كم مصروفك اليومي او الاسبوعي؟ دعوه للنقاش

CREATIVE

عضو ذهبي
موضوعي اقتصادي
حبيت اعرف واطرح تساؤلي وخصوصآ للموظفين وبالاخص العزابيه
كم هو مصروفك اليومي ؟؟؟
هل لك طريقه ثابته في تعاملك مع مرتبك الشهري ؟؟
هل تحدد مصروفك بشكل يومي او اسبوعي
يعني مثال :
تقول انا مصروفي اليومي هو خمسة دنانير
او تقول مصروفي الاسبوعي هو 35 دينار
وتكيف نفسك على اساس هالميزانيه
يعني اذا بغيت تشتري شغله لازم توفر
من مصروفك اليومي او الاسبــوعي
.
.
هل تعتقدون ان 5 دنانير او 35 دينار
كافيه كمصروف .
هل في منكم من هو محدد لنفسه مصروف
او ميزانيه شهريه محدده
هل تعرف تقولي لو اقولك شلون صرفت معاشك
الشهر اللي طاف ووين راحت فلوسك؟؟


.
أنا بما اني اعزب وموظف صار لي فوق ال
عشر سنوات عرفت اني
كنت فاشل اقتصاديآ وماليآ
ويمكن اغلب الشباب نفس طريقتي

..
طريقتي فالتعامل مع ميزانيتي هي افشل طريقه :
اصرف ما فالجيب .. يأتيك ما فالغيب

حاولت قبل فتره اني اسوي لي
ميزانيه وطريقه للصرف وحددت
مصروفاتي والتزاماتي

واستمريت على هالطريقه يمكن شهرين
والحقيقه استمتعت فيها بس بالنهايه
ما قدرت اكمل لاني تعودت
على طريقتي الفاشله


بالنهايه نصيحه للي توهم متوظفين
او اللي صار لهم سنتين اوثلاث
او حتى خمس سنين

لازم كل واحد يعرف فلوسه وين تروح
ويحدد له طريقة صرف للمعاش
ويحدد له مصروف
وميزانيه وصدقوني راح تستمعون وتتعودون عليها
وراح توفرون جزء من معاشاتكم .

.....................


حبيت من الاخوان والاخوات العزابيه والمتزوجين
في هالموضوع عشان يستفيد الكل
من هالموضوع الاقتصادي المهم

جاوبوا على استجوابي اللي فوق ;)



 

It's Me

عضو بلاتيني
والله بالكلية .. أصرف :

2,350 ريوق من كاريبو كافييه ..

200 فلس بنص الدوام حق الماي

1,300 كوفي كوولر آخر الدوام هم من الكافييه ..

100 فلس قلم أرزق جاف .. يوميا أشتري قلم .. يوميا ً .. والمشكله دايم يضيع

طبعا هذا غير كروت الإيزي إللي يوم و ترك مرات بـ 3 مرات بـ5 ..
 

ياكويت

عضو ذهبي
مصروفي اليومي 5 دنانير والمتبقي اقطه بحـصالة عندي.
كماليات اقط حوالي من 50 دينار الى 200 دينار بالشـهر الواحد، شرط ماتتعدى الـ200 دينار.

نظام مصاروة :)
 

القدساوي

عضو ذهبي
لو تحدد لك اسبوعي افضل

لكن انا يعتمد علي كم راس سلوم باليوم مرات راس راسين ومرات ابيعها عشر رؤس حسب النفسيه

انا اصرف يوميا تقريبا 7 دك
 

It's Me

عضو بلاتيني
مها الديرة اكيد الفلوس مو منج
يا معودة وفري شوي

سندويشة مشكل وفلافل يكفون
شدراك .. الله يخلي الإعانه الجامعية .. و الوالدة :)

تحياتي ..
 

دكان

عضو بلاتيني
بسم الله الرحمن الرحيم


الله يرزق كل محتاج ويزيده من فضله ونعيمه واشوفكم كلكم اصحاب رؤوس وفخوذ وظهور أموال :)


مصروفي بما انى عزوبي مادري جم ولا اقدر أحدد ابدا


ودمتم,,,
 

السلطاني

عضو مخضرم
مصاريف المتزوج وصاحب الأسرة...تختلف...

وتزيد...ولا تنقص....

و كمثال...

1_ ريوق يومي بالدوام...600 فلس...

2_ شيشة وقهوة وسحلب...تقريبا يوميا...4 دنانير....

3_ وجبات من ماكدونالدز للبنات...تقريبا يوميا 2.990 دينار...

4_ بنزين...يوم وترك...2.500 دينار...

5_ حلاقة بالمرقاب..عند زهور باكستان....مرتين بالأسبوع...2 دينارين...

6_ إشتراك شهري بالمصبغة 25 دينار....

7_ قسط..قرض...280 دينار....

