سؤال وجواب تصليح مرسيدس

[الكرملين]

السلام عليكم

واللي يعافيكم بغيت احسن كراج تصليح مرسيدس وبذمه وسعر مناسب


بالشويخ او الفحيحيل


السياره اندعمت بحادث والدعاميه الامامية تشوهت

ياليت تفيدوني الله يجزاكم خير

 

[Org]

أول شي حمدالله عالسلامه
وخطاج السؤ
واذا الدعاميه طقه بسيطه روحي البشر شوفي بجم
وبعدين ماعجبج السعر شوفي كراج وأن شاءالله
الشباب ما يقصرون وأنا عن نفسي اذا كراج شغل ياباني حاضر
لكن الالماني خلاص من حبكم يا زين عزلنا يالمرسيدس
تحـــياتي
...................................
​

 

[bojamal]

كراج انوار كاظمة في الري شغله ممتاز يردها جديدة

 

[سمو ذاتي]

السلام عليكم

واللي يعافيكم بغيت احسن كراج تصليح مرسيدس وبذمه وسعر مناسب


بالشويخ او الفحيحيل


السياره اندعمت بحادث والدعاميه الامامية تشوهت

ياليت تفيدوني الله يجزاكم خير

كراجات كثيره روحي شارع المرسيدس
لازم يرح معك رجل او عطيها اخوي
علشان مايستغلونك لانك بنت يمكن
ينصبون عليك

 

[الكرملين]

يعطيكم العافية اخواني ماقصرتوا

انوار كاظمه وينه بالضبط ولاتهونون

 

[الكاشونة]

خلف " سنتر بوينت " بالضبط ..

 

[الأناضول]

حمدلله على سلامتك

بالحديد ولا بالعبيد

 

[(المطيري)]

كراج أنوار كاظمه خلف سنتر بوينت الري


أسأل مجرب

 

[magnum]

خطاج السوء اول شي

وحمدالله على السلامه


انوار كاظمه حلو وموقعه بالشارع المحاذي لنواره خلف السنتر




والاحسن كراج بافاريا <<<< تي داخله من الغزالي على الكنددراي ثاني لفه يمين بعد الرفاعي للزجاج
وامشي سيده لدوار الاوكسجين واخذيه يمين
ثاني محل على اليسار دخلته ممر طويل والكراج بالخاف على كبر القسيمه ( لا تدشين بروحج كلها ارمن ترى والكراج صاد ) بس امانتا شغله روعه او اختاري اللي رشحوه الاكثريه انوار كاظمه حلو


بالتوفيق

 

[محامي الدوله]

كراج انوار كاضمه اغلى من الوكاله