضو مخضرم

    عليك اليت سويت .. قريب جدا من مجمع الدانة وقريب ايضا من السيف والسنتر ومجمع البحرين (( جيان )) وفندق راقي والزين الى فيه ممنوع فيه الشراب ..
     
  3. شين الحلايا

    شين الحلايا عضو ذهبي

    فندق ومتجع نوفتيل الدانة بوسط الجسر بين المحرق والمنامة . نظام شاليهات . بس سعره غالي .
     
  4. jassem

    jassem عضو مخضرم

    أشكرك ياشين الحلايا على اقتراحك فى هالمنتجع الى ممكن ابحث عنه فى قوقل بس ممكن تعطينى سعره ؟؟ ،،وبالنسبه لزميلى سليطى علما اعتقد انك بحرينى فا ممكن تعطينى عن رايك عن فندق سيدنى وفايف استار بشارع المعارض؟؟؟..
     
  5. السليطي

    السليطي عضو مخضرم

    والله ماعرفهم بس اعتقد مستواهم عادي لان اول مرة اسمع فيهم .. بخصوص النوفتيل .. سعره ابتداء من 70 دينار ورايح لليلة الوحدة .. نظام شالية (( بس المكان روعة ))

    والحين الفنادق زوادووو في البحرين وماعتقد انك راح تتوهق بس يمكن تحتار وين تسكن .. اهم شي اختار المكان القريب لشغلك اذا كنت ياي زيارة عمل .. او اذا تسوق الخ اسكن قريب من المجمعات وترة البحرين صغيرة اطول مشوار فيها نص ساعة بس يمكن تتعطل بالزحمة ..
     
  6. jassem

    jassem عضو مخضرم


    المشكله ياخوى سليطى انا مابى أى فندق..لانه بعض اخوانه السعوودين أذييه ومزعجين وسكاره واصراخ ومشاكل داخل الفنادق المشكله بعد الرسبشن والأمن مايقدرون عليهم يخافون منهم مادرى ليش.. ومشكور على المعلومات الى عطيتنى اياها..
     
  7. السليطي

    السليطي عضو مخضرم

    :D:D:D اسكن بالنوفاتيل مافي هالسوالف واليت سويت مافي لا بار ولا شراب او اسكن في الريتز او الخليج او الدبلومات
     
  8. jassem

    jassem عضو مخضرم


    مشكور مشكور :قلب::وردة::قبلة::هدية:
     
  9. شين الحلايا

    شين الحلايا عضو ذهبي

    اخوي سياسي محنك
    اذا تبي فندق توب واكشخ وارقي فندق بالبحرين هو فندق الريتز كارلتون في منطقة السيف . بس سعره غالي الليلة 120 دينار تقربيا . وفندق النوفتيل دانة تقربيا 70 . وعندك منطقة السفارات فيها فنادق خمس نجوم كلها مستواها ممتاز . والكويتي انفع اسكن في فندق الدبلومات .
    واذا تبي فنادق مش حالك روح منطقة الجفير .
     
  10. jassem

    jassem عضو مخضرم

    مشكور شين الحلايا معنه نكك غريب شوى ..المهم البحرين ماشاءلله صارت كلها فنادق واتوقع مدخولها الأقتصادى النشط على الفنادق..لدرجه انك تحتار،،،، مشكور بس انا مابى فندق توب توب نبى على قد الميزانيه المحدوده :) يفضل 3 نجوم او 4 ومشكور حبيبى على المساعده ومنطقه الجفير مشكلته بعييد عن الأسواق وبعييد عن الحياة النشطه فى البحرين. والتاكسى عليهم الحسبه بروحه والرده..
     
  11. السليطي

    السليطي عضو مخضرم

    عليك بتأجير سيارة 10 دينار 24 ساعة ..
     
  12. jassem

    jassem عضو مخضرم

    المشكله ما أدل مناطق البحرين عدل :)
     
  13. شين الحلايا

    شين الحلايا عضو ذهبي

    تبي سفرة ريلاكس وتبي تكشخ وبالاخير تبي فندق ارخيص وعلى قد الحال !!.
    انا اقول اجرلك مخيم ولا روح الوفرة اونسلك .:p
     
  14. jassem

    jassem عضو مخضرم


    لوووووول ..المشكله اكثر فنادق الكويت يمنعون الشباب او يشدون عليهم او يعاملونهم معامله يابسه غير لطيفه .. والمخيمات ماتستهوينى.. وثانى شغله حبيت ازور صديق بحرينى ومنها سياحه ... :)
     
  15. حامض حلو

    حامض حلو عضو مميز



    سؤال السليطي الله يعافيك ..


    شنو اسم الفندق اللي بوابته للوبي رول ؟ أقصد باب دوار ؟ << يقال اللي اوصف :p

    على البحر أعتقد بمنطقة السيف .. الأكيد مو بعيد من مجمع السيف والعالي ..

    حتى فيه شاليهات اذا تبي ..


    نسيت اسمه :( !!
     
  16. jassem

    jassem عضو مخضرم

    سليطى شنو رايك فى فندق انتر البحرين اللى صوب السوق ؟؟
     
  17. بو خاطر

    بو خاطر عضو فعال

    أسكن فندق الشرق الأوسط يعتبر بو نجمتين الفندق راقى كله سعوديين بس ناس كلاس فيه بار بس
    صاير فى زاويه وماينشاف حتى اللى يسكنونه ناس راقيين والمعامله أكثر من ممتازه ليلته مايعادل 15 دينار بحرينى أذا تبي الرخص أسكن ليلتين يعطونك الثالثه مجانا الله يوفقك
     
  18. kitty girl

    kitty girl عضو فعال

    خلك على الهوليدي ان احسن شي :إستحسان:






    :وردة:
     
  19. الصامت

    الصامت عضو بلاتيني

    الله يذكر شيراتون البحرين بخير

    والله ايام
     
  20. السليطي

    السليطي عضو مخضرم

    هذا فندق الرتز كارلتون .. افخم فندق في البحرين .. بس غاااااااااااااالي بس يستحق السكن فيه للي يقدر عليه .. لان خيال وبالاخص البحر والشاليهات كأنك بقصر

    طبعا فيه مطاعم راقية عالمية وفيه ابراج وملعب غولف والشاليهات عبارة عن فلل وفيه جزر للاستجمام ..


    [​IMG]

    صور للريتز

    [​IMG]

    [​IMG]

    [​IMG]

    [​IMG]
     

مشاركة هذه الصفحة