الدارمي من الشعر الشعبي (المحكي )

الفوزان

عضو فعال
ما هو الدارمي ؟

الدرامي هو أحد أنماط الشعر الشعبي المتداول في مناطق الفرات الأوسط وجنوب العراق... وكل بيت من الدارمي هو بمثابة قصيدة كامله لما يحمله من بلاغة في المعنى وجمال الصورة...
والدرامي حينما يقال لا يحتاج إلى بيت آخر ليكمل معناه كما يحدث في أنماط الشعر الشعبي الأخرى..

شعر الدارمي الذي يكون وزنه :
مستفعلن فعلآن مستفعلآتن
مستفعلن فعلآن مستفعلآتن

...

والدارمي له تسميات عدة ، ففي بغداد ( الغناء) وفي النجف( الموشح) وفي منطقة الفرات و الجنوب ( الدارمي) وفي الحلة وكربلآء وبعض مناطق الجنوب وميسان ( نظم البنات ) وفي القادسية وبعض مناطق الجنوب ( النثر الشعبي ، كما يرد اسم( الدو بيت) على لسان بعض الباحثين ، الا أن كلمة ( الدارمي) هي اقدم الأسماء واكثرها التصاقا" به واستدلالا" عليه .
ويرجع الباحثون كلمة الدارمي الى:
1- مأخوذة من ( الدرم) والدردمة في المصطلح الشعبي وتعني حالآت انفعالية يظل فيها الفرد صامتا" متأثرا" مع نفسه بغضب وألم .
2- كان لأحد الشعراء حبيبة اسمها (مي) وكان شعره موجه الى ديارها فكانت كلمة ( دارمي) .
3- منسوبة الى قبيلة (دارم) ، والدوارم من عشائر الجنوب ، وهذا. أقرب الروايات إلى التصديق تُرجع أصل الدارمي إلى فتاة من قبيلة "بني دارم" في ريف محافظة ميسان/العراق... حيث قالت أول بيت من الشعر الشعبي تام المعنى ومُستوفي لكل الشروط الفنية دون الحاجة لإن يلحقه بيت آخر يكمله... وظل هذا البيت يردد بين الناس مع الغرابة التي رافقته بسبب تفرده وكل غريب مثير بالإضافة لسهولة حفظه.. كان انتشاره سريعا وواسعا وهذا حفّز آخرين على قول دارميات أخرى حذت حذوه




من المؤكد بان اللهجات العراقية من اللهجات الصعبة حتى على ابناء االعراق انفسهم لتفاوت وتباين اللهجات في كل منطقة فتجد مثلا اللهجة البغدادية وهي عدة لهجات وكل لهجة تتبع منطقة في بغداد وهو الحال في مناطق الفرات الاوسط والجنوب والغرب والشرق والشمال وفي كل منطقة من هذه المناطق اكثر من لهجة وعليه فان ابن بغداد او الموصل مثلا والذي لايفهم كثيرا الكلمات المستخدمة في الجنوب سوف لايستمتع بالشعر الجنوبي لانه لايفهم اكثر من نصفه ولا غرابة حين لايتذوق الشعراء في بقية البلدان العربية هذا الشعر لانه صعب الفهم لصعوبة اللهجة وعليه ساحاول ترجمة بعض الكلمات التي اجدها صعبه علي اقرب المعنى بهذا
ملاحظة : بعض الاحرف المستعملة في العراق فقط ولا تستعمل في بقية البلدان
1 ـ ( چ ) الجيم وتحته ثلاث نقط يلفظ مثل chair . change , فمثلا نقول :
چلوه أي الكليه وغالبا ما يحل هذا الحرف عندنا محل حرف الكاف
2 ـ ( گ ) مثل گال التي هي ـ قال ـ، گلب التی هی ـ قلب ـ وتلفظ مثل goal , game ,
3 ـ ( پ ) مثل pepsi , point
وهناك بعض الاحرف الاخرى القليلة الاستعمال لامجال لذكرها الان

وهذي مجموعه من الدارميات..

