نتائج البحث

وين كويتيين سنة ٩٠ ؟؟ وين راحو

اذا كان لابد انصح الحكومه تخلي البدون يختار شراء جنسيته ولا تجبره علي جنسيه معينه وتجنس المستحقين منهم وذوي الشهادات العلميه العليا .. واضح القضيه مالها حل

مشيت علي قدمي في الصالحيه قاصد مجمع الصالحيه وكان هناك المئات من الاجانب واقفين ينطرون الباصات فاخذو ينظرون لي كاني انا الغريب في هذا البلد وانا بادلتهم نفس الشعور احسست باني غريب في الشارع وهذا كويتي شنو سوي هنيه .. هل كل هالملايين في خدمتي ؟؟ من الذي استقدمهم وتركهم يموجون في بعضهم في شوارعنا...

الشيخ القرضاوي من علماء الامه افني عمره في خدمة الاسلام وليس معصوم عن الخطأ اذا اخطأ فهو في النهايه بشر وخطأه لايمحو ماضيه في خدمة دين الله .. يجب ان نحترم علماؤنا ونجلهم حتي اذا اخطأو احيانا

ياتويتر بلدنا اسمها دولة الكويت وليس اسمها ديرة الصباح او بيت فلان او ديوانية فلان والشعب الكويتي شعب حر لاينتسب لاحد ولا لهوية احد وليسو توابع لاحد لذا اقتضي التنويه .. ونشكرك انك عطيتنا كل هالمعلومات عن حكامنا وشيوخنا وياليت تعلمنا شلون عرفت واحنا لا

كل اللي ذكرتهم امام الله يشتغلون عند المواطن ويعملون لخدمته واي خطأ منهم بحقه سيحاسبهم به الله فالمقام الاول في الحقيقه هو المواطن وليس العكس ..

لاتلومونه الطرق مسكره بوجه المواطن لكنها مفتوحه للمواكب ... مسكين يالمواطن كل اللي يبيه شارع يمشي فيه علشان يوصل شغله ولما لقاله شارع مفتوح فرح ومشي فيه لقا نفسه بالمستشفي وسيارته تكسرت لانها سوت زحمه للمواكب ... مسكين يالمواطن ( صراحه منظر اجزاء سيارته المبعثره منظر مبكي )

اذا هو متاكد من معلوماته عنهم وعنده ادله ليش يخاف من مقاضاتهم ؟؟ واذا ماعنده ادله من وين جايب هالمعلومات عنهم دام لاشاف ولا سمع ؟؟ منيه ورايح اي واحد يقول معلومات عن اي احد بدون ادله وبراهين فهو كذااااب وينطبق عليه توقيعي اللي صار له سنين انا حاطه

الغانم قال نفس كلامنا للبراك من هم الفاسدين ؟؟ من هم سراق المال العام ؟؟ من هم اصحاب المليارات ؟؟ من هم اللذين طعنو في شرف القبائل ؟؟ عطنا اسماء عطنا ادله اي حاجه جمله مفيده

شنو جاب طاري السعوديه والامارات يالملا ؟؟؟ شعليك من الناس ؟؟ كلمن يعيش العيشه اللي تريحه .. انت عندك حريه وماعندك ابراج مثلهم يعني ماكو احد كامل .. لاتقعد تخورها وتخربط شوف مصلحة بلدنا واشتغل مالك شغل بغيرك .. يكون طالع فيها يعني ؟؟ واللي بيروح لهم كل الخليج وطن الكويتيين مو شغلك هذا

اذا كان البراك سامع الشريط ليش ماعنده نسخه منه ويعرضها بساحة الاراده ؟؟؟ مو صعبه ينسخ علي الشريط عقب مايسمعه ولا يخاف مايقدر ؟؟ واذا كان مو سامعه وفيه احد قايله شنو في الشريط ليش خاب عمره وطالع في التلفزيون ويسمعنا الطعن بشرفنا ؟؟؟ يعني من الصوبين كله خرطي بخرطي .. ملينا من الالغاز وخبري خبرك...

البينه علي من ادعي ... اللي يقول كلام لازم هو يثبته مو الطرف الثاني ... بغض النظر انه عرفنا منهو المتعوس وخايب الرجا لكن لو بمشي واتظاهر شقول ؟؟ المتعوس وخايب الرجا باقونا مثلا ؟؟ بيقولون منهم ؟؟ اقولهم مادري .. هذا يقول ( البراك ) صج مظاهرة بربسه

البراك مابيجمعش .. نبي اسم شخص واحد اسم بنك .. عن منو يتكلم ؟؟ منهم الفاسدين اللي بينهبون البلد ؟؟ قول اساميهم عطنا معلومه جيب خلنا نشوف كشف الحساب اللي قاعد تقراه عن المتعوس .. اي حاجه .. وحنا كلنا نقوم وياك ... كلام مبني للمجهول ملينا منه .. عندك حقائق قولها ليش خايف .. والمذيع يطق له الطار

انا اقول احنا كمواطنيين مالنا شغل بالاسره الحاكمه ولانتدخل بينهم ولا لنا علاقه من قريب او بعيد حتي يكون الخلاف في مساحه ضيقه جدا داخل الاسره فقط ولاينتشر الي الشعب فتزيد المشكله وهذا مايسعي له الاعداء وهي خميرة الحروب الاهليه

محد رد من البدون ومناصرينهم ... نبي نعرف رايهم

لافائده من الحكومه ولا المعارضه والمواطن غارق وسوف يقبض من دبش

نعم نحن بحاجه لتغيير نظام ادارة البلد من حيث تعيين الوزراء ورئيس الوزراء .. بلدنا تتاخر يوم عن يوم والمواطن اكلوه التجار وعيالنا زاحمونا ببيوتنا بعيالهم لاسكن لهم ولا شي ناس فوق ناس والجرايم والانتحارات بين الكويتيين بس دون الوافدين كله بسبب النفسيات التعبانه من قلة التعليم والصحه ونقص الحاجات...

قضايا الحدود ترفع من الحكومات فقط وليس من الافراد

شفت الفيديو والشاب عبر عن رايه فقط وطالب بما يراه حق له اما غلطته علي وزراء الداخليه فهذه لها جانب اخر بان يرفع المتضرر قضيه سب بالعلن علي المتهم فالقضيه بسيطه انا شايف

الكل يعرف ان اكثر اصول البدون من العراق وسوريا ولايزال الكثير ممن تسللو الي الكويت في السبعينات احياء واحيانا نحضر مناسبات للبدون ونجد شيابهم يتحدثون بينهم باللهجه العراقيه الفصحي بالاضافه انه ليس لهم اي اقارب كويتيين من الدرجه الاولي فبهكذا اوضاع لن ترتاح الحكومه لتجنيسهم مهما حاولت ان تعصر...