إطالة الدوام المدرسي / أضراب المعلمون . . !!

باروود

عضو ذهبي
الحمدلله الذي بنعمته تتم الصالحات

نجح إعتصام المعلمين و بحضور أكثر من ١٣٠٠ معلم و معلمة و قد هنأ الأخ عايض السهلي المعلمين و المعلمات بنجاح هذا الإعتصام و قال أن القطار لن يتوقف و سنعتصم أمام ساحة الإرادة قريباً وذلك لإدخال مهنة التعليم من ضمن المهن الشاقة و إقرار كادر المعلمين

أبشروا يا معلمين فإن النصر إقترب.

شنوا النتيجة هل كلمتوا احد من المسؤليين
 

CBA

عضو مميز
كل كلامك صحيح

التعليم عندنا سئ جدا

ومستوى هابط بمهنه التعليم

لكن بسألك سؤال اوجه لك

هل المعلم هو السبب ام القيادات بالتربيه هم السبب ؟؟

ان كان المعلم هو السبب اشرح وخلنا نستفيد من خبرتك

بس قبل لا تجاوب اسال نفسك سؤال ليش المعلم يقاتل من اجل التحويل الى اداري

وعند التحويل الاداري يطيح من معاشه 200 دينار الى 250 دينار ليش يغامر

ويحول الا انه مو لاقي التقدير الصح الي يخليه يكد بالمهنه

يارجل اعمال ممتازه 200 دينار للمدرس وموظف طايح حظ في وزاره اخرى

وبواسطه ياخذها يستلم فوق 500 دينار مو ظلم ولا شرايك


اضربو واعتصمو يا اما رجال تاخذون حقكم ولا خلو قيادات التربيه تدوس عليكم

واسف على التعبير :)



معاشك من اقوى المعاشات

اجازه 3 شهور قاعد بطالي لا شغل ولا مشغله

يعني شنو تبي يفرشولك الارض ورد لما تداوم ! شنو تبي اكثر من جذي عشان ماتعطي وتنجز اذا الدافع المادي موجود خلاص هذي وظيفتك لازم تعطي
 
الحمدلله الذي بنعمته تتم الصالحات

نجح إعتصام المعلمين و بحضور أكثر من ١٣٠٠ معلم و معلمة و قد هنأ الأخ عايض السهلي المعلمين و المعلمات بنجاح هذا الإعتصام و قال أن القطار لن يتوقف و سنعتصم أمام ساحة الإرادة قريباً وذلك لإدخال مهنة التعليم من ضمن المهن الشاقة و إقرار كادر المعلمين

أبشروا يا معلمين فإن النصر إقترب.

الله يبشرك بالخير
وسيروا ونحن ورائكم
 

aardman

عضو فعال
شنو مصاروه وشنو عشر دنانير ؟؟ اقسم بالله العظيم هالعقليات ما تستحق العيش و الحياة في دولة رائدة بالثقافة و العلم والأدب .. شنو هذا وصل فينا الانحدار لهلمستوى اعوذ بالله اعوذ بالله اعوذ بالله ..


يا معود اي رائدة واي بطيخ واي ثقافات

لا يكون مصدق نفسك وعايش الدور

والا لا يكون عبالك تعليم الكويت نفس امريكا وكندا


اقول خلوكم على المصاروه مدرسينكم ويخبون عليكم

الله يرحم ايام الفلسطن
 

نبيها دائرة واحدة

عضو مميز / الفائز بالمركز الثاني في مسابقة خليجي 2
انا كنت من ضمن الحضور...وكان الحضور جيد ولله الحمد..وتم التفاق علي عقد
اعتصام اخر امام مجلس الامه...وكان من ضمن كلمات عايض السهلي رئيس الجمعيه..

- نشكر هذه الجموع الطيبه والتي بيضت وجه الجمعيه..
- للاسف لم يحضر اي نائب مجلس امه وتسال اين هم الان عن قضيتنا
- نريد الان حضور الوزيره او اي قيادي امامكم للرد علي كلامنا..والتفت للمبني
وقال ها هم الان ولا احد يسطتيع الحضور..
- الوزيره تقول نبي مثل ايام اول انشطه ونحن قلنا لها ايام اول كان فيه فقط 5 حصص
والان 7 حصص....خففو من ضغط الحصص والمناهج وارفعو وقت النشاط .
- دائما مايحتجون بتوصيات البنك الدولي وتناسوا ان اول توصيه للبنك الدولي تحسين الرواتب
فلماذا لم ياخذو بتلك التوصيه.
 

