ما افضل مكينة حلاقة كهربائيه للحيه ؟

[ليله ويوم]

انا اريد ان اشتري مكينة حلاقه كهربائيه للذقن , لكن نصحوني بعض الاصدقاء ان اسأل

قبل ان اشتري لآن هناك مكينات حلاقه غاليه جدا ولا تسوى ربع قيمتها:eek:

وليست عمليه بتاتا !!!!:confused:


سؤال لاصحاب الخبرة .. ماهي افضل ماكينة حلاقة رجالية في السوق مع بعض المعلومات عنها. :o

ارجوكم اريد الجواب بسرعه لآني احتمال كبير اشتري اليوم !!!!:وردة:

هل صحيح ان باناسونيك هي الافضل ام ان هناك مكينات افضل منها !!!؟؟؟

وما افضل مكينة لتحديد الشارب ؟؟؟

دمتم بخير

[غادة الكاميليا]

لوول شكله محد بالمنتدى يحلق بالبيت!

[q8_500]

عزيزي انصحك في مكينة حلاقة باناسونك 121

تحصلها في الكترونيات الغانم ، سعرها 19 دينار تقريبا

عمليه ويستخدمونها حتى اصحاب محلات الحلاقة

ولكن لايوجد فيها الا الصفر فقط

[0utsider]

انا شايف ان ماركة (( موسر )) حلوه وعمليه وممتازه وسعرها خمس دنانير بس لاغير .لاتطوفك .

[بو عصام]

بانوسونك es8077

لكن لا توجد بالكويت:(

افضل ماكينة بالعالم

[الميموني7]

والله يا خوي احنا نصحونا في المحلات بالسعودية لما بغيت أشترى ماكينة حلاقة بأخذ موسر لأنها على قولتهم هي الأفضل ولإثبات ذلك تلقى محلات الحلاقة أغلبها إن لم يكن كلها يستخدمونها

وللعلم اللي عندي اعتقد ألمانية وسعرها كان بحدود ال ٤٥٠ ريال

[الكاشونة]

لوول شكله محد بالمنتدى يحلق بالبيت!


بالعكس .. أتوقع وايدين يحلقون بالبيت .. أنظف و آمن من عدوى البكتريا و الأمراض ..

لكن مو بمكينة .. ما كو على على جل الحلاقة و الموس ..

[عبدالله .]

اخوي انا اُجبرت احلق بالبيت لأني سافرت واضطريت اروح الغانم واطقلي مكينة حلاقة
اخذت فيليبس سعرها اعتقد كان 25 او 30 مو اكثر من هالسعر
المكينة ممتازة وتنعيم مضبوط ماعرف اسمها بس ماركتها فيليبس
صج اني شلعت الزلف بالغلط بس مني مو منها

:)

[محب العرب]

اخوي انا اُجبرت احلق بالبيت لأني سافرت واضطريت اروح الغانم واطقلي مكينة حلاقة

اخذت فيليبس سعرها اعتقد كان 25 او 30 مو اكثر من هالسعر
المكينة ممتازة وتنعيم مضبوط ماعرف اسمها بس ماركتها فيليبس
صج اني شلعت الزلف بالغلط بس مني مو منها


:)


انا عندي وحده مثلها وفيها سرعة تيربو وسرعة عادية .

افضل ماكينة استخدمتها .

[عبدالله .]

انا عندي وحده مثلها وفيها سرعة تيربو وسرعة عادية .

افضل ماكينة استخدمتها .

شرهتك عاللي لاحظ السرعات لووول
تصدق ماشفت انه فيها سرعتين :D

[Draft]

صج اني شلعت الزلف بالغلط بس مني مو منها

:)


ممكن صورة للزلف المشلوع :p

[المفتاح]

عندي ماكينة حلاقة باناسونك مادري شسمها خذيتها بشي وثلاثين من صفاة الغانم..

مميزاتها انها ضد الماي.. وفي لها درجات حق الشعر واللحية من صفر ناعم إلى 6 أو 8 ما أذكر..

وشحنها لمدة 4 ساعات مره أو مرتين بالشهر. يعني توفير كهرباء.. حق السفر زينه.

[عبدالله .]

ممكن صورة للزلف المشلوع :p

هههههههههه لا اشوا بدا يطلع الشعر الزلف مشلوع من النص وشكله كان واضح بالبداية
بس موقف بايخ بشهر العسل شلعت زلفي بس الحمدلله المدام ضبطته بالكحل :D
شكلي برد الكويت والزلف ماطلع لي الحين:p