سؤال وجواب شباب تكفون على وجه السرعه للضروره جدا

ك

كويتنا3

عضو فعال
شباب انا لي 8 سنين فيني مرض ماقدر لا اصلي ولا انام





ماخليت دكتور طب ماراجعته يقول مافيك شي






تعالجت عن 2 دكاتره نفسيين عصام الانصاري وغازي العتيبي ولا شفت نتيجه تعالجت عندهم اكثر من شهر






المهم انا بداية مرضي كانت بالمسجد طحت هناك وبدأت المأساه






ودي أنتحر تكفون ساعدوني






أبي رقم الشيخ عبدالرحمن السديس ودي أكلمه في مصيبتي






ياشباب انا دايم أتعدى على الذات الالهيه من غير قصد وماقدر اصلي الضيقه ذابحتني بموت من الضيقه






ماني قادر اتحمل خلاص انتهيت ورب الكعبه






تكفون الي يعرف رقم السديس يكتبه لي بالخاص ابي اكلمه يمكن يقدر يعالجني ولا يدعيلي والا الله يسخره لي








شباب تكفون قسما بالله حالتي منتهيه






تكفون لاتخلوني انا اخوكم
 
ترتيب حسب التاريخ ترتيب حسب الأصوات
ب

بدركوم

عضو مميز
اولا اسئل الله العلي العظيم في هذا اليوم ان يشفيك

ثانيا احفظ هـذي الادعيه من الشيخ المغامسي

http://www.youtube.com/watch?v=vn-3OCYPBLk

http://www.youtube.com/watch?v=rjgZy-HiyWE


ثالثا ياخي تذكر ان الله سبحانه وتعالي هو مستجيب الدعاء وهو اعلم بحالك ولا يغيب عليه شي وان البشر كلهم مبتلون في هذي الدنيا واود منك ان تقرأ قصة سيدنا ايوب وكيف ابتلاه الله فاخذ منه جميع اولاده وصحتك وماله حتي ابتعد الناس عنه ولم يبقي منه سوى لسانه وقلبه يـذكر فيه الله عز وجل لمدة ١٨ عاما وهو نبي حتي استجاب الله عز وجل له

هذي قصة سيدنا ايوب عليه السلام من الشيخ المغامسي مدتها فقط ٣ دقائق واتمنى منك ان تشاهد مقابلات ومحاضرات الشيخ المغامسي فهو اقرب الشيوخ الي قلبي

http://www.youtube.com/watch?v=DmCccGEnots
 
تأييد 0 تصويت سلبي
م

محمود المليجي

عضو مخضرم
كويتنا3 قال:
العافيه ماشفتها من 8 سنين الوضع كل ماله بتدهور
أنقر للتوسيع...

فحوصاتك الطبيه كلها سليمه المسأله لاتعدو سوى نفسيه فحمد الله ان بدنك سليم من الامراض
بأذن الله ستشفى عن قريب واكثر من الأستغفار واحرص على صلاة الجماعه وتوكل على الله
 
تأييد 0 تصويت سلبي
S

S3d1987

عضو فعال
اخوي انا سابقا اعاني من نفس مشكلتك تقريبا قسم بالله مشكلتك لاهي نفسيه ولا شي
وسواس من ابليس طلع هالافكار من راسك وروح اقعد بمكه يومين بروحك
خلك مع الخالق اعتذر وكثر من الدعاء كثر من الصدقات
روح اشترلك عشر دفايات وعشر بطانيات وافتر وزعها على الفقارى
اقسم بالله بترتاح نفسيا حيل عن تجربه سو اللي اقولك عنه
وطلع هالافكار السوده من راسك


وتذكر كثر من الدعاء والاستغفار خل قلبك معلق بالخالق والله ياجماعه كثرة الدعاء والاستغفار والصدقات له اثر على البني ادم غير طبيعي
 
تأييد 0 تصويت سلبي
ا

ابوصالح

عضو ذهبي
اخوي الكريم

انصحك ان تتوب الى الله اولا ثم تتطهر وبعدها تتصدق لله وتنوي ان لاتعود مرة اخرى

ثم تدعوا الله بصدق باني يصرف عنك هالشياطين

لان الشغله اللي انت سويتها صعبه وتحتاج الى توبه نصوح وشغل واجد وعسى الله يرفع عنك

اخوي لازم تحط في بيتك سيدي لقارئ لسورة البقرة كاملة

انت واعتقد ولا اني متأكد ان شياطين السحر قاعدين لك قعدة قويه ومايفكك منهم الا الله واياته ولمن يتم قراءة سورة البقرة تنزل الملائكه باذن الله وتطرد الشياطين

لازم يكون بيتك طاهر ومافيه صور او شركيات

المهم الصدقه لله فهي تطفيئ غضب الرب

وان شاء الله كلما تقربت الى الله وقريت قرآن تتحسن حالتك شوي شوي

المهم لاتيأس وهذه الضيقة من الشياطين وابليس والعياذ بالله
 
تأييد 0 تصويت سلبي
ب

بوعزوز2000

عضو فعال
السلام عليكم ..

اخوي ... كل واحد عند ابتلاء من رب العالمين .. ما في احد ما عند ابتلاء .. ولانك قوي وايمانك قوي ربي ابتلاك بقوة ايمانك .. فلازم تصبر عليه .. ليما تطلع من الحالة اللي انت فيها ..

كل واحد له ابتلاء واصعبهم هو اللي الله سبحانه يبتليه فيها .. ولان ايمانك قوي .. لا تضعف .. كمل طريجك ..
وخليك دايما استمع للقران .. وتدبر القران عدل .. لا تسمع سمع وبس .. واستمع للقران بكثرة ..

