بعض البدون بدا يتخبط

عبيط

عضو ذهبي
السلام عليكم ورحمة الله وبركاته

اولا انا من اشد المتعاطفين مع البدون ومن مؤيدين تجنيس المستحقين طبعا

لاكن بكل صراحه بعد اللي صار بالمظاهره اللي اشوفها من وجهة نظري غلطه

سواء بالتوقيت او بالاحداث اللي صارت مثل تكسير الدوريات وحذف الصخر على رجال الامن

اشوف انكم خسرتو كثير من الناس



ممكن احد يقول نسينا كلامكم عن القوات الخاصه وعن الاحداث اللي صارت

بالصباحيه ودوانية الحربش اقوله نعم تكلمنا عن القوات الخاصه وضربنا فيها اقبح الامثال

وقلنا عنهم كلام واجد ولازلنا مستائين منهم ومن تصرفاتهم بس ماحذفنا ولا كسرنا

واعتقد هالشي صار من صالحنا كسبنا تعاطف الناس اللي كانت تعارضنا

انا اتكلم بصفتي معارض لاداء الحكومه


وبالنسبه لاحداث الصباحيه انا اقول انها تختلف بشكل كبير عن كل الاحداث اللي صارت لعدة اسباب

اولا شي غريب وحديد على الناس ومنظر ماتعودنا عليه

ثانيا تعسف القوات الخاصه بشكل غير طبيعي

ثالثا تم دخول المنازل


ممكن هالاسباب هذي خلنتا نشوف ردة الفعل قويه وخاصه دخول المنازل



يا اخواني البدون

انا ماقول لاتسوون مظاهره ولا طالبون بحقوقكم

لا

انا اقول لكم الحق بس مو بالطريقه هذي

اللي استاء منها اشخاص كثيرين كانت تتعاطف مع قضيتكم

ياخوان نصيحه مني لكم حافظوا على الجزء المتبقي من تعاطف الناس

و

الشي الاهم اللي بقوله

و اللي كتبت الموضوع على شانه

اشوف بعض البدون قام يضرب ابناء القبائل بطريقه مباشره وغير مباشره

ولاحظت هالشي من اشخاص بالمنتدى

يعني على سبيل المثال

واحد يقول المزدوجين

والثاني يقول وين الجويهل عنكم

واللي نعرفه ان الجويهل يضرب ابناء القبائل ويتهمهم بالمزدوجين

فكان المقصود من كلامهم ابناء القبائل

واضحه :D

بس صدقوني بالطريقه هذي ماراح تلاقون اللي يوقف معاكم .


نرجو من الساده البدون تحكيم العقل ;)

 

الشبعان

عضو فعال
خربوها الله يهداهم ,,

انا معاك ان التوقيت غلط والتصرف غلط ,,

ولاكن الله يفرج عليهم ان شاء الله ماننكر انه مشكلتهم انسانيه ,,
 

KFC

عضو فعال
أي شخص قاعد خلف جهاز ما تدري اهو كويتي فعلا او بدون فعلا

والانسان المحترم يبقى محترم والذكي لا ينخدع بسهولة
 

.. عصآمية *

عضو مخضرم
وبالنسبه لاحداث الصباحيه انا اقول انها تختلف بشكل كبير عن كل الاحداث اللي صارت لعدة اسباب

اولا شي غريب وحديد على الناس ومنظر ماتعودنا عليه

ثانيا تعسف القوات الخاصه بشكل غير طبيعي

ثالثا تم دخول المنازل

كلهآ صآرت للبدون

و بـ خصوص يضربون آلقبآئل ، حتى آلكلآب من أبنآء آلشبكه

تمآدى و يقول آلبدون هكره و معرفيش ،‘

**********

لاكن بكل صراحه بعد اللي صار بالمظاهره اللي اشوفها من وجهة نظري غلطه

سواء بالتوقيت او بالاحداث اللي صارت مثل تكسير الدوريات وحذف الصخر على رجال الامن

اشوف انكم خسرتو كثير من الناس

أتفق معآك بـ هذاآ

و الله يعطيك آلعآفيه
 
بالنسبه للتحذيف

لا تلومهم انت اذا كنت صاحب حق وجاك واحد صفعك على وجهك ونت تطلب حقك

هل تنزل راسك الارض وتذهب الى امك؟ ام تقول لا استطيع ارجاع الصفعه وتواصل تضاهراتك


اخواني لا نستطيع الحكم بشكل سريع انا ضد المضاهرات لكن مو معناتها لا ابوح بالحق لانني ضد