گالولـــي ولفـــك راح گلتلهــــــم أبعـَـد
گالو صعــَد للغيـــم گلتلهـــم أصـــــــعد

الترجمة ولفك تعني حبيبك
***
عفيه گلب مَيليــن من يسـمع إبـچـــاي
لو من صخر هم ـ چـان لان وغده مـــاي

الترجمة عفيه يعني عافرم او مليح ، ميلين تعني لا يلين ، إبـچـــاي تعني بكائي
هم تعني كذلك ، چـان تعني كان او صار ، لان تعني يصبح لينا ً، و غده تعني و اصبح / ماي تعني ماء
***
لو ممشى عشر اسنين أمشيها واكثر
ما أتعب وما جــوز مــن حــب الأســمــر
ما اجوز تعني لا اتوب او لا اترك
راح التـــودّه الــــروح ما ينفــــع اللّــــــوم
أصبح سميري النوح من بعده وهمــــوم

راح التوده الروح يعني راح الذي تحبه الروح



-.-.-الدنيا-.-.-

الدنيـــا بس ويـــاي شـَــدّت عداوه
ولا واحد إمن الناس لجروحـي داوه

داوه تعني يداوي

الدنيـا للتهِـواه تِرقــــص إمفرعــــــه
وآنه تجيني إبمــوس وتقلّي إبلعـــه

امفرعة تعني بلا غطاء رأس وهو مصطلح مجازي نستخدمه

وآنه تعني وانا تجيني إبموس تعني وانا تاتيني او تقبل علي بشفره ( الموس هو الشفره)




-.-.-سؤال ليس في محله-.-.-

لاتســأل إعله الحـال خلـّيهـــا سكتـــه
تسأل على المقتول والقــــاتل إنتــــــه


شحجي وتريد الناس من عندي أحجي
دمعتي إبطرف العين بـس أحجي أبجي

شحجي تعني ما احكي
ابجي تعني ابكي

يسألني البطران حالــك إشلونـــــــــــه
الغاضب الله إعليه هم ينشدوونـــــــــه

البطران هو الذي ليس على قلبه هم
ينشدونه تعني يسألونه

عمية وعماني الدهر وبعيوني ما اشوف == من جبتوا طاري هواي گمت ازحف زحوف
اشوف تعني ارى
طاري تعني اسم
هواي تعني حبيبي
گمت قمت من قام بالفعل

جس النبض بايديك ياولفي تلقاه
يلطم على الخدين ويجر ألف آه

لا تظن يوم انساك و اكَدر اعوفك
صدكَ ابيـع الروح بس كون اشوفك

اكَدر تعني اقدر
اعوفك تعني اتركك
صدكَ تعني صدق
بس كون اشوفك تعني فقط ان امكن ان اراك

يل عني انته ابعيد بس روحي وياك
ادفنهة عدلة الـروح لو مره تنساك

هنا محادثة ـ اقرب الى المساجلة الشعرية في الدارمي ـ بين ام تريد ان تزوج ابنتها من انسان من اصل طيب ومن عائلة وشريف لكنه فقير وتجيبها البنت بالدارمي ايضا بالرفض للانها تريد ان تتزوج الغني وصاحب الاملاك ولا تحتاج الى الحنان والحب

الام:
يمه الاجه إبـْنْ جواد موش ابن غربه ... اصله الطبع والخير واصله المحبه
ابن جواد تعني ابن اكابر هذا الذي تقدم لخطبتك
البنت:
اليخطبني لازم كون انه الاريده ... بيت وقصر واموال وسويچه بيده

لازم كون تعني يجب ان يكون عنده قصر واموال وسويچه تعني مفتاح سيارته بيده

الام:
بكبرج واجهت خطاب كلتلهم ارضه ... جابولي خام الشام والحجل فضه

بكبرج تعني وانا حين كنت في سنك واجهت خطاب قلت لهم ارضى واتو لي بخام الشام وتعني نوع من القماش من النوع الرخيض جدا والحجل هو الخلخال وعادة ما يكون هذا لحجل من ذهب عند الخطوبة والزواج لكنها قبلت

البنت :
يمه زمانج راح بيه انظلمتي ... وذاك الوكت مرفوض مو مثل وكتي

زمانج تعني زمانك والوكت هو الوقت

الام:
عشنه بوفه وبطيب طول اليالي ... لارزه لاكنتور لامهر غالي

البنت:
اعرف بنات هواي عزن نفسهن ... تكلف الف دينار بدلة عرسهن

الام:
شرايج لون زنكين علحسن حبج ... وملج بعد شهرين وعليه ذبج

شرايج تعني ما هو رأيك
زنكين تعني غني
حبج تعني حبك
وملج تعني عقد عليك الزواج
ذبج تعني رماك

البنت:
بنيتچ بعدها اليوم حلوه وزغيره ... مو مشكله من يروح يخطبني غيره

بنيتج تعني ابنتك
زغيره تعني صغيره

الام:
بس كلمه عندي وياج ولله الشهاده ... باالوفه وبالاخلاص سر السعاده

وياج تعني معك

البنت:
اخر كلامي وياج متطوره انه ... والمايجيب المال شلي بحنانه

تعني اخر قول لي معك انا متطوره والذي لا يجلب لي المال ماذا افعل بحنانه

الام:
ر وحي الله وياج ياسلوة العين ... امج واعرفج زين باجر تندمين
وياج تعني معك
امج تعني امك وتعرفك زين تعني جيد وباجر تعني بكره تندمين

