حط لنا صوره الصلصه ..
يكون أسهل علينا
تبوني اصدق ان الرجل الكويتي يطبخ
انا زوجي يموت من العطش ولا يروح المطبخ
يشرب كلاس ماي
الفري بالفرن
طريقة اعداد الوجبة :
1- تروحون مركز سلطان .
2- تشترون فري "نايف" ...فيه 6 فري..!
3- تعطونه الفلبيني اللي بقسم اللحوم ....عشان يتبله بالتتبيله الالمانية ...فيه حمرا وخضرا ..الحمرا اطيب..!
4-تردون البيت .
5- تحطون كما هو بصينية بالفرن .
6- 40 دقيقه وتطلعونه .
7- تآآآآآآكلونه .
صعبه هذي
ملاحظه : وجبة لذيذه وخصوصا مع المتبل والفتوش .
لا لا لا صار مطبخ الرجال هذا ! طلعت المواهب....إيه طلّع طلّع يا كويتي ...أفهم إشلون جبت هالأفكار شكلك طول اليوم بالمطبخ
يعطيك العافية :إستحسان:
كتب الطبخ كثيره ... قنوات الطبخ كثيره ... منتديات الطبخ كثيره ... ادوات الطبخ كثيره ....
الفري بالفرن
طريقة اعداد الوجبة :
1- تروحون مركز سلطان .
2- تشترون فري "نايف" ...فيه 6 فري..!
3- تعطونه الفلبيني اللي بقسم اللحوم ....عشان يتبله بالتتبيله الالمانية ...فيه حمرا وخضرا ..الحمرا اطيب..!
4-تردون البيت .
5- تحطون كما هو بصينية بالفرن .
6- 40 دقيقه وتطلعونه .
7- تآآآآآآكلونه .
صعبه هذي
ملاحظه : وجبة لذيذه وخصوصا مع المتبل والفتوش .
هلا بالازرق ...
شوف هالصوره مو طريقة مركز سلطان ...
بهالطريقة تتبيل وحشو منزلي ...
طبعا هذي صوره تقريبية ...للشي اللي اخوك يبدع فيه
بالعافيه ...
شوربة الدجاج بالــذرة
المقادير
دجاج مسحب ( يعني خالي العظم ) مسلوق مع بهارات خفيفة
5 كوب ماء من مرقة الدجاج ( المرقة اللي سلقنا فيها الدجاج )
2 حبة مكعبات ماجي ( تؤبرني )
1 كوب حليب سائل ( مو تحطون كارنيشن ) :باكي:
نص كوب ماء مذوب فيه 4 ملاعق نشا ( ياعيني على الذوبان )
كزبره ( كيفك تبي تضيفها تلغيها انت حر)
علبة ذره صغيره
علبة مشروم صغيره
بيضة
الطريقة
-نضع الخمس اكواب ماء في القدر على النار ونضع الدجاج والمكعبين الماجي. :إستحسان:
-ولما يغلي نحط الذره والمشروم بعد ما نصفيهم من مائهم. ( حلوة مائهم )
-ولما يبدي يغلي الخليط نضيف الحليب ونحرك فيه. ( بشويش بشويش )
-بعدها نضيف عليه النشا المذوب جيدا في الماء ونحرك الخليط بسرعه الى أن يصبح المزيج متماسك.
-نضيف الكزبره المفرومة ناعم.
- نكسر البيضة في الخليط ونحركها بواسطة شوكه حتى تعطينا شكل خطوط مموجة ( يا ليلي )
-ونخليها على نار وسط لمدة 10 دقائق ثم تقدم
<<<< ها فهمتوا ولآ بس تهزون روسكم
ومليوووووون ونص عافية
اخوي "الشيف" الازرق ...
شرح جميل لوصفة أجمل ...
شرايك ...نفتح مطعم انا وياك ...:إستحسان:
اخوك "الشيف " بوعبدالله :وردة:
الله يسلمك يا الحبيب
توّك تبي تفتح مطعم
انا بنيت اربع بيوت من ورى الطباااااااااااااخ
يا سلام
انا ما بنيت للحين ....ما تبي "مساعد شيف"
والحمام ...اوعدك وعد اضبطه لك على يوم واطرشه لعندك بعد ...:إستحسان:
راضي بالربع بعد :إستحسان:
المهم اكون بوزانك
ابشر يالازرق ....هاك نقنق بهالعرايس ومش حالك
العرايس ...للعرايس :وردة:
المقادير: ربع كيلو لحمة مفرومة " امريكانا ",حبة طماطم مبشورة ,بصلة مبشورة,ملح,فلفل,خبز لبناني,ملعقة زيت ذرة.
طريقة الاعداد: يخلط اللحم مع البصل والطامط والملح والفلفل، ونحط الخليط السابق داخل الخبز يفضل تقسيم الخبزة نصفين .
يدهن وجهي " فوق وتحت":باكي: الخبز من الخارج بالزيت ، يوضع الخبز في صينية في الفرن وتقدم ساخنة. "
وبالعافيه .....:وردة: