ماجستير كلية الدراسات العليا - جامعة الكويت

الموضوع في 'شبكة سؤال وجواب' بواسطة عبدالله ., بتاريخ ‏7 أغسطس 2009.

  1. عبدالله .

    عبدالله . عضو بلاتيني

    بسم الله الرحمن الرحيم
    السلام عليكم ورحمة الله وبركاته

    حبيت اسأل عن دراسة الماجستير في كلية الدراسات العليا - جامعة الكويت
    في كلية التربية بالتحديد
    حيث اني حاصل على بكالريوس تربية بمعدل امتياز ولله الحمد

    لكن انا موظف حالياً في قطاع يختلف عن قطاع تخصصي لأن من المفروض اكون بوزارة التربية وانا بوزارة ثانية

    هل في شرط خبرة بمجال التخصص للدراسة في كلية الدراسات العليا

    وماهي شروطهم بشكل عام سمعت لازم 3 سنين خبرة
    او تسجل بنظام الغير مقيد بس مادري بعد جم سنة اقدر التحق بهالنظام

    ياليت اللي عنده الخبرة يجاوبني
    والله يجزاه خير

    :)
     
  2. باحث777

    باحث777 عضو جديد

    الدراسات العليا

    مساء الخير أ/ عبدالله

    شروط الألتحاق ببرنامج التربية:
    1-المعدل مايقل عن 2.67ثم تحصل مفاضلة بين المعدلات
    2-توفلمايقل عن450
    3-خبرة ثلاث سنوات بوزارة التربية



    يالتوفيق أنشاللة
     
  3. عبدالله .

    عبدالله . عضو بلاتيني

    هالشرط ضروري !!! ولا في استثناءات :(

    عالعموم مشكور عالإفادة

    :)
     
  4. bodalal

    bodalal عضو جديد

    ما أعرف بالنسبة لكلية التربية ، بس متأكد من كلية الآداب ما في هالشرط

    آنا خلصت ماستر بجامعة الكويت وما كان في هالشرط .. مجرد توفل والمعدل

    في نوعين من البرامج ، دوام كامل ودوام جزئي

    الفرق بتسجيل عدد الوحدات .. الدوام الكامل تقدر تسجل 3 مقررات بالفصل = 9 وحدات

    بنظام الدوام الجزئي تقدر تسجل بس 6 وحدات بالفصل = 6 وحدات

    للموظف أعتقد ما تقدر تسجل في برنامج الدوام الكامل إلا بموافقة مقر العمل

    وهذا كله طبعا للمقيد .. يعني المسجل رسميا

    أما غير المقيد .. الفرق أولا بالرسوم .. رسوم التسجيل للمقيد أعتقد 10 دنانير للوحدة مو متذكر

    بس أتذكر كان وياي طلبة مو مقيدين وقالولي ان رسوم التسجيل 150 دينار تقريبا بالفصل أو للمقرر والله مو متذكر .. ما عليه هالحجي كان بسنة 1996 :)


    بالتوفيق ان شاء الله ..

     
  5. عبدالله .

    عبدالله . عضو بلاتيني

    مشكور اخوي على هالافادة
    والله يسمع منك إن شاء الله مايطلبون مني شرط الخبرة في وزارة التربية
    مابي انتقل للوزارة علشان هالشرط :confused:
    وجنه الغير مقيد اريح

    إن شاء الله براجعهم وبسأل
    وإذا في احد من اعضائنا عنده المعلومة ياليت يفيدني فيها

    :)
     
  6. باحث777

    باحث777 عضو جديد

    أخوي عبداللة
    لاتعب نفسك شرط الخبرة ضروري ومافية أي استثناء وبعدين الشرط ينطبق حتى على غير المقيدين
    وهامعلومة أنا متأكد منها لأأني صاري ثلاث سنوات أحاول أستثناء الشرط حق صديق بس بدون جدوى
    والحلو بالدراسات العليا بالكويت ما فيها اي واسطة
     
  7. عبدالله .

    عبدالله . عضو بلاتيني

    زين اخوي الحين لو دامت سنة بأحد الوزارات وداومت سنتين في التربية مايحسبونهم لي 3 سنين ؟
     

مشاركة هذه الصفحة