المساعد الشخصي الرقمي

مشاهدة النسخة كاملة : سؤال عن تنفيذ الاحكام

zaz
30-10-2010, 20:20
شباب عندي سؤال ولا عليكم امر

السنة الي طافت سويت حادث ورحنا المخفر انا والطرف الثاني وكل واحد فينا محد يبي من الثاني شي وطلعنا ونسيت السالفه وراها

اليوم كنت بشوف شنو علي مخالفات بموقع وزارة الداخليه طلع ماعلي مخالفات بس كاتبيلي راجع ادارة تنفيذ الاحكام

ودشيت على موقع بوابة العدل الالكترونية

ولقيت في قضيه مرفوعه ضدي مرتبطه بالحادث الي اقولكم عنه
(يمكن الطرف الثاني عنده تأمين ولازم يرفع قضيه يوديها حق التأمين عشان التصليح ورفع قضيه وانا مادري عنها بس اذكر كان بالمخفر عطوه ورقة تصليح وعطوني ورقه مادري شنو فيها وكل واحد راح بحال سبيله)

بالبحث الخاص بالظبط والاحضار مكتوبلي "لم يستدل على اوامر ظبط واحضار الخاصة بهذه البطاقه المدنيه" وهم مالقيت علي منع سفر

بس لقيت بتفاصيل القضيه لقيت مكتوب حكم ابتدائي (غيابي) والمبلغ صفر والدائرة اوامر جزائية مرور

يعني بهالحاله هل علي شي لو مثلا مريت على تفتيش او بجدد جوازي هل يقبضون علي ولا هالشغله عاديه
كاسك يا وطن
30-10-2010, 21:50
لا عادي .. قبل سنه او سنه ونص تقريبا ً .. صارتلي نفس هالسالفه ..
ورحت خدمة المواطن وبداخله كان في تنفيذ احكام ..

واذكر اني دفعت 10 دنانير او 20 - ما اذكر - قيمة الحق العام للحادث ..
لأن بالسيستم ما يبين اهو جم عليك .. او شنو الحكم الصادر ضدك ..


واذكر اني يوم سآلت الموظف .. نفس سؤالك ( هل اذا لو ما دفعت ومريت على تفتيش .. راح يتم القاء قبض علي ؟ ) ..

جان ايقولي .. لأ .. لأن القضيه قضية حادث بالنهايه ..

عموما ً خطاك السو ، وما تشوف شر ..
الأصمعي
30-10-2010, 23:32
لا ماعليك إلا العافية إن شاء الله و خطاك السو ..

مرة صار لي حادث و رحت المخفر و تصالحنا كل واحد يصلح سيارته ..

عطونه بس ورقة الحادث و عقب دقو علي قالولي لازم تدفع عشرين دينار لأني المخطئ لأنهم نسو ياخذون مني و ظل بالسيستم ..

يسمونه "حق عام" شئ جذي و رحت للمخفر إللي سويت عنده الحادث و كان فيه موظفة خذت بطاقتي المدنية و عشرين دينار و بس ..

روح خدمة المواطن إللي بمخفر الدعية ..

هذا والله أعلم ..

تحياتي .. :وردة:
zaz
30-10-2010, 23:43
لا عادي .. قبل سنه او سنه ونص تقريبا ً .. صارتلي نفس هالسالفه ..
ورحت خدمة المواطن وبداخله كان في تنفيذ احكام ..

واذكر اني دفعت 10 دنانير او 20 - ما اذكر - قيمة الحق العام للحادث ..
لأن بالسيستم ما يبين اهو جم عليك .. او شنو الحكم الصادر ضدك ..


واذكر اني يوم سآلت الموظف .. نفس سؤالك ( هل اذا لو ما دفعت ومريت على تفتيش .. راح يتم القاء قبض علي ؟ ) ..

جان ايقولي .. لأ .. لأن القضيه قضية حادث بالنهايه ..

عموما ً خطاك السو ، وما تشوف شر ..