بالنسبه للقبايل انا بدون وقبلي ولا احب مذهب الشيعه لكن احب الشيعه فا فيهم اصدقاء لنا كثير

يعني امس كلنا شفنأ البدون الي كلم ابو عيده وقاله نبي نوابنأ الشيعه

والله كلنا زعلنا من هالكلمه وين قاعدين نوابنا ونوابكم كل النواب فيهم الخير والبركه

وهالعنصريه مانبيها ولا نقبل فيها في ديرتناأأأ الحبيبه


فا ياخوي اتمنا عدم التعميم في كلامك

مودتي لك
 

عبيط

عضو ذهبي
بالنسبه للتحذيف

لا تلومهم انت اذا كنت صاحب حق وجاك واحد صفعك على وجهك ونت تطلب حقك

هل تنزل راسك الارض وتذهب الى امك؟ ام تقول لا استطيع ارجاع الصفعه وتواصل تضاهراتك


اخواني لا نستطيع الحكم بشكل سريع انا ضد المضاهرات لكن مو معناتها لا ابوح بالحق لانني ضد

بالنسبه للقبايل انا بدون وقبلي ولا احب مذهب الشيعه لكن احب الشيعه فا فيهم اصدقاء لنا كثير

يعني امس كلنا شفنأ البدون الي كلم ابو عيده وقاله نبي نوابنأ الشيعه

والله كلنا زعلنا من هالكلمه وين قاعدين نوابنا ونوابكم كل النواب فيهم الخير والبركه

وهالعنصريه مانبيها ولا نقبل فيها في ديرتناأأأ الحبيبه


فا ياخوي اتمنا عدم التعميم في كلامك

مودتي لك

اول شي شنو هالتشبيه طراقات وتكفخ :D تشبيهك غلط اخوي الامور ماوصلت لهدرجه

وبخصوص التعميم انا ما عممت انا قلت البعض بارك الله فيك

اتمنى تقرا الموضوع عدل قبل ماترد :وردة:
 

عبيط

عضو ذهبي
كلهآ صآرت للبدون

و بـ خصوص يضربون آلقبآئل ، حتى آلكلآب من أبنآء آلشبكه

تمآدى و يقول آلبدون هكره و معرفيش ،‘

كلها صارت للبدون ما اعتقد وانا اتكلم عن احداث المظاهره ماشفنا اقتحام منازل

ولا اللي صار شي جديد اعتقد تعودنا على تعسف وردة فعل القوات الخاصه

وسالفة السب او التجريح

الاولى انك تحكم عقلك بالرد لانك انت من يريد ان يكسب الناس

ثاني شي احد يسبني اروح اسب فئه كامله اقل شي اسبه اذا انا ناوي اسب
 

عبيط

عضو ذهبي
أي شخص قاعد خلف جهاز ما تدري اهو كويتي فعلا او بدون فعلا

والانسان المحترم يبقى محترم والذكي لا ينخدع بسهولة

والله كلامك عين العقل

لاكن لنفرض انهم مو بدون

يبقى الموضوع تنبيه

شاكر مرورك :وردة:
 
انا معك لكن اسباب تهجم الكويتيون البدون ع ابناء القبائل
1- ماتوقعوا هذي الوقفة منهم لانهم المفروض اول الناس معاهم
2-اين اعضاء مجلس الامة من ابناء القبائل اذا استثنينا ابو حمود وابو رمية لكن مسلم هو وابو رمية لا يمثلون مطير بل يمثلون الدائرة الرابعة
3- استهزاء ابناء القبائل فينا لانه هم من قبائل جنوبية ونحن شمالية
وللكلام بقية..........................................................
 

