مطبخ المنتدى

الموضوع في 'الشبكة الإجتماعية' بواسطة joreyaa, بتاريخ ‏28 ابريل 2009.

  1. joreyaa

    joreyaa عضو بلاتيني / الفائز الثالث في المسابقة الرمضانية فائز بالمسابقة الدينية الرمضانية

    [​IMG]


    أولا سلام مربّع لكل محبي الطعام والطباخين في المنتدى...وأنا منهم :cool:

    هذه الصفحة التي أتمنى أن تلقى القبول وتغذى بالوصفات المميزة والصور المشهية سواًء

    وصفات محلية أو عالمية أو حتى من صور لمطبخكم ...وأن تكون مختارة بعناية وسهلة التطبيق

    وراح أبدأ معاكم إن شاء الله بأول الوصفات ..

    يم يم يم

    حياّكم
     
  2. joreyaa

    joreyaa عضو بلاتيني / الفائز الثالث في المسابقة الرمضانية فائز بالمسابقة الدينية الرمضانية

    عجائب البيف باستري !!!


    المقادير
    عجينة الباف باستري
    صفار بيضة
    سكر بودرة
    الطريقة
    نقطع العجينة شرائط صغيرة ونضع كل شريطين فوق بعض ونلفها مثل الشكل اللي بالصوره ~

    [​IMG]
    ندهنها بالبيضة
    وندخلها الفرن المتوسط الحرارة الى ان تتحمر ونخرجها
    نتركها تبرد قليلا ونرشها بالسكر البودرة


    [​IMG]
    ونقدمها مع الكابتشينو او هوت شوكلت ~

    [​IMG]

     
  3. ابو نور

    ابو نور عضو فعال

    كتب الطبخ كثيره ... قنوات الطبخ كثيره ... منتديات الطبخ كثيره ... ادوات الطبخ كثيره ....

    ولكن بنات هل جيل ما يعرفون يطبخون بيض عيون .... والله يسلم المطاعم ... :)
     
  4. السليطي

    السليطي عضو مخضرم

    الله على الموضوع

    تسلمين اختي على فتح المطبخ

    ابشري بالصور انا كل مطعم اروح له اقعد اصور

    وفي موضوع لي اسمه

    اطباق ومطاعم

    يمي يمي
     
  5. passenger

    passenger مشرف الشبكة العلمية والتكنولوجية سابقاً

    تسلمين يا جوريا على هالموضوع الحلو :)

    وذكرتيني بوضوعي القديم وطبخة مظبي الملح :إستحسان:

    ومافيها شي لو حطيت الرابط في موضوع العزيزة جوريا كنوع من المشاركة بمطبخ الشبكة
    ;)

    http://www.nationalkuwait.com/vb/showthread.php?t=40478
     
  6. waleed

    waleed عضو بلاتيني


    وانت مالقاك الا بالمطابخ .. شنو ...... !! :)
     
  7. passenger

    passenger مشرف الشبكة العلمية والتكنولوجية سابقاً

    قصدك انا قطو مطابخ ؟ :D
     
  8. Modest

    Modest عضو بلاتيني / الفائز الأول في دوري الشبكة الوطنية فائز بمسابقة الشبكة الرياضية

    عاد الحين لعبة السليطي والازرق ..

    كلهم شغل آكل :)
     
  9. passenger

    passenger مشرف الشبكة العلمية والتكنولوجية سابقاً

    [​IMG]



    المشيخيلة عادية جدا :إستحسان:.. تنقع العيش ونحطه في جدر وفيه ماي حار ونضيف الملح على العيش لغاية ما يتقلب ويتمخطر في الجدر .. عاى نار هادية :D.. وبعدها نشوف العيش صار ليّن ولآ لأ ؟ .. وراها نشخل العيش بالمشخال ابو فتحات صغيرة .. لاتستخدمون الفتحات كبيرة :mad:.. وعلى ما ينشخل العيش نكون مقصصين ابيصيلات ;)ونسوي فرقاااااعة :eek: ما صار ولا استوت طبعا نحمس البصل مع ادهينه وشوية كركم وبنفس الجدر .. وراها نطش العيش على الفرقاعة ( عاد خوش حكوكة ) ;) .... طبعا النار هادية وممكن نحط حديد تحت الجدر . لغاية ما يتباخر العيش . والف عافية :)

    ملاحظة : يفضل ان تكون سيارة اسعاف واقفة عند البيت :D


    (.........)

    لا اضحك معاكم ;)
     
    آخر تعديل بواسطة المشرف: ‏29 ابريل 2009

  10. مش مشكلة :

    عنوان الحلقة ( بيض عيون )

    [​IMG]

    طريقة عمل بيض عيون :

    الرجاء التزام الإجراءات والكميات بالدقة المتناهية مع الالتزام بالترتيب بين أولا وآخرا وأخيرا ، وإلا فلن يصلح البيض :

    أولا : ضع الزيت أو الزبدة أو السمن في المقلاة و افقس عليها البيض مع ملح و بهار حسب الطلب وحسب المتوفر وحسب الذوق والرغبة وحسب عدد الأفراد ودرجة رغبتهم في البيض و حسب درجة الجوع مع مراعاة فارق التوقيت بين الضواحي والمدن .

