ريما القمر
عضو مخضرم
الله يعينك ..
وعسى الله يعوضك بـ تجارب أحلى الأيام الجاية .
مع إن ماشاالله الجو كان تمام هالويك إند ..
المنتجع كانت ماسكته شركة كمبنسكي..
بس شافت مامنه فايدة وخلعت ..
.
شكراً لكل من واسانا بمصابنا هذا :وردة:
يا أخوان صارلي يومين غامت شغله بقلبي بس موقادر أقاوم لازم أقولها
يوم الخميس بالليل خذت 9 كوبونات علشان آخذ وجبات العشا ل9 أشخاص
هم عدد الأشخاص المتواجدين معاي.. شوفو شحصل .
رحت صوب شاطىء البحر الساعة 9 ولقيت حرمه مصريه متينه واقفه ورا طاوله
وتسوي سندويشات خبز الصاج ..
الحاصل عطيتها الكوبونات وقلت لها بارك الله فيج بغيت 9 وجبات..عاوزين شسمه نتعشى.
قالت - الله لايوفقها - بص حضرتك.. أ ُدامك ناس كتير وممكن ماتلحأش على الأكل..روح
هناك عند حمام السباحه يمكن تلائي ..!! :إستنكار:
قلت لها شنو تلحأ ولا ماتلحأ ؟ ماني رايح صوب حمام السباحه ..آنا واللي معاي متكين
عند الشاطىء ومعانا مطارة الشاي والقهوه والقدوع ونبي نتعشى مره وحده .
قالت الأكل حيخلص ياباشا أعملك أيه ؟
مدري ليش حزتها حسيت أني أنجرحت ..!!
قلت لها وين قاعدين حنا بمجاعه ؟ لو أدري هذا ردج كان عشيت أهلي من برا ولا ذلكم.
قالت روح أتعشى من برا ..!!
أنعم وأكرم..هكذا يتعامل هذا المكان التعيس مع زواره ؟
المراد ولامنتهم طقينا سلف سيارتين وتعشينا بمطعم بيتزا هوت اللي برا..
ذلينا فلوسنا ولاننذل .
بس والله يومها فعلاً كرهت الساعه اللي جيت فيها لهالمكان وماجاني نوم
من كلام هالبطه حسبي الله عليها وعلى إدارة المكان اللي هي فيه .
ومدري ليش تذكرت بذيك الليله أغنية رويشد هذي