يا بنيّه علّميني كان لي عندك معزّه
وش مكاني داخلك مرتاح والا انّي امتوازي
مايطير الحر الا لي رفع راسه بفزّه
وكم انا شفتك حلاة الصيد لي ان كنت غازي
في خيالي وفكر بالي صورتك يابنت رزّه
مايفيد الحب من غيرك ولا لي فيه عازي
عازتي اكتب بك الابيات لو ناديت حزّه
بليلةٍ انتي قمرها وماخذه وضع ارتكازي
كل ماشفتك احس برعشةٍ فيني ونزّه
وكل ما نزّيت اسّمي بأسم ربٍ لي يجازي
مثل زلزالٍ يصيب الارض انتي لي وهزّه
وحبي لك مقياس ريختر مايقيس الا إهتزازي
كاملة بزينك وحسنك والاصل جودٍ وعزّه
بنت شيخٍ للقبايل بالكرم والجود فازي
من خليج المجد انتي يادرر بحره وكنزه
بنت منهو نخوته وايل ليا جات المغازي
العجايب سبع وانتي الثامنه وكلٍ يميزه
معجزه وانتي جمعتي اوصافها بكل امتيازي
مغربيه لا ولا انتي من مصر وديار غزّه
انتي من اهل الكويت الفخر لك هي واعتزازي
ابرةٍ تنسج عروقي بحبها . ومع كل وخزه
زاد فيني بكل وخزه والوجع يابنت جازي
جاز لي هذا الوجع كان الوجع نظره وخزّه
نظره تكفي من عيونك واكتفى منها اعتيازي
اعشقك يامر ذقته لي حلا انتي ومزّه
ولو انا وجعان صرتي لي كما دم البرازي
منتي عفريته ولكن تلبسيني دوم بزّه
والمرايا كم حكت لي . داخلي شخص انتهازي
تلبسيني حب واحساس وشعور وشوق دزّه
لـ كتابة فيك شعرٍ ما بعد مثله يوازي
< كنترول >