قديم

عضو مخضرم
انا مستغرب من موقف جمعية المعلمين

ونزول المدرسين للشارع امر غير محمود نهائيا

ونزول الابلات للشارع هم امر غير لائق فيهم نهائيا

يا اخوان انا مع المطالبة بالحقوق والتعبير عن الراى

بس ما ابى اشوف معلم الاجيال ومعلم اولادى واولادكم يطالب عن حقوقه تحت اشعة الشمس المحرقة

والشى الاهم اشلون اليوم اعيالنا بالمدارس اللى ماكان فيها مدرسين شنو كان وضعهم
اخوانى انا مع المطالبة بالحقوق

ولكن مو بالطريقة هذى

وانا اتمنى من جميع اعضاء جمعية المعلمين ان يقدمون استقالتهم باسرع وقت ممكن

وان نزول المدرسين للشارع يدل على فشلهم بادارة الجمعية

وفشلهم بالتواصل فيما بينهم وبين الوزارة

وان اول عمل لازم يسوونه انهم يستقيلون

واسف على الاطالة
 

نبيها دائرة واحدة

عضو مميز / الفائز بالمركز الثاني في مسابقة خليجي 2
ياجماعه ماهذه العقليه التي تدار بها الوزيره...شوفوا ياجماعه مدي اسفافها
وتحقيرها لأعتصام المعلميين..

موضي الحمود : نشكر الهيئة التعليميه علي الاستمرار بالعمل بالمدارس وانصياعهم
لتعليمات الوزارة.

(( يعني شنو الالف مدرس ومدرسه مالهم قيمة عندج ولا يعتبرون من الهيئة التعليميه !! ))

وزارة التربية : تم حضور 350 معلم للاعتصام ..مقابل 35 الف معلم ملتزم بالتعليمات ولم يخضر

(( السالفه ماهي خرفان جم عندك راس غنم وجم راس ماعندك ..شنو هالمنطق يعني لو فرضنا ان اللي حضروا 350 معلم شنو مالهم اي قيمه عندج...المفترض لو حضر معلم واحد
فقط تقدرين حضوره وتسمعين مطالبه ))


بالله عليكم هل هذه مستوي وزيره تدير وزارة التربيه !!!
 
المشكله وين ان الناس متناقضه تقول التدريس فاشل بالمدارس الحكوميه

ومدرسين مايدرسون عدل ونضطر انحط مدرسين خصوصين او نودي عيالنا مدارس خاصه

والحين يحامي المدرسين عشان نص ساعه زياده بيتأخر فيها عن الغدا


شعب يحير بذمتي :D

بس فزعه اذا قامو قامو قعدو نقعد مع الخيل يا شقرا



الفشل اللي تتكلم عنه المسئول الأول والأخير عنه وزارة التربية بتعاقداتها مع مدرسين ما يعرفون يدرسون" لن أعمم لان هناك قلة من المعلمين الوافدين أكفاء ويعرفون يدرسون "

مدرسين همهم الأول والأخير ملء جيوبهم من وراء الدروس الخصوصية

لو المدرس الوافد درّس بضمير عيل ما راح يلقى أحّد يدرسه خصوصي

وهذا للأسف ما يعاني منه أولياء الامور والسبب سياسة الوزارة الفاشلة في استقدام الكثير من المعلمين غير الأكفاء تقديرهم " جيد " إذا مو أقل بعد

لما تشتغل معلم لمدة يوم واحد فقط راح تعرف معاناة المعلم

جرّب حوّل من دوامك إداري بمدرسة أنا أقول إداري مو معلم وراح تعرف شنهي شغلة المعلم اللي أمثالك ما يقدرونها

زيادة الدوام تعني زيادة الأعباء على المعلم

ما ندري متى تهتم هالوزارة التعيسة بالمعلم وتعتبره عنصر من عناصر العملية التعليمية

 

