يقولون
الفضول قتل القطوة
وأنا أقول القطوة ما قتلها
إلا سايق الباص المسرع
اللي ما يشوف الطريق
حسبي الله عليه!!
أحترت وين أحط هالموضوع
في المنتدى السياسي
و الا في المنتدى الحر
قلت خل احطه في المنتدى الاجتماعي
علشان ياخذون الشباب والشابات راحتهم فيه
الموضوع ببساطة عن الفضول
كم مرة قلت
أموت وأعرف كذا و كذا
اموت وأعرف فلان وين مختفي
أموت وأعرف فلانة شتسوي
وهكذا
بس خلونا نكون راقين شوي
ونستفيد
لا نجعل الأمور شخصية وتافهه
ولا تهم إلا الشخص نفسه
خلونا نتسائل عن الكثير
من الأمور اللي حصلت وليلحين ماندري
شاللي صار
وليش
ووين
وشحقه
---------
خلونا نبدأ
على بركة الله
----------
أموت وأعرف شاللي قالوه حق مختطفي الطائرة الجابرية في الجزائر قبل لا يغادرون الطيارة
**
أموت وأعرف شاللي غير رأي عواد برد من قانون حقوق المرأة السياسية
**
أموت وأعرف ليش أنسحب منتخب العراق من كأس الخليج 1982 من أمام منتخب الكويت
**
أموت وأعرف ليش سعد الفرج ما يمثل مع حسين عبدالرضا مثل قبل
**
أموت وأعرف ليش أحمد الفهد بالذات يسوق سيارة الأمير إلى مجلس الأمة
**
أموت وأعرف ليش فؤاد الهاشم كان يشوف نهلة سلامة حلوة
**
أموت وأعرف ليش نجم عبدالكريم ترك الكويت وعايش برا
**
أموت وأعرف ليش جريدة الجريدة حطت الرياضة في الصفحة الأخيرة
**
أموت وأعرف ليش وزارة الإعلام مانعه أم بي سي أف أم تقوي إشارتها حق الكويت
**
وغيرها في القادم من الأيام