مجموعو اخرى من الدارميات





استدعى احد الاستاذة في الجامعة طالب وطالبة للحوار معهما بعد ان لمس انقطاعهما عن الدراسة. ودار بينهم الحوار التالي

للشاعر: ناصر محسن الساري

الطالب.
بالصف افكر بيچ وعن درسي فاتر
واسمچ كتبته بشوگ فوك الدفاتر

الطالبه.
امن الجامعة للبيت وانت على بالي
أبكل صفحة يالمحبوب وجهك يلالي

الاستاذ..
الحب يدفع الانسان لعلى المراتب
ويتبره منه لشوگ لو طلع راسب

الطالب.
أنه ادري يا استاذ للعاطفة احدود
والواجب انخليه لدروسه مشدود

الطالبه.
حب الوطن يا استاذ من حبنا اكبر
انريد انتفوق دوم وبالعلم نسهر

الاستاذ.....
ولدي المحبة احساس والعلم بابه
ويندم اهواي اهواي اليهمل كتابه

الطالب.
امنت يا استاذ واحد دربنا
نتفوق وهيهات نهمل كتبنا

...............
و انا بنتظار دارمياتكم :)
 

وليد المجني

عضو بلاتيني
بــعدك سهــم بحشـــاي

وهجـرك سجـاجـــيـن

شلــون القلــب ينســاك

وانــت الشــراييــــن


شكراً لصاحب الموضوع على تسليطه الضوء
لاحد اهم واقدم الشعر الشعبي العراقي
 

الفوزان

عضو فعال
چم سهم بالدلال يصعب عدد هن

وجروحي دوم تزيد ياهو اليشدهن
.




شاكر مرورك و تفاعلك اخ وليد:وردة:
 

السلطاني

عضو مخضرم

wchallenge_1110.jpg





عاشرت ماخليت حتى ال يرضعون .. .. .. يحلفلي بالقرآن ومن يكبّر يخون
 

جهراوي

عضو بلاتيني
قال احدهم:

انهض وأرد للقاع واتوكى وانهض
ما بيا عظم صحيح رضني اوقت رض

رد صاحبه :

زين الوقت خلاك تتكى وتقوم
آني لا انهض ولا اقوم بس الهم هموم
 

الفوزان

عضو فعال
مساجله رائعه بالدارمي


بهيمة وخذاني الليل ومخاطف ذياب *** كل هذا وتعنيت يا أغلى الاحباب


لا لاتخاف الليل ومخاطف الذيب *** هاي انة ادك الروح عدهم لمتشيب


عتتني روحي عليك وأنة بجزيرة *** ماهمهة خطف ذياب شالتهة غيرة


تمشي وتجازف ليل وجمالة بالجول *** أفرض كلاك الذيب للمحب شنكول


أتعـــنة للتهوى لتهمك ذياب *** الظلــــمة كمـــــــــرة تصير بغياب الاحباب

 

الفوزان

عضو فعال
حوار بين شاب وشابة جميل جدا
هو:
ابسد شجرة التفاح مشتولة روحي ... وبالفركة حتى الطير ناح على نوحي

هي:
اجيتك ومن ابعيد سبكتني روحي ... ومن لمست الجفين طابن جروحي

هو:
لا كلبي نوبة ايهيد لا عيني تغفة ... لا صبر بيه يفيد لا ناري تطفة

هي:
اتمنة روحي اتصير نجمة وترابيك ... وبهيدة تالي الليل انزل واشم بيك

هو:
اتمنة اهل الشوك يلتم شملهم... والطرب والاشعار اتبرع الهم

هي:
اهل الهوى ايكولون كلهم مساكين ... وعدهم الف تفسير لو رفة العين

هو:
صبري وصبر ايوب ما ظن سويه... لو يدري بيه ايوب يلطلم عليه
 

كنترول

عضو ذهبي

W5786-Iraq-MarshArab.jpg



نوبه أرد أعيش وياك , نوبه أرد اهجرك ............ وان متت هم وصيت , قبري أويا قبرك

( كنترول )
 

السلطاني

عضو مخضرم
news.php



سألوني ربعي عليك قالوا وليفك وين .. .. .. جاوبت والدمعات تهمل أمن العين



قلت الولف أخذوه بقوة مو طيب .. .. .. وعافوني وحدي هنا وراسي إنترس شيب
 
أعلى