نبيها دائرة واحدة

عضو مميز / الفائز بالمركز الثاني في مسابقة خليجي 2
إذا كان عدد المعتصمين هو الموجود في الصور أعلاه فإنه للأسف لا يرقى إلى طموح منظميه
و لن يشكل أي قوة ضغط على الوزارة


لا لا هذه الصور لا تعبر عن الجموع التي حضرت...انشالله بتشوف هالجموع بالقنوات
والجرايد شي يبيض الوجه
 
:إستحسان::إستحسان::إستحسان:
انا اتفق معاك

يا معود اهم خلهم يدامون مثل الاوادم اول شئ

واذا مالهم خلق هالنص ساعه يزيدون هالمصاروة 10 دنانير وكلهم بتلاقيهم جدامك ويقعدون مو نص ساعه الا ساعه بس ياخذ هالعشره ;)


خل هالمصاروة يدرسون عيالك

وبتشوف الفشل على أصوله

وبتشوف ميزانيتك شلون بتروح على الدروس الخصوصية

ولما انت وأمثالك تداومون بدون تنحش من الوزارات ومن ثم الرجوع لطق كرت الدوام هذا إذا مو معطيه رفيجك يطق الكرت بدالك ذيج الساع تكلم عن المعلم ومهنته

أكثر موظف ملتزم بالدوام بالدولة المعلمين تدري ليش لان وراهم مناهج يبون يخلصونها

ومحد راح يشيل شغلهم غيرهم ... مو مثلكم بطالة مقنعة بالوزارات
 

آهات الهزبر

عضو مميز
طريقة غبية لتخريب اعتصام المعلمين . . !!

أحد الوكلاء يرسل موظفة من مكتبة وهي معروفة بطول اللسان حتى تعترض على المعلمين و معها لوحات مكتوبة عليها عبارات ضد الاعتصام . .

وتقول أنا ولية أمر . . ليش تاركين عيالنا و جايين تعتصمون . . أولئك الأغبياء لم يجدوا إلا تلك الطريق الغبية بإرسال تلك الإمعة لتعترض على تلك الحشود !!

وقد أجرت معها بعض الفضائيات لقاء و ستشاهدونها . . الليلة بالأخبار لمن أراد أن يضحك .

 

جراح الكويت

عضو بلاتيني
مشكلتنا ان من يعارض مطالبة المدرسين بحقوقهم ..هم اشخاص ما يعرفون عن التعليم الا انها وسيلة رزق ..

التعليم يا اخوانا المعارضين رساله .. والاعتصامات لاجل المطالبه بحقوقهم .. هم لم يطالبوا بزياده مثل غيرهم اللى ما همهم الا ( كثح ) المال بدون دوامات ..

اللي باللون الأحمر هو الزبده :إستحسان:
 
خل الياهال يتعبون شوي ياخي على ايامنا نروح المدرسه ونرد مشي بكل الاجواء

واذكر كان ايام السبت والاحد دواماتنا لي الساعه 2


ياخي خل الطالب يتعب شوي وتقولون ليش عيال الديره مايعين وناعمين وجنوس

خل يرد البيت مهدود حيله خله يتعب شنو المشكله اذا تعب !


تطلع من المدرسة الساعة 2 ؟!!

انت من أي جيل ؟!!

أنا ماني خابرة بأي وقت إن الدوامات كانت للساعة 2

سمعت بان رياض الأطفال كانوا ينامون بالروضة لكن للساعة جم ما ادري ورياض الأطفال ما عندهم مناهج وواجبات مثل بقية المراحل

المواد قبل ما كانت كثيرة مثل اليوم تهد حيل الطالب لما يشيل الجنطة

و الحصص كانت 6 حصص مو سبع حصص يومياًّ نفس الحين

بعدين لما تقول عيال الديرة مايعين وناعمين وجنوس هذا كله من سياسة الوزارة الفاشلة بتأنيث مدارس البنين الابتدائية وإجبار المعلمات على تدريسهم

ولا الطالب وين يشوف قدوته .. أكيد بيشوف معلمة وبيقلدها

المسئول عن السياسة الفاشلة هي نورية و الآن موضي تسير على نفس النهج

 