خطاك اللاش والشر مايجيك

ومشكور عالتوضيح
zaz
30-10-2010, 23:44
لا ماعليك إلا العافية إن شاء الله و خطاك السو ..



مرة صار لي حادث و رحت المخفر و تصالحنا كل واحد يصلح سيارته ..

عطونه بس ورقة الحادث و عقب دقو علي قالولي لازم تدفع عشرين دينار لأني المخطئ لأنهم نسو ياخذون مني و ظل بالسيستم ..

يسمونه "حق عام" شئ جذي و رحت للمخفر إللي سويت عنده الحادث و كان فيه موظفة خذت بطاقتي المدنية و عشرين دينار و بس ..

روح خدمة المواطن إللي بمخفر الدعية ..

هذا والله أعلم ..


تحياتي .. :وردة:


خطاك اللاش والله يعافيك

لمن طلعت من المخفر ماذكر احد دق

بس جزاك الله خير عالمعلومه

ومشكور عالتوضيح
Q8bdooon
31-10-2010, 00:11
بس هذي لاتخاف وانا اخوك روح ادفع كل الي راح يطلع عليك وانا اخوك عشر ولا عشرين دينار بالكثير لاتشيل هم :)
World on Wheelz
31-10-2010, 01:02
شباب عندي سؤال ولا عليكم امر

السنة الي طافت سويت حادث ورحنا المخفر انا والطرف الثاني وكل واحد فينا محد يبي من الثاني شي وطلعنا ونسيت السالفه وراها

اليوم كنت بشوف شنو علي مخالفات بموقع وزارة الداخليه طلع ماعلي مخالفات بس كاتبيلي راجع ادارة تنفيذ الاحكام

ودشيت على موقع بوابة العدل الالكترونية

ولقيت في قضيه مرفوعه ضدي مرتبطه بالحادث الي اقولكم عنه
(يمكن الطرف الثاني عنده تأمين ولازم يرفع قضيه يوديها حق التأمين عشان التصليح ورفع قضيه وانا مادري عنها بس اذكر كان بالمخفر عطوه ورقة تصليح وعطوني ورقه مادري شنو فيها وكل واحد راح بحال سبيله)

بالبحث الخاص بالظبط والاحضار مكتوبلي "لم يستدل على اوامر ظبط واحضار الخاصة بهذه البطاقه المدنيه" وهم مالقيت علي منع سفر

بس لقيت بتفاصيل القضيه لقيت مكتوب حكم ابتدائي (غيابي) والمبلغ صفر والدائرة اوامر جزائية مرور

يعني بهالحاله هل علي شي لو مثلا مريت على تفتيش او بجدد جوازي هل يقبضون علي ولا هالشغله عاديه

حسب كلامك أنكم تراضيتوا وطلعتوا من المخفر بلا تسجيل قضيه وبلا أن يتم عرضكم على التحقيق . يعنى كأن الحادث لم يكن .

هل خون فيك الطرف الثانى أو تحسف وقيد ضدك قضية أصطدام وهروب بدون علمك علشان تلبسك القضيه عدل ؟؟

أنا خابر أذا تصالح الطرفين ولم يتم تسجيل قضيه فلا توجد أية تبعات قانونيه ولا ماليه ولا معنويه ولا جسديه ولا فسيولوجيه ولا هرمونيه على الطرفين !!!
zaz
31-10-2010, 01:27
بس هذي لاتخاف وانا اخوك روح ادفع كل الي راح يطلع عليك وانا اخوك عشر ولا عشرين دينار بالكثير لاتشيل هم :)

تسلم ان شاء الله سهاله
zaz
31-10-2010, 01:31
حسب كلامك أنكم تراضيتوا وطلعتوا من المخفر بلا تسجيل قضيه وبلا أن يتم عرضكم على التحقيق . يعنى كأن الحادث لم يكن .

هل خون فيك الطرف الثانى أو تحسف وقيد ضدك قضية أصطدام وهروب علشان تلبسك القضيه عدل ؟؟

أنا خابر أذا تصالح الطرفين ولم يتم تسجيل قضيه فلا توجد أية تبعات قانونيه ولا ماليه ولا معنويه ولا جسديه ولا فسيولوجيه ولا هرمونيه على الطرفين !!!

