سياسيا و عرفناها دينيا شلون يعنى الريال كفر مثلا ؟
و شى ثانى الريال قال شى صريح و تحدى مباشر و انتو تلفون و تدورون مثل صاحبكم بالشيك
الريال قاله الحين شيك حق مبره ينكتب باسمك ليش ؟ و اذا تقول جيرته مثل ما قال ناصر دويله و ما صدقتوه و قلتو ورنا صورة التجير خلاص نفس الكلام حق الطبطبائى الى ماياب دليل على كلامه و ما ورانا صورة التجير او ان المبلغ دخل باحساب المبره بعد ان كتب الشيخ ناصر الشيك باسمه بالغلط ايضا
ليش ما يرد و ليش يتهرب
الطبطبائى عجبنى بكلمه و قلناها لكم اول ما اطلعت سالفه الشيكات و قلنا لا تتهمون الناس عشان الناس ما تتهمكم و قال الطبطبائى ان حسابى معاك يوم القيامه و ما يبى يطلع الاوراق و ماعليه شى بالقانون مثل ما على الدويله و غيره شيى بالقانون
فليش لما قلنالكم لا تحطون بذمتكم على ناصر الدويله او الشيخ نار و قلتو لا بنحط بذمتنا و اهم راشين و مرتشين و لما صارت مع ربعكم قويعات و الطبطبائى صار الحين الواحد ما يحط بذمته !!
الحين شكو داش بقوه؟؟؟
ومنو قال اني كفرته؟؟
انا قلت حرق نفسه دينيا،
يعني ما يمثل التيار الديني!!
وصار حكومي اكثر من الحكومه،،
بعدين منو صاحبنا؟؟؟
الطبطبائي وجمعان والمسلم هذول كلهم افضل من التكتل السلفي كله وغلط المقارنه مع ناس مواليين الحكومه بشكل مقييت وبين ناس ما يهمهم المنصب ولا مكانهم اللي اهما فييه..
شوي شوي هدي هدي اخوي لاتندفع مره وحده،
العمير له وجهة نظر واضحه،
يبي يوالي الحكومه بحجه الحكومه غير مقدور عليها، والافضل وضع اليد باليد لمعالجة ما يمكن،
وانا اقول سبق لحدس والمسلم والطبطائي التفاؤل في هذه الحكومه ولكن فشلوا، ولكن العمير قاعد يبالغ في ولائه للحكومه لدرجه نسى مبادئه،
شنو الموافقه على الجلسه السريه،،،
وين قاعدين ؟؟؟
تبي تقص على الشعب يعني؟؟ ماتبي الشعب يعرف شنو يدور؟؟ هذا العمير صاحبك؟؟؟
صايرلي مع الحكومه محامي، انزين اخذ موقف واستريح، لاتقعد تخطأ اعضاء اشجع منك..
