سؤال وجواب سؤال بخصوص معاشات الوزارات

ابو عيده

عضو جديد
السلام عليكم ورحمة الله وبركاته


انا مدرس في وزارة التربية وتخصصي نادر
لكني سئمت من هذه الوظيفة
ماعجبني الوضع

السؤال يا شباب اني ابي وزارة ثانية وبراتب لا يقل عن الف دينار
اقدر احصل؟
جم رواتب الوزارات الاخرى؟

شاكر لكم
 

بوعوض

عضو فعال
هههههههههههههه عاد انا ادرس انجليزي واحساسي نفس احساسك مهنة تعبانة و ردية

عموما انا ماعرف وايد بس جوف تقدر اتروح العدل واتقدم على " امين سر " اللي يكتب احداث القضايا واللي يكتب كل شي يصير في المحاكمة اللي يقعد يم القاضي

انا رفيج اخوي ياخذ 1100 دك واهوا عزوبي بس كررررف والله يوفقك
 

ابو عيده

عضو جديد
هههههههههههههه عاد انا ادرس انجليزي واحساسي نفس احساسك مهنة تعبانة و ردية

عموما انا ماعرف وايد بس جوف تقدر اتروح العدل واتقدم على " امين سر " اللي يكتب احداث القضايا واللي يكتب كل شي يصير في المحاكمة اللي يقعد يم القاضي

انا رفيج اخوي ياخذ 1100 دك واهوا عزوبي بس كررررف والله يوفقك


يا هلا بزميل المهنة والتخصص
اي والله مهنة حيل تعبانه ماكو تطور بالمدارس ماكو تقدير للمعلم الله المستعان

ابشوف اللي تقول عنه
يا عمي خل يكرفوني بس مافيه طلاب ومنهج سخيف
يجيك الموجه يقولك هذا الدرس تشرحه بحصة وحده
(الطلاقة الشفوية تسويها + الكلمات كاملة تشرحها مع اعطاء امثلة وصور ان امكن + اذا كان فيه قاعدة تشرحها كاملة مع صور وامثلة + الدرس ينقرا كامل واسئلة الكتاب كاملة تجاوبها)
اتحداك اذا هو يقدر

عموما الله كريم...ويعطيك العافية يا بو عوض على الاجابة
تحياتي
 

ابو عيده

عضو جديد
السلام عليكم
اخوإني يو عيده ولو عوض ممكن ماعليكم أمر تسألون منفذ الخدمه بالمدرسه الكويتي جم راتبه
ومشكورين

ياهلا اخ خالد
اتمنى ابو عوض يفيدك لاني ماخذ طبية اسبوع كامل ههههههههههههههه
وماعندي ارقام الموظفين اللي معاي بالمدرسة
ان داومت بشوف لك في حال ابو عوض ما عطاك خبر..

موفق
 

mana

عضو ذهبي
داومت سنة و انحشت , لي 3 سنوات بطالية, بسبّة ماني لاقية مكان مرتب أتوظف فيه غير التربية !
أفشل وظيفة ممكن الإنسان يدفن فيها نفسه في الكويت " التدريس " للأسف الشديد ..

عموماً .. صديقتي خريجة آداب - انجليزي تشتغل في الديوان الأميري .
 

ابو عيده

عضو جديد
تخصص لغه انجليزي تقدر تقدم على الخارجيه وبالتوفيق

رحت قدمت على ملحق
رفضوني بحجة اني تربية
وان الاداب يختلف عني لانه درس لغات ثانية مثل الفرنسية
وانه درس تاريخ الكويت باللغة الانجليزية!!!
انا كنت اداب ومافيه ولا مادة بصحيفة التخرج تثبت ان كلامه صحيح لكن مبين ما يعرفون شيء و "خرطي"
على فكرة: طالب كلية التربية يدرس مواد اللغة أكثر من طالب كلية الأداب.

