سؤال وجواب سؤال بخصوص شترات

Na9r.Q8

عضو فعال
السلام عليكم ورحمة الله وبركاته

حبيت استفسر عن افضل نوع شترات واحسن شركة تركبها؟
وكم تقريباً اسعارها اذا بركبها لكل درايش البيت تقريبا 25 دريشة؟
وشنو افضل اليدوي ولا الكهربائي؟
وهل يمنع الغبار؟

وشكراً وآسف على الاطالة
 

تويتر الكويت

عضو مخضرم
اليدوي ميزته ارخص و يطول اكثر لانه عملي
اما الكهربائي اريح واسرع وسهل الاستخدام
لكن عيوبه اعطاله اكثر من اعطال اليدوي و اغلى بالسعر
والاطفال يلعبون فيه لانه سهل اضغط الزر وتمتع بحركة الشتر
واهم عيب فيه اذا انقطعت الكهرباء ماتقدر ترفع الشتر
لان اذا انقطعت الكهرباء تحتاج تفتح الدرايش علشان الهواء يدخل البيت
وعلشان اضاءة الشارع تدخل البيت خصوصا اذا انقطعت الكهرباء في الليل
 

تويتر الكويت

عضو مخضرم
في ناس يركبون الاثنين مع بعض اليدوي والكهربائي
يسمونه يدوي كهربائي ويخلون الزر مرتفع علشان الاطفال ما يطولونه
واهم شي تاخذ نوعية ممتازة وعليها كفالة 5 سنوات
فيه منه انواع كثيرة الفرنسي والالماني والايطالي والصيني
طبعا افضل نوع هو الاغلى بالسعر واعتقد انه الفرنسي
 

تويتر الكويت

عضو مخضرم
بالنسبة لمنع الغبار بصراحة نعم يمنع الغبار بس يعتمد على تشطيب البيت
لان اذا الطوفة مو مستقيمة وفيها بعض الميلان ممكن يدخل غبار بسيط
لكن اهم ميزة فيه يحجب الاضاءة الخارجية حجب تام
وهذا الشي صحي اثناء النوم لان الانسان جسمه يحتاج للنوم في الظلام الدامس الخرمس
حتى ينتج الجسم مادة تقاوم الامراض وتقاوم الخلايا السرطانية
وهي مهمة خصوصا للاشخاص اللي عندهم دوام شفتات ويضطر للنوم في النهار
وممكن الشتر يوفر عليك قيمة الستاير اذا كنت تبي تأجل تركيب الستائر لفترة لاحقة
 

Na9r.Q8

عضو فعال
الله يجزاك اخوي تويتر الكويت على هالمعلومات الوافية وما قصرت على كل حرف كتبته الله يجعله في ميزان حسناتك ويجزاك عنه كل خير

شكرا لك على الافادة يا غالي
 

تويتر الكويت

عضو مخضرم
الله يجزاك اخوي تويتر الكويت على هالمعلومات الوافية وما قصرت على كل حرف كتبته الله يجعله في ميزان حسناتك ويجزاك عنه كل خير

شكرا لك على الافادة يا غالي

شكرا على الدعاء النابع من قلب صادق
وانا حاضر لاي استفسار في اي وقت
واي عضو يسأل أي سؤال لن أبخل عليه بالجواب الصحيح اذا كنت اعرفه
 
أعلى