كلاش حبيبى
يعنى والنعم فيه وما قلنا شى
بس الرمز احتراما لانه يبقى رمز لازم يسوى شى مو بس قاعد على انه رمز
حلو لازم يسوي شي ...
اخوي السعدون سوا كل شي للناس و الديمقراطيه
الحريه الي انت او انتي فيها الحين ...جزء كبير منها يرجع له
يعني شنو تبيه يسوي اكثر لك ... اهو صنع لك الحريه و اهو صمام الامان ضد اي شخص يتجرا و يحاول يصادرها من الكويتين ....
ترا المحافظه علي الدستور هي انجاز بحد ذاته ... طبعا في اشياء ثانيه اقدر ادش فيها بس عندي هذي كفايه و مفروض تصك افواه الابواق المؤجوره بالمنتديات و الجرايد !!
تدري لو السعدون يطلع من المجلس .... دستورك سلم عليه باي باي
بنصير دوله الدستور كل يومين يتغير فيها علي حسب اهواء الحراميه @@
باي .:إستنكار:
ماشالله ... بس ممكن توضح لي شلون؟؟
على حسب علمي بان عبدالله السالم رحمه الله هو من شرع الدستور والديمقراطيه في البلد.. بس ما عندي فكره عن دور السعدون في الجزء الكبير من الديمقراطيه الي علمها.. ياليت توضح لي .. بصراحه ودي اتجه له و اشكره على ما فعله بس لازم اعرف شنو فعل اول ؟
تقول لو السعدون يطلع من المجلس سلم على الدستور.. وانا اقول سلم لي على مشاركتك الحلوة...
يعني الديمقراطيه في الكويت مربوطه بشخص واحد فقط؟؟ و باقي 49 عضو تكملة عدد في المجلس.. عيل شبصير فينا لي مات السعدون باجر (بعد الشر)...
داش تمدح بالسعدون... طيب لا تعطينا كلام وبس ... عطنا حقائق و ارقام.. ممكن؟؟ ولا داش تخربط علينا و تطلع عشان جم واحد مدح لك السعدون.؟.
حسب ما ذكرته الزميلة الرؤية فإن العرق الميت لا يزال ينبض في فكر العم أحمد السعدون، فهو قد صرح بأن »المشكلة في الكويت تكمن في عدم ايمان البعض بالدستور والحياة النيابية«!!.
ونحن نسأل العم هل تردي التعليم عندنا سببه عدم ايمان البعض بالدستور، أم أن المصيبة الاسكانية التي عجزت عن حلها لجنة العم أحمد السعدون الإسكانية أتت بسبب عدم ايمان البعض بالحياة النيابية؟!
وهل بذاءة الحوار عند بعض نواب التكتل الشعبي أتت بسبب عدم إيمان البعض بالدستور؟!
وهل انحدار مستوى الرياضة في الكويت سببه عدم إيمان البعض بالحياة النيابية كذلك؟! أم أن تحول الكويت إلى أكبر مركز للمخدرات يعود لعدم إيمان البعض بالدستور؟!يا عم بوعبدالعزيز مصدقينك، والله العظيم مصدقينك عمياني بس PLEASE قل لنا بصوتك الجهوري من هم هؤلاء البعض الذين دمروا الكويت خلال أربعين عاماً من الديموقراطية عبر عدم الإيمان بالدستور والحياة النيابية!!.
وراس عبدالعزيز الغالي قل لنا من هم هؤلاء البعض كي نخنقهم بأيدينا بدلاً عنك.
ونحن والله ثم والله لم نعد نلومك على ما تقول، وإنما نلوم الأغبياء الذين لا هواية لهم سوى تصديق مالا يصدق واعتبار بعض الدعاوى آيات منزلة.
وهيك غباء بدّو هيك.. كاريزما
منو شاف جريده الراي قبل كم شهر لما سمو الامير زار السعدون في بيته و كانت الصوره في الصفحه الاولي و كان فوقهم صوره تسليم الدستور
هالصوره كافيه باسكات كل الابواق المؤجور في الصحف الي تحاول تهاجم التكتل الشعبي باي صوره رخيصه ممكنه
وهل الصوره دليل و حب وأنسجام مع مع المواقف البعض !!
تعرف منو يكون السعدون
حلو لازم يسوي شي ...
اخوي السعدون سوا كل شي للناس و الديمقراطيه
الحريه الي انت او انتي فيها الحين ...جزء كبير منها يرجع له
يعني شنو تبيه يسوي اكثر لك ... اهو صنع لك الحريه و اهو صمام الامان ضد اي شخص يتجرا و يحاول يصادرها من الكويتين ....
ترا المحافظه علي الدستور هي انجاز بحد ذاته ... طبعا في اشياء ثانيه اقدر ادش فيها بس عندي هذي كفايه و مفروض تصك افواه الابواق المؤجوره بالمنتديات و الجرايد !!