نبيها دائرة واحدة

عضو مميز / الفائز بالمركز الثاني في مسابقة خليجي 2
خل هالمصاروة يدرسون عيالك

وبتشوف الفشل على أصوله

وبتشوف ميزانيتك شلون بتروح على الدروس الخصوصية

ولما انت وأمثالك تداومون بدون تنحش من الوزارات ومن ثم الرجوع لطق كرت الدوام هذا إذا مو معطيه رفيجك يطق الكرت بدالك ذيج الساع تكلم عن المعلم ومهنته

أكثر موظف ملتزم بالدوام بالدولة المعلمين تدري ليش لان وراهم مناهج يبون يخلصونها

ومحد راح يشيل شغلهم غيرهم ... مو مثلكم بطالة مقنعة بالوزارات


انا مو معلم انا موظف وزارة وجامعي...والله ثم والله لو يعطوني زيادة علي راتبي
300 دينار مقابل اني اعمل مدرس ارفض..

الله يعين المدرس والله...انا والله اطلع متي ما ابي اطلع و اخلص اشغالي ولا احد يسالني
مرتاح اخر راحه وراتبي اكثر من راتب المعلم .

فيا حكومه ياوزارة قسم بالله العظيم من الظلم عدم انصاف المعلمين
 
كلن يرى الناس بعين طبعه
حسبالهم احنا اغبياء ما نفهم هالحركات
اهم لو يفكرون صح جان ما طلعوا مثل هالقرار الغبي
خل العجوز تشوف الطلبة الصغار والكبار شلون طالعين بالحر تعبانبن
واهي قاعدة بالبراد على الكرسي اللي ما تصلح له
 

أبو مالك

عضو بلاتيني
نفسي أعــرف هذا العبقري الملهم

نفسي أعرف من هذا
العبقري الملهــم
:(
الذي تفتق ذهنه بهذه النظرية "الحلزونية"
بإطالة الفترة الدراسية ليوم الثلاثاء
" ســاعة " فقط
لا ، لا ، خلاص "مابي" اعرف اسمه
أخشى عليه أن تخطفه وكالة " الفضاء ناسا "
:باكي:​
 
انا مرت علي اكثر من حاله مالي خلق اذية الياهال منت قد المسؤوليه محد قالك صير مدرس ياخي

قبل الفلسطيني معاشه مايطوف ال200 بس والله ان دشلك خلاص يبي يدرس محمر عينه وداش مو قاضب التلفون ومقزرها مسجات ويشرح والياهال سوالف واكل واخرتها اقول اذوني وبحول زهقت من دوامي

وثاني شي مشاكل مع الطلبه مايعرفون شلون يتعاملون مع الطلبه اصلا ماله خلق يتعامل مع الطالب

اعذار سخيفه ! منت قد المسؤوليه لا يغريك المعاش واطير واخرتها مثل الجبان تنحاش وتذم الوظيفه الوظيفه يبيلها واحد يكون قدها !

مو يايبه جدورتج وتاكلين او قاضبلي تلفونك واذوك عشان ماكتبت مسج تسوي مشكله


قبل المدرسين محد كان يحاسبهم لما يأدبون أمثالك

قبل لما يطقون الطلبة ما اييلهم ولي أمر ركضة ويصرّخ ويتوعد ويهدد

لانها قبل كانت وزارة تربية وتعليم

لكن الحين عسى ما وقّفت طالب 5 دقايق كنوع من التأديب يوك الأهل ركضة

عسى ما كلّمت الطالب كلمة يوك الأهل ركضة

عسى ما حطيت ايدك ( انا أقول حطيت ايدك مو طقيته) على جتف الطالب يوك الأهل ركضة

عسى ما الطالب جذب جذبه وبلش المعلم يوك الأهل ركضة كأن عيالهم الصاجين وغيرهم لأ

لا وفوق هذا لازم المعلم يعتذر منهم مع ان الطالب غلطان مو المعلم

المعلم ماله أي احترام مثل قبل

وين المعلم اللي يهابونه الطلبة من يمر نفس قبل ... ماكو

كل هذا منو السبب

السبب النشرات اللي تطلع من وزارة التعليم أقصد وزارة التدمير
واللي تخليكم ما تحترمون المعلم وتهابونه
السبب النشرات اللي تطلع وتقلل من دور المعلم وبأن دوره فقط ايصال معلومة مو تربية وتوجيه للطالب

 
أعلى