البنك الوطني وجشع مابعده جشع

[إلا الدستور]

بنك الحراميه مو غريبه عليه
​

 

[قلم شريف]

بصراحه بيت التمويل من افضل البنوك وما فيه تلاعب ولعانه مثل البنك الوطنى وشرق الاوسط
ولون ان الاخير غير ولبس الثوب الاسلامي ولكن لايزال يريد ان يمص دماء الكويتين
نصحية من واحد مجرب اسحبوا كل حساباتكم وحولوا رواتبكم لبيت التمويل الكويتى
وانا شخصيا صار لي شهرين محول راتبى من بعد ماكنت فى بنك شرق الاوسط وطلعت منهم
والحمد لله ارتحت نفسيا الان الراتب كان اول ما ينزل يهجمون عليه كانهم وحوش كل واحد يبى ياخذ من نصيبه
واجعلوها حملة على البنوك الربوية التى ماصت دماء الكويتيين منذ سنوات طويله
ونقول لهم كفايه كفايه وعساكم تعلنون خسارتكم

 

[مقص الرقيب]

السلام عليكم ...

اتصلت على البنك النصاب الوطني ، حتى الغي الخدمه بعد تاكيدكم

انهم قاموا برفع قيمة خدمة SMS الي عشر دنانير ، لكن موظفين الخدمة

مشغولينن نطرت 5 دقايق وسديت الخط الظاهر الكل يتصل وقاعد يلغيها


عموما باجر الغيها .. الله وهالخدمه كلها مسجين بالشهر ...

1- نزل المعاش

2- اختفى المعاش

بعد تبون تبوقونه


بارك الله فيك اخوي مطيري حر على التنبيه

:وردة:
​

 

[q81963]

فعلاً دقيت عليهم وقال لي اي نعم من 1-3-2011 راح يستقطع 10 دنانير بالسنه وكنسلتها .

 

[أبو سديم]

خليت الموضوع كله وركززت على البدليه

لبى قلبك :وردة:

أنا أقول لازم يكون هناك مقاطعة لكل من يرفع السعر .. ويكون لها تنظيم في الشبكة الوطنية وفي الفيس بوك .. ويدرج اسم أي منتج أو أي وكيل يرفع السعر وبالتالي نقوم نحن الموطنين بالمقاطعة الفورية فور ادراج اسمه .. وقتها يا مطيري حر والله أن يتنافسون التجار في خفض الأسعار، والله أن يحسبون لمثل هذه المواضيع ألف حساب وأن مايصير فيه تلاعب بالأسعار ..
الشغلة تبي تنظيم فقط .. تبي واحد يتبرع ويسوي صفحة في الفيس بوك باسم ( قاطعوهم ) ويعلن عنها هنا وانتهى الموضوع .. ولكن من لها ؟؟

 

[الخارجي]

شنو توقع من بنك يعطيك المنحه مقدما ويخصم 30 دينار
بنك ربوي ماعليه شرهه
عليك بالامان والاطمأنان
بيت التمووووويل وقطع

 

[الصمت1]

10 من 400000 عميل

اربعه مليون سنويا لازم حمله مقاطعه للبنك

 

[menkom]

وانا افكر اروح بوبيان .. لانى لم اعد اطيق اى شىء يقترن باسم الخرافى

 

[عزيزة النفس]

الحمدلله اني عالتمويل كلها دينارين بالسنه
نصابين عيني عينك شنو 10 دنانير كل هذا طمع ما يشبعون من الفلوس هم فوق الربا هم بوق

حراميه

 

[أنا رايق]

ودي أطلع بس علي 45 الف كيشوه لي وابشروا بسبقكم للتمويل ​

انا بروووووح الاهلي المتحد افضل من التمويل بكثير

 

[فوازالمطيري]

اخواني انا توني لغيت الخدمه بس اللي ابي اعرفه العشره سنوي ولا شهري

 

[عزيزة النفس]

اخواني انا توني لغيت الخدمه بس اللي ابي اعرفه العشره سنوي ولا شهري

سنوي ..


’

 

[نـ NAWAF ـواف]

لاحول ولاقوة إلا بالله


ان شاءالله , بلقيها

وشكرا للاخ كويتي على التنبيه !!!!

 

[نـ NAWAF ـواف]

لاحول ولاقوة إلا بالله


ان شاءالله , بلقيها

وشكرا للاخ كويتي على التنبيه !!!!

عفوا ً شكرا لك يامطيري حـــر :وردة:

 

[كـويتي]

شفت الموضوع وعلى طول كلمت البنك والغيت الخدمة ​

صج الرسايل حلوه ومفيده ​

لكن الطمع والجشع موحلو ​

 

[احمد لكويت]

شهالمصخرة

وين وزارة التجارة عنهم ولابس شغلهم على المحلات

هذا بوق عيني عينك

 

[عذبى المطيرى]

حنى مو منظمين الكل يبى ياكل من المواطنين ياخى ماشفت نفس التجار هنى

يتسابقون على اكل المواطن ليش مايحسون ان هذا ابن وطنه ياخى استفيد لكن بالمعقول

ويقولون الوطنى انفع ايه انشاء الله خير​

 

[ولد أبوحليفة]

الحل بسيط

والجواب موجود ..وقديم

قال تعالى ((يمحق الله الربى ويربي الصدقات))..

 

[ابداعي]

نا كنسلت الخدمة من يومين ... لان واضح ان الموضوع طمع فوووق الحد المعقوول ...

عشر دنانير عشان مسجات ويا ليتها تكون بوقتها .؟. والله المعاش ينزل واصرف منه وبالموت يجيني مسج منهم على بعض العمليات ... وغالبا التاخير الغير طبيعي ... يعني ممكن ينزل معاشي اليوم مثلا ولمسج يجيني اليوم الثاني ؟؟

 

[عزوز الاقرع]

خدمة اختياريه و ليست اجباريه ....
يعني انت حر تبي الخدمة ... و مو مغصوب عليها.

و كفايه افتراء على البنوك الكويتيه.

مو عاجبكم الوطني ......عندكم بيت التمويل....او عندكم مصرف الراجي... اقرب.

نسيت هناك بنك الرافدين...