تدري لو السعدون يطلع من المجلس .... دستورك سلم عليه باي باي
بنصير دوله الدستور كل يومين يتغير فيها علي حسب اهواء الحراميه @@
باي .:إستنكار:
قوة منسى
تونى اقرى ردك لى
بس توقفت عند عبارة حلوة اتقول فيها :- الحرية اللى انت او انتى فيها الحين ؟؟
زين ممكن اتعلمنى انت شنو ودك انا اكون ؟ علشان اقدر ارد عليك هذا شى
والشى الثاني شنو انت ما اتشوف الاسم شنو اللى قاعد يحاجيك انا مادرى شوقلك صراحة
وبعدين ماشاء الله عليك اشوف كلمة الحرية قاعد تستخدمها بلسانك وان السعدون اهو اللى عطانا الحرية
شسالفة يا اخوى تكلم عدل ولا يسمعك احد من بره الديرة عباله الديرة مستعبدة الله يخليك اوزن الكلمات والعبارات قبل لا تكتبها بالمنتدى واذا ما انت ما اتعرف توزن الكلام يا اخى لا تتكلم صدقنى يكون افضل ومحد راح يعيب عليك اما انك اتقول كلام مو صحيح والله عيب الكلام اللى اتقوله .
اسفين علي سوء الفهم ... خلاص مغبر مو مغبره..اوكي
ابيك تكون مثل ما انت ... ما اتحب اي شي اشارك فيه ..
بالنسبه للسعدون .. و الله هاي وجهت نظري .. اعتقد الفضل الكبير في مؤتمر جده و عوده الحياه الديمقراطيه في الكويت يعود له و للابطال الي وقفو معا ال الصباح
الدستور اهو امان المجتمع لانه اهو الي كافل الحريه الي احنا فيها
اكثر شخص حافظ علي الدستور اهو احمد السعدون وم اعتقد في شخص فاهم بالسياسيه ينكر هالشي
و اخير بليييز لا تفتج موضوع المكلسن ...صار مغبرررر شوي
باي بروح انام
المنسى
ها قمت من النوم
شفت اشلون انا وياك
مرات نكون بنفس الراى ومرات نختلف بالراى
شوف انت اتشوف السعدون من وجهة نظرك صح وانا احترم وجهة نظرك
وانااشوف السعدون من وجهة نظرى وهم المفروض انت تحترم وجهة نظرى صح ولا لاء
اتصدق انا السعدون خلال السنتين اللى طافو اللى شفته :-
1- لابس البشت وساكت .
2- اذا تكلم صدقنى مو اتهام له بالعكس حقيقة ياخذ الدور من احد الزملاء
شفت شنو يسوى ياخذ الدور من احد الزملاء
تدرى شنو يعنى الكلام هذااااااا
يعنى انه ما عنده جدول اعمال للمجلس ولا عنده خطط او مقترحات او رؤية ( رؤية هذى مو اللى معانا بالمنتدى ) .
عرفت ولما ياخذ الدور من احد الزملاء يقوم اهااااا تعال اسمع عاد الاسطوانة القديمة( تذكرت البشتختخة مالت عبدالحسين عبدالرضا فى درب الزرق )
المهم اتصور انك عارف شنو يسوى وشنو يقول المهم ما اطول عليك هذا اللى شفته انا صراحة
وما شفت انه تعب نفسه وحجز دور من اول الصبح علشان يتكلم او علشان يطرح موضوع معين
بس قاعد اكح بروح اشرب ماى
و الله اخوي رايك انا احترمه
اكيد هالنقد ما اتي من فراغ .. انت قاعد تركز علي فتره اقصر من الفتره الي انا قاعد اتكلم عنها
نظرتي للسعدون في دائره اكبر من الدائره الي انت تنظر له فيها
انا اشوفه مثل الصمام ...عدم وجوده راح يسبب خطر كبير علي الدستور
انا اشوف هالدور يغنيني عن عشرين نائب حكومي بصام و لا نائب ما يعرف اهو ليش ياي المجلس ..طالع من الفرعيه رواسي علي الكرسي
و لا ناس طائفين ما عندهم هم الا ليش منعت الوزيره كتب يتم تكفير الشيعه فيها ,,
ولا و لا الي اخره من النواب الديكور ,, السعدون ..عندي اهو عراب المجلس ..مافي داعي يتكلم ,, خله يقعد فزاعه تخرع الحراميه و الي يبون يسلبونا الشي الوحيد الزين الي صار لنا من اربعين سنه
سلام .. بروح ايييب المخمه و اخم الكمبيوتر غبر
شوف المنسى
عندى اقتراح بسيط اشرايك
احنا جربنا السعدون بالمجلس عدل
خل انجرب المجلس من غير السعدون
وبعدين لكل حادث حديث اشرايك
اتصور جذيه ماراح نختلف عدل
يعنى احنا جربنا السعدون
ونبى انجرب المجلس من غيره
وجذيه انعرف القوة اللى كانت موجودة زين
اشرايك على الفكرة
مو خوش فكره
جربناها قبل الغزو و صار الغزو
ما بي اجربها الحين..
المؤمن لا يلدغ من جحر مرتين