سر الرقم الغريب

الحالة
مغلق و غير مفتوح للمزيد من الردود.

الرحال

عضو بلاتيني
اشتكت لي أم العيال- بارك الله فيها - من رقم موبايل غريب مزعجها ويتكرر عليها
وهذا الرقم من غير أرقام شركاتنا المعروفة و يبدأ ب 00919
وقالت إنها لماردت عليه اول مرة رطن واحد معها بلغة عربية مكسرة وقال لها لاتسكرين الهاتف !
لكن هي بحمد الله( تربيتي:) ) سكرت الخط بسرعة وما عطته فرصة

لما علمتني قلت لها زين سويتي –هذه أرقام سحرة ومشعوذين يتصلون عشوائيا ويشيرون أرقام و يوهمون الواحد إنه فيه سحر أو جن وأنهم راح يعالجونه بشرط انه يحوللهم فلوس وفيه ناس تصدقهم للأسف الشديد
المهم هذا الخبيث متولجها الحين والله إني أفكر أغيررقمها
حسبي الله عليه ونعم الوكيل
اللهم اكفينه بما شئت
اللهم إني أعوذبك من شره وأضعك في نحره
اللهم رد كيده إلى نحره واجعل تدبيره تدميره
اللهم أشغلهم أنفسهم --يارب --- يالله
إخواني –أخواتي :

ذكرت لكم هذه الأمر الشخصي من بااااااااب التحذير والتنبيه فدربالكم الله يحفظكم ويسترعليكم

للفائدة / ابحث في جوجل عن 919 ستجد معلومات ومعلومااات
 

الشراري

عضو مميز
افضل حل افتح الجوال واتركه على اطاوله
وكل مادق التلفون افتح الخط وحطه على الطاوله
هذا افضل حل لكن انك توفر عليه وتعطيه مشغول مو خسران شي راح يدق عليك
لكن اذا شاف الخساره اخرته بيخليك
 

فلسفة

عضو بلاتيني
نفس الشي صار لي 
رقم يدق علي من سنيــن للحين مع اني ولا مره رديت عليه لكن ما يأس ولما بحثت عن بداية رقمه فتح خط لأي دولة طلع من السنقال
 
وأرقام من تونس الظاهر على بالهم أنا زين العابدين :) 
 

خـالد

عضو بلاتيني
حلوه هذي السحر المسموع ، الحين بقوم اصدقها لانه موجودة بقوقل وعشان واحد كاتبها بموضوع بمنتداه ههههه
 

نجلآء

عضو ذهبي
مره دق جوالي وانا نايمه ورديت ومانتبهت ع الرقم

طلع لي واحد لهجته كانها مغربيه او تونسيه ما افرق بينهن

وقعد يخربط علي يقول انتي مسحوره ومدري ايش

وصكيتها بوجهه

وعقبها ابلشني ابلاش .. صرت اعطيه بيزي لين ما طفش :D
 

واضح

عضو مميز
الحل عندي طال عمرك :)


مادري شلون اوضحلك فيه ناس اذا دقيت عليهم يطلعلك اغنيه او قرأن

انت اعمل الحركه هذي حط اية الكرسي بحيث لما يتصل عليها اي شخص يسمع اية الكرسي


وبهالطريقه ينقشع بأذن الله
 

بنت المملكة

عضو مميز
سحر وشعوذه هههههههههههه

أنا عكس العالم مره أتصلت على رقم غريب طلع لي موقع تعارف على اساس ان المتصل رجال ويبغى يكلم بنات
لتحدث مع كذا او كذا
فتيات الملتهبات ومااادري ايش ههههههههههههههه
سحبوا مني حولي27 ريال
فتح الخط بس لحاله ريالين
 

الوهم

نائب المشرف العام
طاقم الإشراف
25. يمنع رفع المواضيع سواء من قبل نفس الكاتب أو غيره بدون إضافة حقيقية أوجود مستجدات على صلة بالموضوع.

مغلق .
 
الحالة
مغلق و غير مفتوح للمزيد من الردود.
أعلى