    آخرا : وبعد هذا المجهود أنصحك بتناول البيض مسلوق فهكذا يتم المحافظة على العين بشكل أفضل إن كنت تحب العيون لأجل العيون .

    أخيرا : صحتين وعافية ولا تنس أن تشعل النار تحت المقلاة وإلا ما سوينا شي.

    كيفني معاكم ؟

    [​IMG]

    مع تحيات الشيف عبدالله ( تخصص بيض مقلي مسلوق شكشوكة أومليت ....الخ )
     
  11. كويتي خالص

    كويتي خالص عضو بلاتيني

    احلى موضوع بالمنتدى من شهر وجم يوم :)

    عااااش الازرق ...ورنا فعايلك :)

    زبون يومي انا هني ....وانتظروا مفاجآتي ....
     
  12. passenger

    passenger مشرف الشبكة العلمية والتكنولوجية سابقاً

    عااااااشت ايامك يا حبيبي ;)

    انت بعد ورنا فعايلك وطبخاتك الزييييييييييييزة
    :D
     
  13. كويتي خالص

    كويتي خالص عضو بلاتيني

    ما فيني صبر :)
    هاااكم ...
    ستيك الريباي مع صلصة المشروم


    هالوجبة لشخصين ...بشرط الثاني مو الأزرق :D

    المقادير :

    ستيك ريباي "من مركز سلطان " الوزن (بحدود 350 جم )....عدد 2 قطعة ...
    2 بصل ابيض متوسط الحجم
    250 جم مشروم ابيض فرررررش
    كريم للخفق
    بهارات لحم حسب الذوق
    ملح
    زيت

    الطريقة :

    يتشوح الستيك بالمقلاه لمدة دقيقتين فقط " وهذا السر ...من شان طعم الصوص "
    ونحط الستيك بالفرن على نار من فوق وتحت ...ولاتنسون تدهنون ارضية الصينية بشوية دهن ...
    الستيك يحتاج نص ساعة او اقل او اكثر ...حسب ..الرغبة ..welldone او medium

    الصوص :
    ملعقة زيت بالمقلاه ...ونقطع البصل متوسط الحجم لكبير ...ونضيف المشروم الأبيض ..وشوية ملح حسب الرغبة ..والناااار هادية نضيف الكريم المخفوق ....وتتغطى المقلاة ويصير عالبخار تقريبا ...... ...

    والرز الزعفراني ...جانبي ...نفس طريقة مشخول حبيبنا الأزرق ...بس مع إضافة الزعفران لمن يحب ...

    وعوووووافي ....

     
  14. passenger

    passenger مشرف الشبكة العلمية والتكنولوجية سابقاً

    كويتي خالص
    الله يخلي قوقل اللي خلاك تعرف تطبخ :إستحسان::D

    بعدين المشيخيلة مالتي عجيبة ماتعرف تقلدها :eek:

    قال ايه قال زعفراااااااان
    ;)

    بس تبي الصراحة خوووش طبخة طبختك

    دزلي صحن حجم عائلي
     
  15. ريما القمر

    ريما القمر عضو مخضرم



    موضوع لذيذ ..

    ميرسووو جوريه .. :وردة:


    الأزرق ..


    مع إني مو من ربع المشخول ..

    بس ..

    خاطري الحين فيه مع مرق باميه .. :باكي:





     
  16. passenger

    passenger مشرف الشبكة العلمية والتكنولوجية سابقاً

    غالي والطلب رخيص :إستحسان:

    ريمووووووه تطلب من ي طلب وما انفذه :eek:

    وعندك مرق بامية وصلحوووووووووووووووووووه ;)

    ومعاه طبق جانبي ضفادع بالكاري .. يستاهل بؤّك
    :D
     
  17. joreyaa

    joreyaa عضو بلاتيني / الفائز الثالث في المسابقة الرمضانية فائز بالمسابقة الدينية الرمضانية

    يا عيني يا كويتي عالأطباق....بس عندي استفسار...الصوص البيضاء من الكريم المخفوقة فقط ولا عندك وصفات ثانية ؟ وتوجد صوص بودرة جاهزة في مركز سلطان تعرفها ؟

    تحياتي
     
  18. كويتي خالص

    كويتي خالص عضو بلاتيني

    صوصة المشروم هذي اللي اعرف اسويها طبيعيه ...

    وللاسماك ...فيه بمركز سلطان "سويت آند ساور" ...عجيبه ...!

    وفيه للسلطه شي اسمه " Grinder" شي خطير ب 850 فلس بس ...بس قليل يعرفونه ..بنكهة ايطاليه ...وبنكه الثوم ...

    جربيه ...وادعي لي :)
     
  19. ريما القمر

    ريما القمر عضو مخضرم


    حط لنا صوره الصلصه ..

    يكون أسهل علينا
     
  20. passenger

    passenger مشرف الشبكة العلمية والتكنولوجية سابقاً

    حط لها قرقيعاااااااااااان :)
     

مشاركة هذه الصفحة