للأمانه ما اعرف اسم المسؤول اللي بالداخلية لكن راح اسأل عنه
اللي خلاني اقول هالكلام انه صدر عن اهله وهو خالد العدوه بنفسه فما هي معقوله الرجال بيكذب في هالامر
وثانيا الرجال مقدم طعن على هالاساس يعني ما راح للمحكمه وهو خالي
وثانيا حتى لو اقول فلان هو اللي قال بيطلعلي واحد سلتوح ويقول اثبتلي انه قال ...... ما فيه الا اني اصورله مقطع وانزله بالمنتدى!!!!!!!
في النهايه هذي قرائن ومؤشرات قويه على ان معه حق وهو يسعى فيها وانا اتمنى حصوله عليه ونشوفه انشاء الله يصهل بالمجلس
والحين لحد ينكر حق قانوني للعدوه ويطلعلي بسوالف ....... يا رجل بعضهم يقول افااا شلون يطعن بخواله.... بالله عليك هذا شترد عليه؟؟؟
احنا مانكذب ابو محمد بس بكل صراحه الناس اللي تنقل عنه الكلام اغبهم كذابين
اللي يقول انا سمعت ابو محمد قال كذا وكذا بالسانه وشوف عيني
وهو والله واعلم لو يمره ابو محمد مارده من دربه
والدليل اللي حاط تصريح للعدوه وكات عنوان الموضوع مبروك ابو محمد هاردلك بادي
وحا تسجيل فيديو للعدوه والا العدوه يصرح انه بيطعن في النتيجه ولا خص احد بالطعن
والثاني يقول فيه جاهيه جات من الدواسر ورحت انا بنفسي وسالت لدكتور بادي ونكر هالشي وقال بصريح العباره انا ماذبحت احد ولا اعتديت على احد ولا غلطت عى احد عشان ادز جاهيه للعدوه والعدوه يستاهل كل خير والعجمان ربعنا وتربطنا معاهم علاقت دم وخصوصا ابو محمد
بس منو قالك اني داز جاهيه وليه ادز جاهيه
وهذى هو كلام العقل اللي الواحد يصدقه موالاشاعات اللي تطلع مالها مصدر
وانا والله اقدر اروح لبو محمد واساله بس عيب علي اروح اساله هالسؤال اللي ماله مصدر معين ( يعني لما اساله اقول له افلان ابن فلان يقول هالكلام)
ودزيت ليه واحد من ربعه القريبين ونفى العدوه هالكلام ونفى ان فيه دواسر جوه جاهيه
انا ماقلت لك صور مقطع لبو محمد بس جيبلي كلام عقلاني الواحد يصدق انه رجل في مقام العدوه يقوله
الكلام اللي طلع كله كلام جهال وتبينا نصدقه؟؟
عطني كلام منطقي وانا اصدق