.. عصآمية *

عضو مخضرم
كلها صارت للبدون ما اعتقد وانا اتكلم عن احداث المظاهره ماشفنا اقتحام منازل

ولا اللي صار شي جديد اعتقد تعودنا على تعسف وردة فعل القوات الخاصه

وسالفة السب او التجريح

الاولى انك تحكم عقلك بالرد لانك انت من يريد ان يكسب الناس

ثاني شي احد يسبني اروح اسب فئه كامله اقل شي اسبه اذا انا ناوي اسب


شفنآ بآلصور قنآبل دخآنية دآخل آلمنآزل و تخيل آلموقف جهآل و ينقط عليهم شيو يطلع منه دخآن

و معآك مفروض مآ يردون عليهم بآلمثل ، لكن مو كل آلنآس تمسك أعصآبهآ

قآتل الله آلغضب
 
انا معك لكن اسباب تهجم الكويتيون البدون ع ابناء القبائل
1- ماتوقعوا هذي الوقفة منهم لانهم المفروض اول الناس معاهم
2-اين اعضاء مجلس الامة من ابناء القبائل اذا استثنينا ابو حمود وابو رمية لكن مسلم هو وابو رمية لا يمثلون مطير بل يمثلون الدائرة الرابعة
3- استهزاء ابناء القبائل فينا لانه هم من قبائل جنوبية ونحن شمالية
وللكلام بقية..........................................................


اخوي هاملت انا شمالي وربعي من اهل الجنوب ونعم البشر لايغرك اللي مسجلين بالمنتدى باسماء جنوبيه تراه تسجيل في تسجيل واساسا داخلين المنتدى للغرض اللي وصلك وخلاك تكتب موضوع عن اخوانا اهل الجنوب

ترا اللي جنسهم شيخ واشهد انهم رجال ونعم رجوله ونخوه وعلوم رجاجيل ..

واشكر صاحب الموضوع الاخ عبيط على طرحه الحلو
:وردة:
 

عبيط

عضو ذهبي
انا معك لكن اسباب تهجم الكويتيون البدون ع ابناء القبائل
1- ماتوقعوا هذي الوقفة منهم لانهم المفروض اول الناس معاهم
2-اين اعضاء مجلس الامة من ابناء القبائل اذا استثنينا ابو حمود وابو رمية لكن مسلم هو وابو رمية لا يمثلون مطير بل يمثلون الدائرة الرابعة
3- استهزاء ابناء القبائل فينا لانه هم من قبائل جنوبية ونحن شمالية
وللكلام بقية..........................................................

اخوي لاتنظر للقله ولا تؤاخذنا بما فعل السفهاء منا

اما اعضاء مجلس الامه للاسف انا اللي ماتوقعتها منك

وين راح محمد هايف والدقباسي والمسلم والوعلان ؟

اما سالفة قبائل جنوبيه وشماليه هذي لا تعليق
 
تكملة ............
4- تبني الاعضاء والقنوات الشيعية للقضية
5-وقنواتكم الي تقولون عنها قنوات صوت الشعب لم تذكر ولو خبر عن المظاهرات الحقيقة وكاظمة يعني ما اعتقد ان الوسمي لحالة يسوا البدون عندكم الان اصبحت قنوات البدون الصباح وسكوب والعدالة
 
اخوي لاتنظر للقله ولا تؤاخذنا بما فعل السفهاء منا

اما اعضاء مجلس الامه للاسف انا اللي ماتوقعتها منك

وين راح محمد هايف والدقباسي والمسلم والوعلان ؟

اما سالفة قبائل جنوبيه وشماليه هذي لا تعليق

محمد هايف والمسلم والوعلان بقضية الوسمي ما في قناه الا وسولف عنها ومنو الاهم لك انت كمحايد
اما الدقباسي فاني اشيد به

لقد صدمنا كثيرا ولن نكن نعرف هذه النظرة منكم
 
أعلى