استمع للشيخ اللي يحسسك بكلمات القران .. عندك مثلا من الشيوخ ... سعد الغامدي او مشاري العفاسي .. وغيرهم كثير .. هذي نصيحتي لك .. والصبر جميل ..

وربي يحفظك انشاءالله من كل مكروه وييسر امرك ويهديك امين ..
 
تأييد 0 تصويت سلبي
ب

بديع الزمان

عضو فعال
اعتقد ان الشيخ السديس عنده موقع على الانترنت
ماني عارف اشمعنى الشيخ السديس
يمكن يكون عندك وسواس قهري او ما شابه من الامراض النفسية والتي لا يخلو احد منها
انا لو مكانك اروح لتايلند واتمشى واتعرف على ثقافة شعبها واشغل نفسي بهالامور
اسأل الله العظيم رب العرش العظيم ان يشفيك​
 
تأييد 0 تصويت سلبي
ك

كويتنا3

عضو فعال
اعتقد ان الشيخ السديس عنده موقع على الانترنت
ماني عارف اشمعنى الشيخ السديس
يمكن يكون عندك وسواس قهري او ما شابه من الامراض النفسية والتي لا يخلو احد منها
انا لو مكانك اروح لتايلند واتمشى واتعرف على ثقافة شعبها واشغل نفسي بهالامور
اسأل الله العظيم رب العرش العظيم ان يشفيك
























لأنه أمام الحرم يمكن يكون سبب






وأكيد العلماء لهم مكانه عند الله غير عن الناس العاديين
 
تأييد 0 تصويت سلبي
ب

بديع الزمان

عضو فعال
الاخ كويتنا
عطني دليل ان امام الحرم يشفي من الامراض
لا حول ولا قوة الا بالله
الاخ صاحب الموضوع فيه احد امرين والله اعلم
اما انه مريض نفسي او مسحور
والشيخ السديس لاهو طبيب نفسي ولا معالج من السحر​
 
تأييد 0 تصويت سلبي
ع

عذب الاطباع

عضو فعال
اخوي الغالي

ترى كل الناس عندهم مشاكل في حياتهم ويمرون بحاله صحيه سيئه اكثر منك ألف مره


كل الناس يمرون بمشاكل نفسيه من وسواس قهري وانفصام بالشخصيه وغيرها من الامراض النفسيه

منو منّا ماله ذنوب و معاصي


كل انسان عنده ذنوب ومعاصي

وأنا أولهم


لكن العبره بالتوبه ..


نصيحه لوجه الله


اذا تبي الشفاء والسعاده والتوفيق في حياتك وآخرتك


إلجأ إلى الشافي المعافي


روح عمره ما تاخذ منك ٤ ايام وادعي كل اللي بقلبك لله


اقرأ كتاب الله وخصوصاً سورة البقره


واذا ما قدرت على الاقل اسمعها






لما تطلب من الاخوان هني ان يساعدونك وكأن الشفاء بيدهم والعياذ بالله


صدقني محد راح يفيدك غير الله جل جلاله


مثل ما ابتلاك بالهموم والحزن والمرض


ترى قادر على ان يشفيك ويعافيك بـ لحظه ..
 
تأييد 0 تصويت سلبي
C

chastisement

عضو مميز
ممكن عندك متلازمة توريت

تعريفها من الويكيبيديا: متلازمة توريت (بالإنجليزية: Tourette syndrome) هي عبارة عن خلل عصبي وراثي يظهر منذ الطفولة المبكرة تظهر أعراضه على شكل حركات عصبية لاإرادية متلازمة يصحبها متلأزمات صوتية متكررة. كانت متلازمة توريت تعتبر مرض أو عرض غريب شاذ نادر خاصة أنه يصحبه في العادة ألفاظ بذيئة تخرج بشكل لا إرادي، إلا أن ذلك العرض نادر مع مصابي المرض.

هل ينطبق هالكلام على حالتك؟؟
 
تأييد 0 تصويت سلبي
ك

كويتنا3

عضو فعال
ممكن عندك متلازمة توريت

تعريفها من الويكيبيديا: متلازمة توريت (بالإنجليزية: Tourette syndrome) هي عبارة عن خلل عصبي وراثي يظهر منذ الطفولة المبكرة تظهر أعراضه على شكل حركات عصبية لاإرادية متلازمة يصحبها متلأزمات صوتية متكررة. كانت متلازمة توريت تعتبر مرض أو عرض غريب شاذ نادر خاصة أنه يصحبه في العادة ألفاظ بذيئة تخرج بشكل لا إرادي،إلا أن ذلك العرض نادر مع مصابي المرض.

هل ينطبق هالكلام على حالتك؟؟






نعم هذا وين أفحص عنه؟
 
تأييد 0 تصويت سلبي
ك

كويتنا3

عضو فعال
بديع الزمان قال:
الاخ كويتنا
عطني دليل ان امام الحرم يشفي من الامراض
لا حول ولا قوة الا بالله
الاخ صاحب الموضوع فيه احد امرين والله اعلم
اما انه مريض نفسي او مسحور
والشيخ السديس لاهو طبيب نفسي ولا معالج من السحر​
أنقر للتوسيع...







حبيبي الغالي انت الظاهر ماقريت الكلام عدل ورجائن لاتقولني شي انا ماقلته




انا قلت يمكن يكون سبب ماقلت يشفي




أقرا عدل بارك الله فيك بعدين علق
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى