blackberry ذبحونا فيه

سيد هاشم

عضو بلاتيني
بسم الله الرحمن الرحيم

1rn26843.jpg


هالأيام الناس هابين لهم بهبة يدية ماظل أحد ماعنده blackberry حتى اليهال الصغار ماسكين هالبلاك بيري , ولي سألناهم قالوا شعرّفك بالتكنولوجيا والمصيبة صاروا مدمنين لهالجهاز اعرف واحد من شرى هالجهاز وهو ناسي الدنيا ومافيها !!!!!

ولأن أخوكم سيد هاشم مواكب العصر والتكنلوجيا ويحب الفناتق والشغلات اليديدة قمت وشريت البلاك بيري لكن لي سألني أحد شنهي مميزاته بقول له (خير ان شاء الله :)) فحبيت أسأل اللي يعرف شي عن هالجهاز أو شنهي مميزاته تذكرونها لي واكون شاكر لكم. لأن الجهاز بعده بالقوطي ما شغلته.
 

jody

عضو مخضرم
اللي أعرفه ..

أهم ميزة فيه .. أنك تقدر تشبك .. 24 ساعة ..

أتسوي إشتراك مادري وين .. ؟ وتدفع كل شهر جنّه 15 دينار ..

حتى ممثلين هوليوود 24 ساعة قاضبينه

:D
 

Goethe

عضو مخضرم
بسم الله الرحمن الرحيم


1rn26843.jpg


هالأيام الناس هابين لهم بهبة يدية ماظل أحد ماعنده blackberry حتى اليهال الصغار ماسكين هالبلاك بيري , ولي سألناهم قالوا شعرّفك بالتكنولوجيا والمصيبة صاروا مدمنين لهالجهاز اعرف واحد من شرى هالجهاز وهو ناسي الدنيا ومافيها !!!!!


ولأن أخوكم سيد هاشم مواكب العصر والتكنلوجيا ويحب الفناتق والشغلات اليديدة قمت وشريت البلاك بيري لكن لي سألني أحد شنهي مميزاته بقول له (خير ان شاء الله :)) فحبيت أسأل اللي يعرف شي عن هالجهاز أو شنهي مميزاته تذكرونها لي واكون شاكر لكم. لأن الجهاز بعده بالقوطي ما شغلته.


والله .. أنا .. من كثر .. ماسمعت .. عنه .. بشتري واحد .. اخر الشهر ..

ودامك .. جيت .. وعندك واحد .. بالكرتون ..

:eek: عاد أفهم
 

سيد هاشم

عضو بلاتيني
اللي أعرفه ..

أهم ميزة فيه .. أنك تقدر تشبك .. 24 ساعة ..

أتسوي إشتراك مادري وين .. ؟ وتدفع كل شهر جنّه 15 دينار ..

حتى ممثلين هوليوود 24 ساعة قاضبينه

:D

ايه الريال جنه قال لي هالحجي وانا بس أهز راسي يعني فاهم :)
 

سيد هاشم

عضو بلاتيني
والله .. أنا .. من كثر .. ماسمعت .. عنه .. بشتري واحد .. اخر الشهر ..

ودامك .. جيت .. وعندك واحد .. بالكرتون ..

:eek: عاد أفهم

عليك بالعافية, بس تبي الستورم والا الكيرف يوم سألني جان أقول له هاه ؟؟ :)

طلع واحد كبير والثاني صغير, انا شريت العود .
 

Normal

عضو مخضرم
تكسره بالعافيه يا سيّدنا ..

والله هالجهاز هابين فيه غير هبه .. مع اني احس انه جهاز ما منه فايده ..؟

المشكله بعض الناس عندهم وما يستخدمونه ... شارينه وقاطينه بالبيت ..
 

مــيار

عضو بلاتيني
مبروك...تكسره بالعافيه...


بس مو جنه حجمه كبير شوي؟

بالله شوف...تقدر تمسكه بــ يد وحده؟ :)
 

6ergi

عضو مخضرم
بسم الله الرحمن الرحيم



1rn26843.jpg


هالأيام الناس هابين لهم بهبة يدية ماظل أحد ماعنده blackberry حتى اليهال الصغار ماسكين هالبلاك بيري , ولي سألناهم قالوا شعرّفك بالتكنولوجيا والمصيبة صاروا مدمنين لهالجهاز اعرف واحد من شرى هالجهاز وهو ناسي الدنيا ومافيها !!!!!


ولأن أخوكم سيد هاشم مواكب العصر والتكنلوجيا ويحب الفناتق والشغلات اليديدة قمت وشريت البلاك بيري لكن لي سألني أحد شنهي مميزاته بقول له (خير ان شاء الله :)) فحبيت أسأل اللي يعرف شي عن هالجهاز أو شنهي مميزاته تذكرونها لي واكون شاكر لكم. لأن الجهاز بعده بالقوطي ما شغلته.

البلاكبيري من غير إشتراك الإنترنت المخصص له ليس به أي ميزه إضافية عن بقية الأجهزة المماثلة في السوق ..

طبعا إشتراكاته في جميع الشركات الثلاث غاليه نسبيا .. ولكنها مفيده "جدا" لمن يحتاجها كرجال الأعمال ..

أهم ما يميزه الـ BBM أو مسنجر البلاك بيري وتستطيع بواسطته متابعة أصداقئك ومراسلتهم من أي مكان بالعالم ..

أيضا هناك برنامج للبلاك بيري يلحق بخادم الإيميل (Email Server) للشركات .. ويتيح الدخول على الإيميل أو حتى على Active Directory ..


أنا أقول وكل الله يا سيد .. وبيعني الجهاز على خرابه ..

الله عطاك 70 دينار :cool: ..
 

سيد هاشم

عضو بلاتيني
تكسره بالعافيه يا سيّدنا ..

والله هالجهاز هابين فيه غير هبه .. مع اني احس انه جهاز ما منه فايده ..؟

المشكله بعض الناس عندهم وما يستخدمونه ... شارينه وقاطينه بالبيت ..

الله يعافيك, ومو معقولة ماله فايدة والا ما هبوا فيه الناس,
وبعدين مو جنك تقصدني بكلامك :):)
 

سيد هاشم

عضو بلاتيني
مبروك...تكسره بالعافيه...​



بس مو جنه حجمه كبير شوي؟​


بالله شوف...تقدر تمسكه بــ يد وحده؟ :)

الله يبارك فيج ويعطيج العافية, والجهاز لا تغرج الصورة ترى مو كبير وايد يعني تقدرين تمسكينه بإيد وحده. والا جان ما شريته :)
 

سيد هاشم

عضو بلاتيني
البلاكبيري من غير إشتراك الإنترنت المخصص له ليس به أي ميزه إضافية عن بقية الأجهزة المماثلة في السوق ..

طبعا إشتراكاته في جميع الشركات الثلاث غاليه نسبيا .. ولكنها مفيده "جدا" لمن يحتاجها كرجال الأعمال ..

أهم ما يميزه الـ BBM أو مسنجر البلاك بيري وتستطيع بواسطته متابعة أصداقئك ومراسلتهم من أي مكان بالعالم ..

أيضا هناك برنامج للبلاك بيري يلحق بخادم الإيميل (Email Server) للشركات .. ويتيح الدخول على الإيميل أو حتى على Active Directory ..


أنا أقول وكل الله يا سيد .. وبيعني الجهاز على خرابه ..

الله عطاك 70 دينار :cool: ..

يعطيك العافية اخوي 6ergi على هالمعلومات اي انا قلت للريال اهم شي هالاشتراك اللي خابينه فيه.

والجهاز ما يغلى عليك بس محتاجينه لزوم الرزة والكشخة جدام الربع. :)
 

كويتي خالص

عضو بلاتيني
على أول طلعت هالبلاك بييري ...
سألني صديق وكنا قاعدين بستار بوكس وتونا قاعدين ...جربت البلاك بيري ؟

قلت له : لا ....بس أي "تشيز كيك ":confused:

ولليوم ....فاضحني بالهسالفه :باكي:

لا تقولون لأحد :eek:
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
البلاك بيري جهاز رائع لمن يستكشف امكانياته ويستعمله حق الاستعمال ....

لدي هذا الجهاز.....أكثر ما يعجبني فيه هو اتصالي الدائم بالميل ....يمكنك تسجيل العدد الذي ترغب به من الإيملات وتصلك مباشرة ( أول بأول ) وانت في المكتب - بالخارج - في المنزل ....دون أن تتكلف عناء فتح الكمبيوتر لمعرفة وصول بريد أم لا ....هو بالأساس لرجال الأعمال....بس بالكويت ماكو شي اسمه رجال أعمال....الكل رجال أعمال ! ;)

يمكنك تنزيل ألعاب مع مواقع البلاك بيري ومواقع مشتركة مع زين بأسعار رمزية مثل دينار واحد وتنزل على الاشتراك ....

يوجد تحميل جوجل مجاني وجميع خدماته من بريد جوجل وجوجل جات وغيره ....

طبعا المسنجر وامكانية الجات وأنت بالخارج ان أردت....

خدمة البحث والتصفح ......لكن مما وجدته من عيوب التصفح :

لا يمكنك استخدام أو فتح ملفات موقع يوتيوب أو الأصح الفيديو....لا يوجد تسجيل فيديو ....وهو مقارب لعيوب الآي فون ....لكنني سمعت أن البلاك بيري الجديد ربما قد حل هذه المشكلة

ملحوظة : هذه صوري لبلاك بيري الاصدار الأول ...لا ينتشر كثيرا نظرا لارتفاع سعره عند نزوله ....الأحدث أرخص بكثير خاصة مع عروض زين وفيفا ....








في هذه الصورة يمكنك مشاهدة أنك استلمت رسائل بريد جديدة وتتضح بعلامة النجمة الحمراء ...وتصنف على أنواع البريد....كما تجمع في فولدر واحد إن رغبت بمشاهدتها جميعا...ويمكن مسح الرسائل من البلاك بيري فقط أو حتى من البريد نفسه دون الرجوع للكمبيوتر.....صراحة خاصية منتهى الروعة ! :)










هذه طبعا شبكتنا على البلاك بيري ....قام حظ المنتدى :cool:


حقوق الطبع محفوظة ما مداني أكتب عالصور :p

أي استفسار آنا حاضر بلي أعرفه

تحياتي
 

Venezia

عضو بلاتيني
مرحبا بالجميع ..

تسلم سيد هاشم على الموضوع

اللي اتاح لنا الفرصة لمعرفة مزايا أكثر عن هذا الجهاز ..

انا أحد مستخدمي هذا الجهاز .. و فعلا متميز .. و استعماله

جدا ممتع .. و أبلة جوجو ( Joreyaa ) ما قصرت فادتنا

حول المزايا المتاحة في هذا الجهاز ..

لكن كان عندي كذا استفسار من بعد اذنج ..

أول شي جهازج مختلف عن المتوفرين بأسواق الكويت ..

اللي هم BlackBerry Bold 9000

و BlackBerry Curve 8900

او يمكن اللي معاج نوع ثاني ؟ لان ما عندي علم و يا ريت تفيديني ..

( عليج بألف عافية .. ما شاء الله ) :)

استفساري الثاني .. الايميل لما ابطله و احاول اقرا الرسايل دايما تكون علامات

؟؟؟؟ ؟؟؟؟ ؟؟؟؟

بهالصورة .. و حتى الـ images ما اقدر اشوفها ..

طبعا ناهيج عن الايميل اذا كان فيه كلام عربي يطلع أيضا

؟؟؟؟؟؟؟ بهالصورة .. علامات استفهام ..


فهل تقدرين تفيديني بالموضوع من فضلج ؟

و لك جزيل الشكر :وردة:


- - - - -


احب اضيف شي بخصوص اشتراكات الـ BlackBerry

مع الشركة الوطنية بحكم انها شركة الاتصالات اللي اتعامل معاها

عندهم اشتراكين .. واحد بقيمة 13.500 دك

يتيح لك استخدام الانترنت على مدار الساعة من تصفح و تحميل

و ايميلات و مسنجر Windows live ايضا ..

و 10 GB للتحميل Downloads ..

بالاضافة الى خدمات الـ BBM و اللي هي عبارة عن مسنجر

خاص لكل شخص يملك جهاز BlackBerry

يعني مثل المسنجر العادي تضيف الاشخاص بس مو بايميلاتهم

لا عن طريق الـ BB PIN و هذا رقم يكون متوفر بكل جهاز

و يكون عندك قائمة اصدقاء تقدر تتكلم معاهم عن طريق الـ Chat

و تبادل الصور و المقاطع الصوتية مجانا ..

و اذا حبيت ان الاشتراك يكون فعال معاك خارج الكويت

تكون قيمة الاشتراك 25 دك .. شهريا .. حسب علمي ..


و في عروض زينة بعد مع شركة Viva

ان شاء الله احاول احصل معلومات عنها و اكتبها للفائدة ..