شكرا لك على الرد
 

ابو عيده

عضو جديد
داومت سنة و انحشت , لي 3 سنوات بطالية, بسبّة ماني لاقية مكان مرتب أتوظف فيه غير التربية !
أفشل وظيفة ممكن الإنسان يدفن فيها نفسه في الكويت " التدريس " للأسف الشديد ..

عموماً .. صديقتي خريجة آداب - انجليزي تشتغل في الديوان الأميري .

صدقتي .. في الكويت .. هي افشل وظيفة

الله المستعان
شكرا على الرد
 
اخوي بو عيده الله يوفقك يارب
بس ليش الكل يقول التدريس فاشل بالعكس وظيفه حلوة واشوفها الاحلى بالكويت نداوم الصبح وتطلع الظهر مرات تدرس حصه أو حصتين والراتب ماشاء الله ما يقل عن 1300 ولا تنسا شهر 5 ينزلون لكم رواتب 4 أشهر يعني شي ممتاز والأهم من هذا أن المدرس عنده إجازته 4 أشهر بالسنة
انا ودي أصير مدرس بس ماعندي شهاده
 

JAMES546613

عضو مميز
التدريس مهنه لها مزاياها من ناحيه قصر الدوام وثباته بلا شفتات ،واجازه طويله ، وفي مجال اكثر من غيره لحصول الاجر من رب العالمين تبث في طلبتك روح الايمان المهم استعذ من الشيطان ثم ان الترقيه سريعه وخاصه عند الرجال وانت كويتي توصل بسرعه ، واخذ لك مكانه في جمعية المعلمين تطلع لك سفرات وعمره باسعار منخفضه ،ابناء البلد اولى من غيرهم في مهنة التعليم لانها امانه ،انا معك من ناحيه التوجيه والاداره والتكاليف ...ومجال تخصصك يتيح لك التمييز وهو من الاقسام التي تحترمها الادارات المدرسيه ،،،،لاتتخلى عن اشرف مهنه وضع نصب عينيك العدل في الدرجات والعطاء ،،،،والله الموفق
 

ابو عيده

عضو جديد
اخوي بو عيده الله يوفقك يارب
بس ليش الكل يقول التدريس فاشل بالعكس وظيفه حلوة واشوفها الاحلى بالكويت نداوم الصبح وتطلع الظهر مرات تدرس حصه أو حصتين والراتب ماشاء الله ما يقل عن 1300 ولا تنسا شهر 5 ينزلون لكم رواتب 4 أشهر يعني شي ممتاز والأهم من هذا أن المدرس عنده إجازته 4 أشهر بالسنة
انا ودي أصير مدرس بس ماعندي شهاده



والله الكل يقولي هالكلام بس لاعت جبدي ما احس اني موظف احس اني للحين طالب
وبالبيت اشتغل حق باجر وافكر بالدوام وماسك كتب غير الامور الادارية والاشرافية بالمدرسة اللي تلوع جبدك

بس بفكر بكلامك : (

أشكرك على الرد
 

ابو عيده

عضو جديد
التدريس مهنه لها مزاياها من ناحيه قصر الدوام وثباته بلا شفتات ،واجازه طويله ، وفي مجال اكثر من غيره لحصول الاجر من رب العالمين تبث في طلبتك روح الايمان المهم استعذ من الشيطان ثم ان الترقيه سريعه وخاصه عند الرجال وانت كويتي توصل بسرعه ، واخذ لك مكانه في جمعية المعلمين تطلع لك سفرات وعمره باسعار منخفضه ،ابناء البلد اولى من غيرهم في مهنة التعليم لانها امانه ،انا معك من ناحيه التوجيه والاداره والتكاليف ...ومجال تخصصك يتيح لك التمييز وهو من الاقسام التي تحترمها الادارات المدرسيه ،،،،لاتتخلى عن اشرف مهنه وضع نصب عينيك العدل في الدرجات والعطاء ،،،،والله الموفق


كلامك يشرح الصدر

بارك الله فيك وشرح صدرك
 
أعلى