8_ قسط سيارة 81 دينار....

9_ قسط لاب توب...30 دينار....

10_ حاجيات جمعية ومركز سلطان.....40 دينار....

11_بند جديد.....حفاظات وحليب....15 دينار....

12_ فواتير تلفون....حاليا...15 دينار....وجود...طرف آخر....35 _ 50 دينار.....

13_ غتر...وملابس داخلية 15 دينار....

14_ دشداشة كل شهر....12 دينار.....

15_ شراء شئ...لزوم شئ...آخر.......



الله المستعان.....الله يخلي الراتب....والوظيفة...ل رزق الوراعين.
 

الكاشونة

عضو ذهبي
كان ودي أشاركّم في هذا الموضوع اللطيف و الذي لا يخلو من فائدة إلا أني استخرت خوفا من

الحسد !! خمسة و خميسة على قولة المصاروة مع اني مادري شنو معناها .. لكن الملاحظ

أن كل المشاركين للآن من الطبقة الكادحة !! سامحوني على الوصف ..بس شنو 200 فلس

و 2,500 دينار و 5 دنانير ..مصاريف ؟

وين معاشات السواق و الحراس و الخدم ؟ وين مصاريف المدارس الأجنبية ؟ اشتراكات النوادي

الخاصة مثل الرياضية و الصحية و مرسى اليخت ؟ مصاريف الصيانة و الضرائب على الفلل و الشقق

في أوروبا ؟ وين ..ووين...ووين ..؟!

وسامحوني مرة ثانية .. مع تحياتي ,,
 
السلام عليكم


مصروفي الشهري غير محدد .... غالباً حسب مكان التسوق :eek:


الثابت اللي ألاحظه أهو بنزين السيارة ...

5 دنانير أسبوعيّاً ومرات تحتاج سيارتي بنزين بأقل من أسبوع :cool:




.
 

كرستال

عضو فعال
اعتقد انه الصرف بالنسبة للكويتي حسب الراتب كل مازاد الراتب زاد الصرف
ولو كان راتبك 400 تصرفهم ولو كان 1000 تصرفهم لانك عارف راح ينزل غيره الشهر الياي
شخصيا الريوق كوب حليب من البيت يوميا
معظم الاكل بالبيت لعدم الثقة بنظافه المطاعم خصوصا في فصل الصيف مع حر الجو
انصح الجميع بعمل استقطاع شهري من الراتب للزمن لحساب ما اتعرف الرقم السري له فهي افضل طريقه حتى ما توصل له الايادي
شخصيا عملت استقطاع وناجحه الطريقه .
 

CREATIVE

عضو ذهبي
مثلي المفضل :D




نحن النساء لا تنفع معنا الميزانيات!

محد ضيعنا غير هالمثل ... حاولي تسوين ميزانيه وجربي

والله بالكلية .. أصرف :

2,350 ريوق من كاريبو كافييه .. .... شفيها لما تتريقين من مطعم عادي واحلى ريوق 500 فلس

200 فلس بنص الدوام حق الماي ... ليش ماكو برادة ماي عندكم

1,300 كوفي كوولر آخر الدوام هم من الكافييه .. وتركش كوفي من مقهى عادي 250 فلس

100 فلس قلم أرزق جاف .. يوميا أشتري قلم .. يوميا ً .. والمشكله دايم يضيع .. اشتري درزن ارخص ... وحافظي على اقلامج .. بس ذكرتني بمعاناتي بالثانويه:)

طبعا هذا غير كروت الإيزي إللي يوم و ترك مرات بـ 3 مرات بـ5 .. خففي من المكالمات .. وكثري من شغلة النص رنه وجنج ما تدرين وخلي العالم تدق عليج .. هذا دليل على انج انتي تدورين السوالف


مصروفي اليومي 5 دنانير والمتبقي اقطه بحـصالة عندي.
كماليات اقط حوالي من 50 دينار الى 200 دينار بالشـهر الواحد، شرط ماتتعدى الـ200 دينار.


نظام مصاروة ...طريقتك حلوه ..بس مخربها بالكماليات .. خفف شوي
:)
 

CREATIVE

عضو ذهبي
بسم الله الرحمن الرحيم


الله يرزق كل محتاج ويزيده من فضله ونعيمه واشوفكم كلكم اصحاب رؤوس وفخوذ وظهور أموال :)


مصروفي بما انى عزوبي مادري جم ولا اقدر أحدد ابدا


ودمتم,,, حاول انت شنو خسران

مصاريف المتزوج وصاحب الأسرة...تختلف...

وتزيد...ولا تنقص....

و كمثال...

1_ ريوق يومي بالدوام...600 فلس...

2_ شيشة وقهوة وسحلب...تقريبا يوميا...4 دنانير....

