بسم الله الرحمن الرحيم
اقسم بالله يااخواني .. من الظهر تقريبا .. لما شفت الشيك على الشبكة الوطنية
وانا اقول .. الله لايفضحنا .. الله يستر علينا دنيا واخرة .. الله يعينه على سبة الدهر .. يالله تسترنا فوق الارض وتحت الارض ويوم العرض
بس عقب اللقاء مع ناصر الدويله .. الي توني شفته بالاعاده .. والله اني احمد ربي اني قرأت مشاركة لاخونا .. الموسوي .. يقول نبي نسمع الطرف الثاني .. قبل ما اشارك في هالبهتان وهالافك
لقاء ناصر الدويله .. لكل من شاهده .. وقسم بالله ان المرجله طالعه من عيونه .. والصدق من مواريه .. ونظافة يده وقلبه من كلماته .. حرقة وقهر الرجال باين عليه .. الم الظلم والالم وقع عليه
اقول ناصر الدويله صادق في ماقال .. تبريراته مقنعه وتبعد عنه الرشوه .. لكن لا يعني هذا انها .. صح .. ولا يعني انها خطأ من وجهة نظري انك راشي او منتكس الراس .. لا والله .. بل انت اليوم فحل
ان كان هناك .. من يفهم بالرجال .. ويفهم باهل الكرم والنخوه .. ويفهم بالطيبه والفطرة عند اهل الفضل والحشمة .. ف ناصر الدويله ..بعد هاللقاء والعفويه البدويه ومخافت الله .. منهم
وكلمة اخيرة اقولها ... لاخواني وزملائي .. بالشبكة الوطنية
لا يمنعنا كلمة شاركنا فيها بسب او لمز او اتهام .. ل ناصر الدويله .. بعد هاللقاء الي شفناه .. من المكابره في التمادي بالباطل .. والقذف لرجل اقسم اني لمست من لقائه انه نظيف .. وان كان اخطأ في الاجراءات
يااخوان .. اتقو الله سبحانه .. وتبينوا .. ولاتفرحوا وتسخرو وتتشفو .. لكم اهل واولاد وسمعه .. كما للناس كذالك .. وعندالله .. لايضيع شي سبحانه وتعالى عما يصفون ويقولون
كلمه حبيت اقولها لاخواني بالمنتدى .. قبل لا اعلق على بعض ماطلبه ناصر الدويله في اللقاء .. وقول ل ناصر الدويله .. رب ضارة نافعه .. وهذا ابتلاء .. ممكن لرفعه منزلتك عند ربك او كفارة ذنوب
فكلا الامرين خير لك .. انشاء الله في الدنيا والاخرة .. فاصبر واحتسب
............................................................................
الامر الاخر
فيصل المسلم .. ماسرب الشيك .. وانا اجزم بذالك .. ليس لدي اي معلومة .. ولكن بوعلي يكرم عن النقائص واشباهها
ناصر الدويله .. من حر ما سمع ظن ان فيصل ورى هالامر .. وهم مو متاكد ولم يجزم بذالك
فيصل المسلم .. فحل صنديد مايهزه لباسين العمايم والبشوت .. فيصل المسلم سيف مجرم .. بوعلي راس في وقت مانبحث عن الروس .. شامخ يلمخ الفاسد واذنابه
اقول لابو علي فيصل المسلم .. لا تفلت رئيس الوزراء بالاستجواب .. فوالله انه ليس اهلا للرئاسة .. ضعيف الشخصية .. قرارات متخبطه متردده .. ديوانه عليه شبهات ماليه .. قوله .. فاااارق
واقول لناصر الدويله .. طلبك من اعضاء الرشايده عدم التصويت مع فيصل المسلم .. خطأ .. وردت فعل .. ماتلام عليها .. لكن خطأ .. لان الاستجواب ليس فقط شيكات .. بل مصروفات وادارة بلد فاشله
طلبك ايضاا .. من بوعبدالله عين السيح .. دكتور العقيده .. جمعان ظاهر الحربش بالذات .. وهذا ياكد .. ماوصل له الحربش من صدق لدى الجميع .. عسالله يثبته ويوفقه ويخليه خير مما نظن
طلبك منه الانصاف وتقوى الله سبحانه .. طلب مستحق .. بس مايعني انه سيلبي ماقلت .. ايضا لان الاستجواب ليس فقط الشيكات بل مصروفات وادارة ضعيفه .. وسياسه تفرق الوحده الوطنيه واعلام فاسد
جمعان الحربش .. وفيصل المسلم .. ووليد الطبطبائي .. ومسلم البراك .. هالاربعه بالذات .. ولاقصور بباقي الشرفاء بالمجلس .. مااحد يزايد عليهم .. وهم في نظري افضل اربعه بالمجلس
.
.
الله يحفظ الكويت من كل شر .. الله يستر عوراتنا ويامن روعاتنا .. الله ىوفق شيوخنا وحكامنا لما فيه خير البلاد والعباد .. امين يارب العالمين
.
الله يحفظ الكويت من كل شر .. الله يستر عوراتنا ويامن روعاتنا .. الله ىوفق شيوخنا وحكامنا لما فيه خير البلاد والعباد .. امين يارب العالمين