مودتي :وردة:
 

خـالد

عضو بلاتيني
ليش البلاك بيري مميز؟ لانه استخدامه حلو وباشتراك شهري ونقل الداتا يكون جداً مضغوط لدرجة ماتتصورها..
عكس اجهزه التلفون العادية ، اللي تاخذ على كل 1 كيلو بايت = 1 فلس ، عاد احسبها اذا تبيها عشره كيلو بايت
صعبه ،يكون الفيديو متوفر في اجهزه التلفون الحالية لانه يأكل الاشتراك أكل لو كان الاشتراك محدود ، ولو كان غير محدود بيقللولك السرعه ويزهقونك بشي اسمه فيديو ..
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
او يمكن اللي معاج نوع ثاني ؟ لان ما عندي علم و يا ريت تفيديني ..
( عليج بألف عافية .. ما شاء الله ) :)

فعلا اللي عندي هو : 8310 gps

كان سعره وقت نزوله 400 دك

استفساري الثاني .. الايميل لما ابطله و احاول اقرا الرسايل دايما تكون علامات

؟؟؟؟ ؟؟؟؟ ؟؟؟؟

غالبا يكون نص عربي لم يستطيع الجهاز التعرف على نوع الفونت وحاولت أختار ترميز النص ولكن لا ينفع سوى مشاهدته عن طريق جهاز الكمبيوتر

بهالصورة .. و حتى الـ images ما اقدر اشوفها ..

طبعا ناهيج عن الايميل اذا كان فيه كلام عربي يطلع أيضا

؟؟؟؟؟؟؟ بهالصورة .. علامات استفهام ..

لفتح ومشاهدة أي صورة ومرفقات على البلاك بيري ...




عندما تفتحين البريد اضغطي على أحد الأزرة المشار إليها بالدوائر وراح تطلع لج قائمة ....دوري على كلمة :

open attachment

ويفتح لج صفحة فيها أسماء المرفقات مثل :

image1
image303
image22

ضغطي واحدو واحدة على حدي تفتح وتنزل تشوفينها ثم عودي وافتحي الأخرى وهكذا.........على فكرة فينيسيا لما تفتحين اي صورة يمكنك الضغط اللفت كليك وهي الزر المشار إليه بالأحمر وتعملين ( حفظ ) للصورة على البلاك بيري :)

ترى مو صعب يحتاج شغلتين : لغة إنجليزية - وقت للتعرف على امكانياته :)

حاضرين للطيبين
 

Venezia

عضو بلاتيني
او يمكن اللي معاج نوع ثاني ؟ لان ما عندي علم و يا ريت تفيديني ..

( عليج بألف عافية .. ما شاء الله ) :)

فعلا اللي عندي هو : 8310 gps

كان سعره وقت نزوله 400 دك

استفساري الثاني .. الايميل لما ابطله و احاول اقرا الرسايل دايما تكون علامات

؟؟؟؟ ؟؟؟؟ ؟؟؟؟

غالبا يكون نص عربي لم يستطيع الجهاز التعرف على نوع الفونت وحاولت أختار ترميز النص ولكن لا ينفع سوى مشاهدته عن طريق جهاز الكمبيوتر

بهالصورة .. و حتى الـ images ما اقدر اشوفها ..

طبعا ناهيج عن الايميل اذا كان فيه كلام عربي يطلع أيضا

؟؟؟؟؟؟؟ بهالصورة .. علامات استفهام ..

لفتح ومشاهدة أي صورة ومرفقات على البلاك بيري ...




عندما تفتحين البريد اضغطي على أحد الأزرة المشار إليها بالدوائر وراح تطلع لج قائمة ....دوري على كلمة :

open attachment

ويفتح لج صفحة فيها أسماء المرفقات مثل :

image1
image303
image22

ضغطي واحدو واحدة على حدي تفتح وتنزل تشوفينها ثم عودي وافتحي الأخرى وهكذا.........على فكرة فينيسيا لما تفتحين اي صورة يمكنك الضغط اللفت كليك وهي الزر المشار إليه بالأحمر وتعملين ( حفظ ) للصورة على البلاك بيري :)

ترى مو صعب يحتاج شغلتين : لغة إنجليزية - وقت للتعرف على امكانياته :)


حاضرين للطيبين


أبلة جوجو .. :وردة:

لا خلا و لا عدم والله .. دايما ألقى عندج كل اللي احتاج اعرفه :وردة:

و ما شاء الله جهازج حلو .. تتهنين فيه يا رب ..

راح أجرب الطريقة اللي قلتيلي عليها ان شاء الله و عساها تضبط معاي .. اذا على الانجليزي مافي مشاكل بس انا للحين ما تعبثت بالجهاز عدل كل يوم اكتشف فيه شي يديد يخليني استانس على استخدامه اكثر :)

شكرا أبلة جوجو :وردة:
 
أعلى