مادري يا طويل العمر هذا الي صار عقب ماطلعنا من المخفر نسيت السالفه لنا تراضينا وكل واحد فينا عطوه نسخه من ورقة الحادث ورحنا بحال سبيلنا

بس لمن جيكت لقيت في قضية ضدي والحكم غيابي وكاتبيلي الغرامه صفر

بس ان شاء الله على كلام الشباب اتكون شغله عاديه ومافيها مشاكل لو صار جدامي تفتيش اكون متأكد ماكون معرض للحجز او لو في يوم راجعت احدى ادارات الحكومه عشان ماتعطل
السلطاني
31-10-2010, 08:07
ما حدث يا زميل .. .. أن المحقق وضع الحق عليك .. ..

أو أن الحق كان مشتركا .. ..

وحُوّلت القضية لمحكمة المرور .. ..

وصدر الحكم .. ..والذي يمكنك الطعن به فيما لو كان لك خلق مراجعات .. ..

الأمر بسيط جدا كما ذكر الزملاء .. ..




وكل واحد فينا عطوه نسخه من ورقة الحادث

إن كنت بخانة السائق الأول .. .. فالحق كان لك .. ..

وإن كنت بالخانة الثانية .. .. فالحق كان عليك .. ..
zaz
31-10-2010, 10:05
ما حدث يا زميل .. .. أن المحقق وضع الحق عليك .. ..

أو أن الحق كان مشتركا .. ..

وحُوّلت القضية لمحكمة المرور .. ..

وصدر الحكم .. ..والذي يمكنك الطعن به فيما لو كان لك خلق مراجعات .. ..

الأمر بسيط جدا كما ذكر الزملاء .. ..


إن كنت بخانة السائق الأول .. .. فالحق كان لك .. ..

وإن كنت بالخانة الثانية .. .. فالحق كان عليك .. ..

انا كنت بالخانة الثانيه وادري الي بالخانة الثانيه اهو الغلطان بس اذكر هالورقه خذيناها عشان كل واحد لو حب يصلح يكون عنده اذن للتصليح وراها كل واحد راح لحال سبيله لنا الدعمه ماكانت تسوا

المراجعات مالي خلقها

بس اهم شي الي بغيته اعرفه منك ان لو صار تفتيش هل يحجزوني بسبة هالسالفه ولا لا مع العلم ان ماعلي لا منع سفر ولا ظبط واحضار

ومشكور على مشاركتك
السلطاني
31-10-2010, 10:12
انا كنت بالخانة الثانيه وادري الي بالخانة الثانيه اهو الغلطان بس اذكر هالورقه خذيناها عشان كل واحد لو حب يصلح يكون عنده اذن للتصليح وراها كل واحد راح لحال سبيله لنا الدعمه ماكانت تسوا

المراجعات مالي خلقها

بس اهم شي الي بغيته اعرفه منك ان لو صار تفتيش هل يحجزوني بسبة هالسالفه ولا لا مع العلم ان ماعلي لا منع سفر ولا ظبط واحضار

ومشكور على مشاركتك

* ورقة ( بلاغ الحادث ) ليست إذن للتصليح فقط .. .. بل هي أكثر من ذلك .. ..

أولها ؛ مراجعة شركة التأمين لأخذ قيمة التصليح .. ..


* كما ذكرت حضرتك أن الحادث ما كان يسوى .. .. لذلك فإن المحقق أو قاضي المرور لم يطلب ضبطك وإحضارك مع الحكم .. ..


* في بعض قضايا المرور .. .. الخطيرة مثل قطع الإشارة الحمراء .. .. أو التسبب بمقتل قائد سيارة

آخر لا سمح الله .. .. لاشك أن هناك ضبط وإحضار وإلقاء قبض .. ..



* هذه الحوادث البسيطة تحدث يوميا وبالعشرات .. .. ولا تستدعي غالبيتها الضبط والإحضار .. ..

فتطمّن .. ..