منو اصوتله بالخامسه ساعدوني

[كويتيه حرهـ]

السلام عليكم يااخوان وياخوات

تكفون شيروا علي منو اصوتله بالخامسه >> ترى مرتفع ضغطي من

كثر التفكير

ماابي اغلط نفس المره اللي طافت >> كل اللي عطيتهم صوتي

انبطحوا بالمجلس وتلحفوا بعد

ولحد يقولي منهم >> ماابي اتذكر خيبتي

ع العموم امانه عطوني اسماء اللي يستاهلون ومايغثون الشعب^_^
​

 

[ابعتذر]

لا أزكي على الله أحدا

لكن من ناحيتي اختي الكريمه

الطاحوس

الصيفي

الصواغ

هذولا شرفونا بالمجلس السابق

 

[Way one]

بعد ظهور نتائج الفرعيات ( آسف جدا" .. أقصد التشاوريات ! ) وقتها تتبين لنا خارطة المرشحين الرسميين بوضوح ..

والدائره قبليه بإمتياز . وأعتبرها مغلقه في ثمان مقاعد ( 4 للعوازم + 4 للعجمان ) ويبقى التنافس الحقيقي على مقعدين فقط ..

أنصحك كأخت عزيزه .. وزميله أن تصبري قليلا" إلى أن تظهر نتائج الفرعيات . وبعدها لكل حادث حديث ..

وزميلي العزيز .. الذي ذكر النواب السابقين الثلاثه . بالفعل كلامه صحيح , هم أفضل من مثل الدائره في المجلس السابق .. لكن هل يخرجوا ناجحين من فرعياتهم ( آسف مره أخرى .. أقصد تشاورياتهم ) ..؟ إن خرجوا ناحجين من تلك التنافسيات , بإعتقادي هم الأفضل ,, ولانزكي على الله أحدا" ..

لكن أحذري تجار الأصوات . وهم معروفون بالدائره ..

وكلامي صواب يحتمل الخطأ .. وخطأ يحتمل الصواب ..

 

[دائرة واحدة]

لا أزكي على الله أحدا

لكن من ناحيتي اختي الكريمه

الطاحوس

الصيفي

الصواغ

هذولا شرفونا بالمجلس السابق

+ النملان

بدون أي تردد ،،فهؤلاء مجربين وضحوا بكرسيهم ويستحقون الصوت

 

[O^ALLaH]

حالياً مايبين

وبالنسبة اللي يقول الصواغ والصيفي والطاحوس

انا معاك بشرط !

اذا قبائلهم رشحوا 4 لكل من العوازم والعجمان غير هذولي يجب علينا الوقوف معاهم اما اذا دعمتهم قبايلهم نشوف غيرهم لانهم ان شاء الله مدعومين

بنحاول نطلع اكبر قدر من يمثلونا خير تمثيل


واحب اقولج اختي بعد التشاوريات راح يبين من تصوتين


تابعينا

 

[العفار]

فلاح الصواغ
عايض بوخوصه
الصيفي مبارك
خالد الطاحوس

 

[الزناتي]

نصيحه ناصر المري يستاهل الصوت

 

[ساهر الليل]

اذا نزل عبدالله عكاش يستاهل الصوت

 

[دائرة واحدة]

نصيحه ناصر المري يستاهل الصوت

مو ناقصين تجّار بالمجلس

 

[الزناتي]

علي الاقل انسان ولله الحمد شايف نعمة ومومحتاج يبيع ضميره عشان وسخ دنيا وتفكيره لمصلحة الوطن والمواطن

 

[الزناتي]

مو ناقصين تجّار بالمجلس

هذي مشكلتك بس النصيحه اعرف الرجل اولا وبعدين احكم عليه ناصر المري من الرجال اللي يخافون ربهم ولا ازكيه علي الله

 

[ابــو دانـــه]

خالد الطاحوس

صيفي الصيفي

فلاح الصواغ

والرابع عايض بوخوصه او خالد شخير المطيري او الحميدي السبيعي او عبيد الوسمي اذا نزل بالخامسه


صوتج امانه ​

 

[ربع دينار]

صوتي حق الافضل للكويت

وانا عن نفسي اشوف

للوقت الحالي هم

الصيفي

الصواغ

الطاحوس

النملان


وعسى ربي يوفق كل من له قلب على هالبلد وعلى شعبه



:إستحسان:​

 

[BMW]

خذي نصيحتي وراح تدعين لي باذن لله

الطاحوس
الصيفي
فلاح الصواغ
النملان او البرغش

هذولي سيوف مجربة ماراح تندمين

 

[المتقاتلون]

اذا نزل خالد الطاحوس والصواغ والصيفي والنملان بره الفرعي لازم نصوتلهم
لانهم يستاهلون وشرفو المجلس وضحو بالكرسي ولازم نردلهم جميل هالتضحيه
اما اذا نزلو بتشاوريه القبيله ونجحو على قوله الاخوان ماعليهم خوف
بس الخوف على الي بره التشاوريه
اضافه الى الحميدي السبيعي يستاهل الصوت ودكتور خالد شخير يستاهل الصوت
ولي تحفظ على بوخوصه لازم نشوف ندواته ونسأله كم سؤال
اتمنى اشوف قائمه فيها الطاحوس والحميدي وخالد شخير او دكتور عبيد وبوخوصه او اي واحد قوي
واحذرو احذرو من اتباع احمد الفهد واتباع التجار مثل الكندري وناصر المري
واهم شي الحيه الرقطه عصام الدبوس ديرو بالكم منه

 

[نمر]

اختي الكريمة اهم شي الأمانة في الصوت لمن يستطيع حملها
وقد مرت الكويت في أزمة لم يسبق لها مثيل !!
لذا يجب على الجميع الإتعاض وأخذ العبر ممّن باعنا وباع الكويت فنحاربه
ومع من عانى وتحمل المشاق وحمل الأمانه وحافظ عليها فنقف بجانبه ونزكيه
حتى الآن وبعد التجربة المريرة التي مررنا بها في السنوات والأشهر والأيام الماضية
ليس هناك أفضل من الأعضاء الأربعة الذين صدقوا ماعاهدوا الله عليه ونسأل الله لهم الثبات
وهم ؛
-الصواغ
-الصيفي
-الطاحوس
-النملان
واكرر !! النملان
لأني أرى البعض يتجاهله ولا أدري مالسبب ؟؟
علماً انه وقف مع اخوانه في كل ما مشوا فيه وطالبوا به وفي كل مامن شأنه المصلحة العامة
هؤلاء جربناهم ,, والنعم فيهم ونتأمل الخير أيضاً في الآخرين
وسلامتج من كل شر​

 

[راكز]

هذي مشكلتك بس النصيحه اعرف الرجل اولا وبعدين احكم عليه ناصر المري من الرجال اللي يخافون ربهم ولا ازكيه علي الله

بس الخرافى يحركه (شركة نور)

 

[راكز]

الصواغ..الصيفى..الطاحوس...الحمدان
ديرى بالج من مرشح الهواجر وعتيبه

 

[باروود]

الصواغ..الصيفى..الطاحوس...الحمدان
ديرى بالج من مرشح الهواجر وعتيبه

شمعنى مرشح عتيبة

ومنو المرشح الى تحذر منة فى قبيلة عتيبة اخوى راكز
​

 

[العفار]

الصواغ..الصيفى..الطاحوس...الحمدان
ديرى بالج من مرشح الهواجر وعتيبه

من تقصد من مرشيحن عتيبه والهواجر ؟؟ ممكن توضح لنا