3_ وجبات من ماكدونالدز للبنات...تقريبا يوميا 2.990 دينار...

4_ بنزين...يوم وترك...2.500 دينار...

5_ حلاقة بالمرقاب..عند زهور باكستان....مرتين بالأسبوع...2 دينارين...

6_ إشتراك شهري بالمصبغة 25 دينار....

7_ قسط..قرض...280 دينار....

8_ قسط سيارة 81 دينار....

9_ قسط لاب توب...30 دينار....

10_ حاجيات جمعية ومركز سلطان.....40 دينار....

11_بند جديد.....حفاظات وحليب....15 دينار....

12_ فواتير تلفون....حاليا...15 دينار....وجود...طرف آخر....35 _ 50 دينار.....

13_ غتر...وملابس داخلية 15 دينار....

14_ دشداشة كل شهر....12 دينار.....

15_ شراء شئ...لزوم شئ...آخر.......



الله المستعان.....الله يخلي الراتب....والوظيفة...ل رزق الوراعين. ميزانيتك صعبه يالعنزي .. مادري شقول:(


السلام عليكم


مصروفي الشهري غير محدد .... غالباً حسب مكان التسوق :eek:


الثابت اللي ألاحظه أهو بنزين السيارة ...

5 دنانير أسبوعيّاً ومرات تحتاج سيارتي بنزين بأقل من أسبوع :cool: يعني ماكو مصروف ولا اكو ميزانيه ... حال الاغلبيه




.

اعتقد انه الصرف بالنسبة للكويتي حسب الراتب كل مازاد الراتب زاد الصرف
ولو كان راتبك 400 تصرفهم ولو كان 1000 تصرفهم لانك عارف راح ينزل غيره الشهر الياي
شخصيا الريوق كوب حليب من البيت يوميا
معظم الاكل بالبيت لعدم الثقة بنظافه المطاعم خصوصا في فصل الصيف مع حر الجو
انصح الجميع بعمل استقطاع شهري من الراتب للزمن لحساب ما اتعرف الرقم السري له فهي افضل طريقه حتى ما توصل له الايادي
شخصيا عملت استقطاع وناجحه الطريقه .
... بغض النظر عن الراتب 400 او 1000 اللي ابي اعرفه ... احنا محددين مصروفنا .. عندنا طريقة صرف ؟؟ ولا نصرف عمياني ؟؟ طريقة الاستقطاع هي التوفير ... وفكره حلوه
 

CREATIVE

عضو ذهبي
لو تحدد لك اسبوعي افضل

لكن انا يعتمد علي كم راس سلوم باليوم مرات راس راسين ومرات ابيعها عشر رؤس حسب النفسيه

انا اصرف يوميا تقريبا 7 دك
انا مثلك افضل المصروف الاسبوعي .... شوف شيل مصروف الشيشه والبانزين وخلها تحت بند
مصروفات اساسيه ... انا مثلآ يوم سويت لي ميزانيه واللي انهارت مثل ما قلت
حددت مصروف يومي 5 دنانير ... وحددت مصروفات البانزين وتبدل زيت السياره اب 30 والزقاير 30دينار
مصاريف بانزين وزيت وزقاير = 60 دينار بالشهر
مصروف اسبوعي 35 دينار = 140 + 10 دنانير فرق يومين =150

المجموع = 210 دنانير وما يزيد من المعاش ومن المصاريف نحوله لاحتياطي الاجيال القادمه
;)
 

6ergi

عضو مخضرم

congratulations-on-your-new-baby-girl.jpg


مبروك اللافيه الجديده يا باشا ..

لازم الحين تعيد جدولة حساباتك .. وتعين مراقب مالي جديد ..

وإلا سيأتيك من "يهش العصافير" .. ويقدم لك إستجواب ..

خذ بالك ..

حليب الأطفال ماركة Progress S26 يتراوح سعره بين 1.995 فلس .. و 2.150 فلس حسب الجمعيه ..

الأفضل إنك تاخذه مع البطاقه التموينيه .. الـ 8 علب بـ 10 دنانير فقط ..

الفضل طبعا للوزير أحمد باقر .. بس ما يبين بعينكم ..

لا تنسى تكاليف الـ Pampers ..

وسرير للطفل << حاول يكون هديه .. ويفضل من جانب أهل الزوجه .. عشان ما تخسر أهلك ..

أيضا لابد من كم مراجعه للمستشفى الخاص ..

وخلينا نشوفك خلال فترة الإجازة ..


تحياتي ..
http://4.bp.blogspot.com/_Kh_NNWRDk...400/congratulations-on-your-new-baby-girl.jpg
 

Normal

عضو مخضرم
مع الاسف .. أنا من النوع الي ما يرتاح اذا بـ بوكه فلوس

احلى شي الفلوس تكون بعيده عنّي وما اشوفها ..
 
أعلى